En Kanpanny spesyal pour distribye nouvo Brosir
1 Bokou dimoun i trouble par sa kondisyon ki lemonn i ladan, me pa bokou ki konpran akoz sitiasyon i koumsa, ki pou annan dan lavenir, e ki zot bezwen fer pour kapab sirviv sa zour zizman ki pe vini. (Ezek. 9:4) Pour ed dimoun rekonnet ki lepok ki nou pe viv ladan, en kanpanny spesyal pour distribye sa nouvo brosir Kontinyen veye! pou ganny fer depi Lendi le 18 Oktob ziska Dimans le 14 Novanm.
2 Nou kapab ofer sa brosir kan nou pe pres devan laport bann dimoun, fer retourn vizit, donn temwannyaz enformel, oubyen dan en landrwa piblik. Me nou pa devret donn sa brosir Kontinyen veye! an bonnavini. Okontrer, nou devret ofer zot selman avek bann ki demontre lentere dan sa ki Labib i dir konsernan sinifikasyon bann levennman ki pe arive dan lemonn. Nou kapab donn en trak bann ki pa montre gran lentere dan sa mesaz.
3 Ou kapab atir latansyon en dimoun par dir:
◼ “Bokou dimoun i konsernen avek bann problenm grav ek levennman sokan ki komen ozordi. [Donn en legzanp lokal ki dimoun i konnen.] Eski ou ti konnen ki sa ti’n ganny predir dan Labib? [Les sa dimoun reponn. Apre lir en teks Labib ki refer avek sa legzanp ki ou’n mansyonnen, tel parey Matye 24:3, 7, 8; Lik 21:7, 10, 11; oubyen 2 Timote 3:1-5.] Labib i fer nou konn sinifikasyon sa bann keksoz ki pe arive dan nou letan e ki imen i kapab gannyen dan lavenir. Eski ou ti pou kontan konn plis? [Les sa dimoun reponn. Ofer sa brosir si sa dimoun i montre en lentere senser.] Nou pa pe vann sa brosir. Me si ou ti a kontan fer en kontribisyon pour soutenir sa travay ki pe ganny fer dan lemonn antye, nou ti pou byen apresye.”
4 Petet ou pou vwar sa lapros efikas:
◼ “Bokou dimoun i trouble par bann levennman sokan, oubyen par bann levennman trazik ki’n ariv zot personnelman. Serten i demande akoz Bondye pa entervenir pour anpes sa bann keksoz arive. Labib i asir nou ki byento Bondye pou azir pour tir bann keksoz ki fer imen soufer. Remark bann byenfe ki Bondye pou anmennen pour imen. [Lir Psonm 37:10, 11.] Eski ou ti pou kontan konn plis?” Termin ou konversasyon parey sa enn anler.
5 Esey ganny non ek ladres tou dimoun ki aksepte en kopi sa brosir, e fer laranzman pour retournen pour devlop lentere sa bann dimoun. Bann sizesyon lo konman nou kapab fer sa pou aparet dan Nou Minister Rwayonm Novanm 2004. Si omoman ki ou pe pres port an port, en dimoun i montre gran lentere, deswit ou kapab konmans en letid Labib par servi sa brosir Kontinyen Veye! oubyen en lot piblikasyon, tel parey brosir Ekspekte.
6 Bann kopi sa nouvo brosir pou disponib apre sa Renyon Servis ki’n diskit sa lartik. Nou sizere ki bann proklanmater ek pionye i pran zis lakantite ki zot krwar zot pou kapab plase pandan sa detrwa premye zour dan sa kanpanny. Nou swete ki Zeova i beni sa aktivite spesyal ki pou loue li e ki pou benefisye bann ki annan leker senser dan lemonn antye.—Ps. 90:17.