PWEN 4

Byen entrodwi bann verse Labib

Matye 22:41-45

KI OU BEZWEN FER: Prepar lespri sa bann ki pe ekout ou avan ou lir en verse Labib.

Mazinen akoz ou pe lir sa verse. Entrodwi sak verse dan en fason ki ou lodyans pou fasilman konpran sa pwen enportan ki ou pe fer resorti dan sa verse.

Pran an konsiderasyon konteks sa verse. Si ou entrodwi en verse e dir lekel ki pe dir sa parol oubyen lekel ki’n ekri sa liv, fer sir ki sa ki ou dir i egzakt.
Met lanfaz lo lefet ki Labib i Parol Bondye. Ler ou pe koz avek dimoun ki krwar dan Bondye, entrodwi Labib konman “Parol Bondye.” Ler ou fer sa, ou montre ki Labib i sa pli bon sours lasazes ki egziste.
Fer dimoun anvi lir sa verse Labib. Demann en kestyon ki sa verse Labib i kapab reponn, mansyonn en problenm ki en verse i kapab ede rezourd oubyen mansyonn en prensip ki en resi Labib pou ede pli byen konpran.

Pran an konsiderasyon sa ki ou lodyans i deza konnen lo sa size e lo sa verse Labib. Entrodwi en verse ki zot deza konn byen dan en fason enteresan e ed ou lodyans pour vwar en nouvo pwen dan sa verse.