¿Japoye tˈe pa jloma ti ja noˈwe niwa sijliakˈaliyis?

SIUNIE IJWIˈIL NA SINIAˈ JLAMTIS

“Siniaˈ [...] jitiet tˈeˈ ja lejakˈinaˈa kˈiye, siojona ˈnajlati ja lajakˈi japa, siunie injlakˈali kiaˈiyojliyi” (Apocalipsis 21:3, 4, Siniaˈ Jlamtis).

¿YOTˈIYIˈN TI JLAM JA ESIEˈ KA KASTSˈAJANE?

Jlam ijiateje na Siniaˈ ti jeˈ nak ka intajle niwak sijliakˈaliyis (Job 34:10).

Ja ikamak ti ja kastsˈajane ti Siniaˈ itiantˈieje na sijliakˈali ti poˈo (1 Pedro 5:7).

Ti ja atsˈukin kˈiye japak jloma ti ja lajakˈi pa ti ja sijliakˈaliye (Mateo 5:4).

¿YOTˈIYIˈN TI JA KE IKAKIUK SIUNIE IJWIˈIL NA SINIAˈ JLAMTIS?

ˈLojyeta niwa waskˈiˈnelaja, yeˈen niwa times:

• Siniaˈ neˈwajaˈm niwa sijliakˈaliyis sekyiˈi niwa jeˈ isis. ¿Tepi iyo tˈipi pa Siniaˈ Jiowa ti iˈwiˈine pa jijliakˈali pa jika isiˈi ti pajkˈi tˈipi? Siniaˈ Jlamtis iyoˈate Siniaˈ “aˈwene napo ika kiaˈlis ti wuj ti pˈijliusis [...] siuˈnie [...] apeˈyayi” (Hechos 7:34).

  Siniaˈ jeˈ itiliaja napo iˈnioˈl ti iyo jijliakˈaliye napo ijia. Siniaˈ Jlamtis iyoˈate: “Yaˈam ti jayo lajaye [niwa waskˈiˈnelajas jeˈ isis ti jiwoyeyi], iyo pa Sakaˈniona” (Romanos 12:19).

• Siniaˈ ˈnamaja ti ijwienkˈitiamkˈi napo iˈnioˈl. Siniaˈ ikˈeltsˈem ti ka tietaja apeˈe pajlat niwa sijliakˈaliyis “ˈyina ti wuj ti ˈnamaˈase” (1 Pedro 5:7).

  Siniaˈ majleyeyi naˈa ka intejwkˈiˈni niwa jijliakˈali pajlat napo iˈnioˈl nak jan tajle Siniaˈ jika Anechijiayas (Mateo 6:9, 10). Paj ka neyeyi ja pak jloma, Siniaˈ jlemijnaye yiˈne pajlat napo jeˈ takalakiyejnen kiak iyojliyi ti ipˈilisijnˈen (Hechos 17:27; 2 Corintios 1:3, 4).