¿Ma ijiatkˈi tˈe napo ˈyajleˈn janapitsˈi pijiaˈm?

SIUNIE IJWIˈIL NA SINIAˈ JLAMTIS

“Ti janojwankˈi kisieˈe ka pajata siupapo ˈyajleˈn” (Hechos 24:15, Siniaˈ Jlamtis).

¿YOTˈIYIˈN TI JLAM JA ESIEˈ KA KASTSˈAJANE?

Siuti ˈyalata siunie kastsˈeni jaˈwina ti ja ikajmak ti sijliakˈali poˈ (2 Corintios 1:3, 4).

Saˈam ja lajakˈi pa ka ke kasweyikˈiye ti kastsˈajleˈn (Hebreos 2:15).

Jaˈwina siunie ti jlaˈam ijiatkˈiyiji ti akiukin kˈiye ti janiˈwenaja napok siunapo ti ˈyajleˈn ti kastsˈeni (Juan 11:23, 24).

¿YOTˈIYIˈN TI JA KE IKAKIUK SIUNIE IJWIˈIL NA SINIAˈ JLAMTIS?

ˈLojyeta niwa waskˈiˈnelaja, yeˈen niwa najape:

•  Siniaˈ nak jilisajnaˈ jana inˈwasankiye. Siniaˈ Jlamtis ijwiˈil na Jiowa “ti jlaˈam ti tajle jana inˈwasankiye yiyi ni iˈnioˈ” (Hechos 17:24, 25). Siuti nak ti iwintsˈeˈm jana inˈwasanki sekyiˈi pajlat niwa waskˈiˈnelaja, jlaˈam tˈe kiak ja ke iwone pet ka ˈnekiajle pijiaˈm napo ˈyajleˈn.

•  Siniaˈ pajkˈi tˈipi ti inijnan pijiaˈm napo iˈnioˈl. Siniaˈ Jlamtis ijwiˈil ti poˈ papo ocho ti inijnan pijiaˈm, kiaˈlis, jwemik, jlosie sekyiˈi kijilas, kiak iyojliyi asejnia sekyiˈi ayijnies, sekyiˈi pajlat yapilitsˈi ti yiyitsˈi jana ajnat. Pojompe papo je pajkˈi ti ˈyajleˈn, lapakawo pojompe pi iˈnioˈ ti cuatro puwa jlomas ti ˈyaˈal (Juan 11:39-44).

•  Siniaˈ itiliaja ka nekiajle jana inˈwasankiye napo ˈyajleˈn. Jiowa aˈtiejkiˈye ti iˈwiˈin napo iˈnioˈl ti ˈyajleˈn (Ezequiel 18:32, TNM). Itiliaja ti ja nekiajle jana inˈwasanki pajlat napo yiji niwa jitienkiujnieyejes, kiak iyojliyi iyojonkˈiye ka inˈweˈen papok ka inˈwasaˈnen ˈnekiu ajnate (Juan 6:40).