Kanpanny spesyal pour konmans bann letid Labib an Septanm

Pandan mwan Septanm, nou pou travay vreman dir pour ofer bann letid Labib avek dimoun kot lakour an servan sa brosir Viv ere pour touzour! Bann proklanmater i kapab swazir pour fer pionye asistan pour 30 erdtan. Ki mannyer nou kapab partisip dan sa kanpanny spesyal?

• Lo Premye konversasyon: Servi sa prezantasyon ki deryer sa brosir pour evey lentere sa dimoun e esey montre li ki mannyer en letid Labib i ganny fer. Mazin bann ki ti deza demontre lentere enkli bann retourn vizit. Menm si zot in refize etidye Labib dan lepase, zot kapab enterese avek sa brosir ek nou nouvo fason fer letid. Nou pa devret kit sa brosir kot bann lakour ki nou pa’n zwenn personn ouswa met dan let pour dimoun ki pa’n demontre lentere. Komite servis kongregasyon i kapab met bann renyon predikasyon an plis pandan sa mwan.

• Lezot loportinite: Si ou kongregasyon i servi prezantwar, met sa brosir Viv ere pour touzour! lo prezantwar. Eksplik bann dimoun ki demontre lentere, ki ler zot ganny sa brosir, zot osi kapab ganny en letid Labib gratwit. An bref, montre li ki mannyer en letid Labib i ganny fer oubyen fer laranzman pour montre li pli tar. Sirveyan servis i kapab fer laranzman pour bann proklanmater kalifye al dan teritwar biznes pour ofer bann letid Labib. Ou kapab osi ofer en letid Labib avek ou bann koleg travay oubyen dimoun ki ou zwenn ler ou pe fer temwannyaz enformel.

Zezi ti donn nou sa lord: “fer zot vin mon disip” e “ansenny zot.” (Mt 28:19, 20) Fotespere sa kanpanny spesyal i ed nou akonpli sa lobzektif an servan sa brosir Viv ere pour touzour!