PWEN 13

Montre ki mannyer i aplikab

Proverb 3:21, NWT

KI OU BEZWEN FER: Ed ou lodyans vwar ki mannyer sa size i konsern zot e montre zot ki zot devret fer avek sa ki zot in aprann.

Mazin ou lodyans. Reflesir lo akoz ou lodyans i bezwen ekout sa lenformasyon ki ou pe donn zot e ki laspe dan sa size ki ou pe koz lo la ki pou vreman itil pour zot.
Tou dilon ou diskour, montre ou lodyans ki zot bezwen fer. Depi o konmansman diskour, sak dimoun dan lodyans i devret santi ki sa lenformasyon i aplik pour li. Anmezir ki ou devlop sak pwen, montre ki mannyer i devret ganny aplike. Pa koz tro an zeneral me diskit bann laspe spesifik.

Avek lanmour e dan en fason ki montre ki ou konpran ki mannyer lodyans i santi, montre zot ki mannyer pour aplik bann prensip Labib dan zot lavi. Olye fer lezot santi zot koupab, batir zot lafwa ek lanmour e annan konfyans ki zot pou ganny motive pour fer sa ki byen.