Akoz lager ek konfli vyolan i kontinyen?

PESE

Bondye in kree nou premye paran, Adan ek Ev, dan son resanblans. (Zenez 1:27) Sa i vedir ki zot ti pou natirelman reflekte bann kalite Bondye enkli lape ek lanmour. (1 Korentyen 14:33; 1 Zan 4:8) Par kont, Adan ek Ev ti dezobeir Bondye e fer pese. Alor nou tou nou’n erit pese ek lanmor. (Romen 5:12) Vi ki nou’n erit pese, souvan nou annan bann move panse e akoz sa bokou dimoun pou fer bann move keksoz.—Zenez 6:5; Mark 7:21, 22.

GOUVERNMAN IMEN

Bondye pa ti kree nou pour diriz nou prop lekor. Labib i dir: “En dimoun ki pe marse pa kapab diriz son prop lepa.” (Zeremi 10:23) Pour sa rezon, bann gouvernman imen pa kapab elimin lager ek vyolans konpletman.

SATAN EK SON BANN DEMON

Labib i dir ki “lemonn antye i anba kontrol sa enn move.” (1 Zan 5:19) “Sa enn move” i apel Satan Dyab e i en mertriye. (Zan 8:44) Satan ek bann demon i enfliyans bann dimoun pour lager e vin vyolan.—Revelasyon 12:9, 12.