Pionye

Nou servi byen nou lenerzi ler nou met bann lobzektif spirityel pour fer plis dan servis Zeova. (1Ko 9:26) Bann lobzektif pour ed nou servi byen sa letan ki reste avan ki sa lemonn i ariv ver son lafen. (Efe 5:15, 16) Pandan ou ladorasyon fanmir, akoz ou pa met bann lobzektif pour sa nouvo lannen servis? Dan sa kaye renyon, i annan diferan lobzektif ki ou kapab mazinen e priy lo la pour ed ou fer en desizyon.​—Zak 1:5.

Par egzanp, eski bann manm fanmir i kapab travay ansanm pour ki omwen enn parmi zot i pran servis pionye ordiner? Si ou pa asire ki ou pou ganny sa kantite erdtan ki neseser, koz avek serten pionye ki zot sityasyon i menm parey avek sa ki pour ou. (Pr 15:22) Petet ou kapab entervyou en pionye pandan ou ladorasyon fanmir. Apre fer detrwa progranm ki kapab ed ou dan ou servis. Si ou’n deza fer servis pionye dan lepase, ou kapab revwar si ou sirkonstans i permet ou repran sa servis ankor.

Eski serten dan ou fanmir i kapab fer pionye asistan pour enn oubyen plizyer mwan? Si ou napa ase lenerzi, petet ou kapab fer pionye asistan par pas en pti gin letan sak zour dan predikasyon. Si ou napa ase letan pour al predikasyon dan lasemenn akoz ou travay a plen tan ouswa ou lekol, petet ou kapab swazir en mwan ki annan en konze oubyen ki annan senk wikenn. Ekri lo en kalandriye kan ki ou pou fer pionye asistan e fer en progranm.​—Pr 21:5.

ZWE SA VIDEO DEMONTRE KOURAZ KONMAN EN . . . PIONYE. APRE REPONN SA KESTYON:

• Ki nou aprann avek leksperyans ser Aamand konsernan lafason ki Zeova i kontan e pran swen avek bann ki fer sakrifis pour fer pionye?