Amelyor nou abilite pour prese​—Prepar nou lentrodiksyon

Akoz i enportan: Si nou lentrodiksyon pa evey lentere, sa met lakour i kapab termin sa konversasyon avan ki nou kapab rann en temwannyaz. Se pour sa ki bokou proklanmater i konsider zot lentrodiksyon konman sa keksoz pli enportan dan zot prezantasyon. Menm si dan Nou Minister Rwayonm ek liv Reasoning i annan bann prezantasyon pour swiv, zot pa toultan donn en lentrodiksyon konplet pour permet nou fleksib. Kantmenm en prezantasyon i konplet, bann proklanmater i kapab swazir pour sanz li en pe oubyen prepar zot prop prezantasyon. Alor, nou pou vin pli efikas si nou prepar nou lentrodiksyon olye dir sa ki vin dan nou lespri kan sa met lakour i ouver laport.​—Prov. 15:28.

Ki mannyer pour fer li:

• Swazir en topik. Ou topik i devret baze lo sa piblikasyon ki ou pe ofer e i devret enteres dimoun dan teritwar.

• Prepar byen sa enn ou de fraz ki ou pou dir apre ki ou’n dir bonzour. Ou kapab konmanse par dir: “Mon la akoz . . . ,” “Bokou dimoun i konsernen avek . . . ,” “Mon ti pou kontan ganny ou lopinyon lo . . . ,” oubyen ou kapab dir en lot keksoz. En senp pti fraz i souvan mars pli byen. Serten proklanmater i swazir pour aprann parker zot lentrodiksyon.

• Demann en kestyon pwennvi ki pou fer sa dimoun partisip dan sa konversasyon. (Mat. 17:25) Rapel ki sa dimoun ti pe mazin lo en lot keksoz avan ki ou ti arive, alor nou kestyon pa devret tro difisil oubyen anbarasan.

Esey sa pandan sa mwan:

• Met dekote letan pandan Ladorasyon Fanmir pour prepar e egzers sa ki nou pou dir dan lentrodiksyon.

• Kan ou dan predikasyon, partaz sa ki ou’n plàn pour dir avek sa lot proklanmater. (Prov. 27:17) Sanz ou lentrodiksyon si i pa efikas.