¿Tempa jitijnisie apeˈe ka nakaye na Biblia?

SIUNIE IJWIˈIL NA SINIAˈ JLAMTIS

“Wikieˈeyi niwa Siniaˈ jlamtis ti tˈotataja, ti yiˈi ni jiˈwet, tajle ni jiyel pi Siniaˈ” (2 Timoteo 3:16, Siniaˈ Jlamtis).

¿YOTˈIYIˈN TI JLAM JA ESIEˈ KA KASTSˈAJANE?

Jaˈwiˈna siuniwa ja inkiul apeˈe: ¿yotˈiyiˈn ti sijliakˈali poˈ? sekyiˈi ¿yotˈiyiˈn ti kastsˈajlen? (2 Timoteo 2:7).

Jaˈweˈen siunie ti jlam ijiate ti ja ˈesie ti janoyeˈam siunie janiwone pet na jloma (Mateo 7:12).

Jaˈwiˈna siojona akiˈukin kiyeˈe ti ja ˈesie siupa jloma naˈam sitieyiji (Romanos 15:4).

¿YOTˈIYIˈN TI JA KE IKAKIUK SIUNIE IJWIˈIL NA SINIAˈ JLAMTIS?

ˈLojyeta niwa waskˈiˈnelaja, yeˈen niwa najape:

•  Siniaˈ Jlamtis jeˈ ikam apeˈe siunie ijwiˈil. Cuarenta papo iˈnioˈl ti jeˈ ijwienjlikˈijin ti yitisiˈ tˈipi pa Siniaˈ Jlamtis, poˈ puwa ijia mil seiscientos najkapis. ˈWanjliyi ti jeˈ titiantˈiki siupapo yitisiˈ tˈipi, Siniaˈ Jlamtis jeˈ ikam apeˈe siunie ijwiˈil. Kiak iyojliyi ijwienjli jlam ti tijnaˈyam, jeˈ ijwiˈil pa jikiechaˈye.

•  Tijwela na ijiatkˈi apeˈe niwa waskˈiˈnelaja ti pajkˈi tˈipi. Poˈ napo iˈnioˈl itiliaja ti ijwikijiˈn niwa jeˈ isis ti iyoyisi. Lapakawo siupapo yitisˈi tˈipi na Siniaˈ Jlamtis jeˈ ijwikijiˈn ti ikamkˈijiˈn. Kiak iyojliyi jeˈ ijwikijiˈn siupuwa iyoyisi ti jeˈ isis tˈipi napo iˈnioˈl sekyiˈi anechiyas (Mateo 23:37, 38; Salmo 51:1-4).

•  Siuniwa ijwiˈil na Siniaˈ Jlamtis ti pajkˈi tˈipi janeˈ kisieˈe. Puwa setecientos najkapis ti majleyeyi, Siniaˈ Jlamtis ijwiˈil tˈipi pa Mesías janejyiˈn Belén, ja pak siojopa isiˈi jlase ti yiˈi Judea (Miqueas 5:2). ¿Tepa yijyiˈn tˈipi pa Jesús? ¡Japak siojopa isiˈi Belén! (Mateo 2:1-6).

  Na Biblia tajle na Dios, ¿yotˈiyiˈn? Kepa ˈloj puwa waskˈiˈinelajas ti Siniaˈ Jlamtis ijwiˈil tˈipi ti yiˈ kisieˈe (2 Pedro 1:21).