Eski ou pe byen servi Labib odyo?

Kwa sa Labib odyo? Labib odyo i en lanrezistreman sa versyon revize New World Translation. I pe ganny fer gradyelman dan bokou langaz. Sa ki enteresan avek Labib odyo se ki i servi diferan lavwa pour sak personnaz Labib. Sa bann dimoun i met lanfaz lo sa ki zot pe lir ek bann lemosyon pour fer resorti sa mesaz Labib dan en fason egzakt.

Ki byenfe serten pe gannyen avek Labib odyo? Bokou ki ekout Labib odyo regilyerman, i kontan lafason ki Parol Bondye i reel pour zot. Zot santi ki ler zot tann diferan dimoun pe lir pour sak personnaz Labib, zot kapab pli byen imazin bann levennman dan Labib e zot konpran pli byen sa ki’n ganny ekrir. (Pr 4:5) Bokou osi i vwar ki ler zot ekout Labib odyo, sa i soulaz zot ler zot enkyet.​—Ps 94:19.

Ler nou tann Parol Bondye pe lir aotvwa, sa i annan en gran lefe lo nou lavi. (2Kr 34:19-21) Si Labib odyo i disponib ki swa an antye ouswa an parti dan en langaz ki ou konpran, eski ou kapab ekout li regilyerman e fer li form parti ou lavi?

GET SA VIDEO PRODIKSYON LABIB ODYO​—EKSTRE. APRE REPONN SA KESTYON SWIVAN:

Kwa ki enpresyonn ou avek prodiksyon Labib odyo?