Lafason ki bann marginal references i kapab ed ou

Marginal references dan Labib Tradiksyon nouvo lemonn i montre ki bann diferan parti dan Labib i annakor avek kanmarad. Zot donn ou bann lezot verse ki donn plis lenformasyon lo sa topik ki ou pe lir lo la. Ou kapab trouv bann marginal references par rod sa pti let o bor en mo. Pour ou kapab vwar sa bann lezot verse dan bann Labib enprimen, rod sa menm let dan sa kolonn ki dan milye oubyen lo kote. Lo jw.org oubyen dan JW Library^® app, tous sa pti let o bor sa mo pour ou kapab vwar bann verse ki’n ganny donnen konman referans.

Bann marginal references i kapab ed ou trouv bann lenformasyon swivan e plis ankor:

Bann resi ki pe koz lo menm levennman: Sa bann verse i montre ou sa menm resi me dan en lot liv Labib. Par egzanp, vwar 2 Samyel 24:1 ek 1 Kronik 21:1.

Bann sitasyon: Sa bann verse i montre ou kote en fraz oubyen en lekspresyon i sorti. Par egzanp, vwar Matye 4:4 ek Deterononm 8:3.

Profesi ki’n ganny akonplir: Sa bann verse i montre ou en profesi e osi ki mannyer sa profesi in ganny akonplir. Par egzanp, vwar Matye 21:5 ek Zekarya 9:9.