PREPAR BYEN POUR PREDIKASYON | OGMANT OU LAZWA DAN PREDIKASYON
Aksepte led nou bann frer ek ser
Zeova i ed nou atraver “lasosyasyon” tou nou bann frer ek ser. (1Pyr 5:9) Zot kapab ed nou fer fas avek difikilte e ed nou reisi dan predikasyon. Par egzanp, zapot Pol ti ganny led sorti kot Akila, Prisil, Silas, Timote ek lezot ankor.—Akt 18:1-5.
Ki mannyer bann frer ek ser i kapab ed ou dan predikasyon? Zot kapab donn ou bann sizesyon ki pour ed ou sirmont lobzeksyon, fer retourn vizit, ofer e fer en letid Labib. Mazin en dimoun dan ou kongregasyon ki kapab ed ou avek sa ki ou bezwen, apre demann li son led. San dout, zot tou le de, zot pou ganny bokou byenfe e sa pour ed zot trouv lazwa.—Fil 1:25.
GET SA VIDEO TROUV LAZWA DAN SA TRAVAY POUR FER DISIP. AKSEPTE LED ZEOVA—NOU BANN FRER. APRE REPONN SA BANN KESTYON SWIVAN:
Ki mannyer Neeta ti esey ankouraz Jasmine pour asiste renyon kongregasyon?
Akoz nou devret envit lezot proklanmater pour asiste nou letid Labib?
I pran en kongregasyon pour fer en dimoun vin en disip
Ki lentere ki Jasmine ek Abigay ti annan an komen?
Ki bann abilite pour prese ki lezot frer ek ser i kapab ansenny ou?