Servi “An Introduction to God’s Word”—Pour konmans en konversasyon
1. Ki nouvo zouti ki nou’n gannyen pour predikasyon?
1 Edisyon revizyon New World Translation i annan en seksyon ki apel “An Introduction to God’s Word.” Ki mannyer nou kapab servi sa nouvo zouti pour prepar bann prezantasyon pour predikasyon? Vi ki sa seksyon i klasifye bann verse anba diferan topik Labib, parey dan liv Reasoning, i kapab itil pour konmans en konversasyon.
2. Ki mannyer nou kapab servi “An Introduction to God’s Word” dan predikasyon?
2 Ou kapab servi kestyon 8 e dir: “Nou pe fer en pti vizit dan ou vwazinaz akoz bokou dimoun i demande, ‘Eski Bondye i devret ganny blanmen pour nou soufrans?’ [Dan serten landrwa, i pli efikas pour montre sa kestyon avek sa met lakour.] Ki ou lopinyon? [Les sa dimoun reponn.] Labib i donn en larepons satisfezan pour sa kestyon.” Lir e diskit enn oubyen plis bann verse Labib ki ganny site direkteman dan Labib. Si sa met lakour i demontre lentere, ou kapab montre li sa 20 kestyon ki dan lentrodiksyon e demann li pour swazir enn pour diskit lo la pandan sa prosen vizit. Ou kapab osi ofer enn nou bann piblikasyon ki annan plis lenformasyon lo sa size ki zot in diskit lo la.
3. Ki mannyer nou kapab servi “An Introduction to Gods Word” pour konmans en konversasyon dan bann landrwa kot dimoun i dan en larelizyon ki pa Kretyen?
3 Kestyon 4 epi 13 ziska 17 i kapab itil ler nou pe pres dan bann teritwar kot dimoun i pa dan en larelizyon Kretyen. Par egzanp, ou kapab servi lenformasyon dan kestyon 17 e dir: “Nou pe fer en pti vizit pour ed bann fanmir dan nou kominote. Eski ou pou dakor ki bann fanmir pe fer fas avek tou sort kalite problenm ozordi? [Les sa dimoun reponn.] Bokou koup in trouv sa parol saz itil: ‘Sak madanm i devret respekte son mari.’ [Ou pa bezwen mansyonn ki sa parol i sorti dan Efezyen 5:33. Si ou pe koz avek en madanm, ou kapab zis dir nide prensipal dan Efezyen 5:28.] Eski ou krwar ki ler ou met an pratik sa konsey i pou benefisye ou maryaz?”
4. Ki ou kapab dir a lafen ou konversasyon avek en dimoun ki pa dan en larelizyon Kretyen?
4 A lafen ou konversasyon, fer laranzman pour kontiny sa diskisyon en lot ler. Petet ou kapab plàn pour koz lo enn sa bann verse anba sa kestyon ki ou’n swazir. Swazir en letan apropriye pour fer sa met lakour konnen ki sa bann parol saz ki ou’n partaz avek li i sorti dan Labib. Ofer en piblikasyon ki ou krwar pou enteres sa dimoun, me i pou depan lo zot diskisyon ki zot in fer avan ek pwennvi sa dimoun lo Labib.—Vwar sa sipleman dan Nou Minister Rwayonm Desanm 2013.