Kontinyen servi bann magazin

Depi 2018, sak magazin piblik i koz lo zis en size. Tou sa bann magazin i form parti nou Zouti predikasyon. Alor, nou kapab servi zot dan predikasyon. Nou osi kapab anmenn detrwa magazin avek nou ler nou vwayaze oubyen ler nou al fer konmisyon. Nou pa servi sa bann magazin pour etidye Labib avek bann dimoun me sa bann magazin i kapab fer en dimoun anvi konn plis lo Bondye.

Apre ki ou’n konmans en konversasyon, montre sa dimoun en verse Labib e koz lo en size dan enn sa bann magazin ki kapab enteres li. Par egzanp, si i pe pran swen avek en fanmir oubyen i pe fer fas avek sagrinasyon ouswa traka lavi. Petet ou kapab dir li: “Mon fek lir en lartik lo sa size. Mon kapab montre ou?” Si sa dimoun i enterese, ou kapab swa donn li enn sa magazin oubyen anvoy li en kopi lo son lekipman elektronik. Ou menm kapab ofer li sa magazin ler ou pe fer premye konversasyon. Menm si nou lobzektif i pa pour zis donn magazin, sa bann magazin i kapab ed nou rod bann ki pare pour aplik sa ki zot aprann.​—Akt 13:48.

2018

2019

2020