PWEN 15

Koz avek konviksyon

1 Tesalonisyen 1:5

KI OU BEZWEN FER: Montre ki ou vreman krwar dan laverite e ki bann pwen ki ou pe koz lo la i vreman enportan.

Prepar vreman byen. Etidye ou lenformasyon byen ziska ler ou konpran sak pwen prensipal e ki mannyer Labib i montre ki sa pwen i vre. Esey eksplik sak pwen prensipal avek zis detrwa mo senp. Konsantre lo ki mannyer ou prezantasyon pou ed lodyans. Priye pour ou ganny lespri sen.

Fer ou diskour aotvwa pour ki ou konn byen ou lenformasyon e ki ou amelyor lafason ki ou pou prezant sa diskour.
Servi bann mo ki montre ki ou konvenki. Olye repet mo pour mo sa ki’n ganny ekrir dan en liv, servi ou prop mo. Servi bann mo ki montre ki ou vreman krwar sa ki ou pe dir.
Koz avek senserite ek lasirans. Koz ase for. Si i pa en mank respe, get dimoun dan zot figir.

Koz avek konviksyon pa vedir koz dan en fason brit, ensiste oubyen fors lezot pour aksepte ou pwennvi. Menm ler ou pe koz avek konviksyon, fer li avek lanmour.