Serten keksoz ki kapab ed ou pour kontinyen lir Labib toulezour

Vi ki nou annan en kantite keksoz pour fer, parfwa nou kapab vwar li difisil pour lir Labib toulezour. (Zoz. 1:8) Si ou santi koumsa, esey enn parmi sa bann sizesyon:

• Met en reminder. Met en alarm lo ou lekipman elektronik pour fer ou mazinen pour lir Labib.

• Met ou Labib dan en landrwa kot ou kapab trouve. Si ou pe servi en kopi Labib ki’n enprimen, met li dan en landrwa kot ou kapab fasilman vwar li toulezour.—Det. 11:18.

• Ekout bann lanrezistreman odyo. Ekout bann lanrezistreman odyo Labib pandan ki ou pe fer ou bann aktivite toulezour. Tara, ki en pionye e en manman ki travay aswar, i dir: “Ler mon ekout bann lanrezistreman odyo Labib pandan ki mon pe fer mon louvraz lakour, sa i ed mwan pour konsistan dan mon lektir Labib.”

• Persevere. Si en keksoz i arive e ou pa kapab lir Labib sa ler ki ou ti’n deside, lir omwen detrwa verse avan ou al dormi. Ou pou ganny bann byenfe menm si ou lir zis detrwa verse sak zour.—1 Pyer 2:2.