Amelyor nou abilite pour prese​—Pare pour adapte

AKOZ I ENPORTAN: Bann Kretyen swazir ek lezot mouton pe envit tou sort kalite dimoun pour “pran delo lavi gratwitman.” (Re 22:17) Sa delo senbolik i reprezant tou sa ki Zeova in fer pour ki bann imen obeisan i ganny libere avek pese ek lanmor. Pour ed dimoun ki annan diferan koutim ek krwayans relizye, nou bezwen anons sa “bon nouvel eternel” dan en fason ki enteres zot personnelman.​—Re 14:6.

KI MANNYER POUR FER LI:

• Swazir en topik ek en verse ki pou tous leker bann dimoun dan ou teritwar. Ou kapab servi en legzanp prezantasyon oubyen koz lo en size ki enteres dimoun dan ou teritwar. Ki topik ek verse ki pli enteres dimoun? Eski i annan en keksoz ki’n pase dan nouvel e ki dimoun i ankor pe mazinen? Kwa ki pou enteres en msye oubyen en madanm?

• Dir bonzour bann dimoun dan ou teritwar dapre zot koutim.​—2Ko 6:3, 4

• Konn byen bann piblikasyon ek video dan nou bann Zouti predikasyon pour ed dimoun ki montre lentere

• Download bann keksoz dan langaz bann dimoun ki ou kapab zwenn dan ou teritwar

• Sanz ou prezantasyon e koz lo sa ki enterese sa met lakour. (1Ko 9:19-23) Par egzanp, ki ou pou dir si ou dekouver ki sa met lakour fek perdi en dimoun dan lanmor?

GET SA VIDEO E APRE REPONN SA BANN KESTYON SWIVAN:

• Ki topik sa proklanmater in konmans koz lo la avek sa met lakour?

• Ki ti pe arive dan lavi sa met lakour?

• Ki verse ki ti pou pli bon servi dan sa sityasyon e akoz?

• Ki mannyer ou adapte ou prezantasyon pour ki i enteres dimoun dan ou teritwar?