Bann berze ki fer zot mye pour ed pep Zeova

Bokou dimoun napa konfyans dan bann ki annan lotorite. Nou kapab konpran akoz. Depi byen lontan, bann dimoun in mal servi zot lotorite pour zot prop lentere personnel. (Mik 7:3) Nou vreman rekonesan ki bann ansyen dan kongregasyon in ganny formen pour servi zot lotorite pour ed pep Bondye.—Es 10:3; Mt 20:​25, 26.

Bann ansyen i diferan avek bann ki annan lotorite dan sa lemonn. Sa bann ansyen ki parey bann berze, zot fer sa travay akoz zot kontan Zeova ek son pep. (Zan 21:16; 1Pyr 5:​1-3) Anba gidans Zezi, sa bann berze i ed sak bann proklanmater pour santi ki zot form parti fanmir Zeova e pour reste pros avek li. Zot pare pour ofer led spirityel bann mouton Zeova e pour ed zot ler i annan en ka medikal ki irzan oubyen ler i annan bann dezas. Alor si ou bezwen led, ou kapab pran kontak avek en ansyen dan ou kongregasyon.—Zak 5:14.

GET SA VIDEO BANN BERZE KI PRAN SWEN AVEK TROUPO BONDYE. APRE REPONN SA BANN KESTYON SWIVAN:

• Ki byenfe Mariana ti gannyen avek led ki bann ansyen ti donn li?

  Ou larepons

• Ki byenfe Elias ti gannyen avek led ki bann ansyen ti donn li?

  Ou larepons

• Ki lefe sa de leksperyans i annan lo lafason ki ou vwar travay ki bann ansyen i fer?

  Ou larepons