Tui Kiphum Khit Ciangin Zong Jesuh’ Nung ‘Zui Den’ In

1-2. Tui kiphumkhit ciangin bang thuphate kingah a hiam?

နှစ်ခြင်းခံတဲ့အခါ ဘုရား​မိသားစုဝင် ဖြစ်လာလို့ ကျွန်တော်တို့ သိပ်ပျော်ကြတယ်။ ယေဟောဝါနဲ့ ဒီလို ရင်းနှီးတဲ့ ဆက်ဆံရေး ရှိနိုင်တာ အခွင့်ထူး​ပဲ။ ဆာလံကျမ်း​ရေးသူ ဒါဝိဒ် ပြောသလို “တံတိုင်းတော်​ထဲ​မှာ နေဖို့ [ယေဟောဝါ] ရွေးချယ်ပြီး ဖိတ်ခေါ်ထား​တဲ့သူ​ဟာ ပျော်ရွှင်​ချမ်းမြေ့​တယ်။”—ဆာ. ၆၅:၄။

^၂ တံတိုင်းတော်​ထဲ လူတိုင်းကို ယေဟောဝါ မ​ဆွဲဆောင်​ဘူး။ ရှေ့ဆောင်းပါးမှာ သိခဲ့​ရတဲ့​အတိုင်း မိမိနဲ့ ရင်းနှီး​ချင်ကြောင်း ပြသူတွေကို​ပဲ ဆွဲဆောင်တာ။ (ယာ. ၄:၈) သင် ဆက်ကပ်အပ်နှံ၊ နှစ်ခြင်းခံတဲ့အခါ ယေဟောဝါနဲ့ ထူးထူးခြားခြား ရင်းနှီး​လာမယ်။ ယေဟောဝါ “ကောင်းချီးတွေ လိုလေသေးမရှိ သွန်းလောင်း​မယ်။”—မာ​လ. ၃:၁၀။ ယေ. ၁၇:၇၊ ၈။

3. Ki-ap a, tui kiphum khin Khristiante in bang a thupi tavuan nei uh a hiam? (Thuhilhna 5:4, 5)

^၃ နှစ်ခြင်း​ဟာ အစပဲ ရှိသေးတယ်။ နှစ်ခြင်းခံပြီး​သွား​ရင် ဆက်ကပ်အပ်နှံခြင်း​ကတိ တည်ဖို့၊ ယေဟောဝါကို သစ္စာရှိမြဲ ရှိဖို့ သင် ကြိုးစားချင်​မှာ​ပဲ။ အထူးသဖြင့် အခက်အခဲတွေ၊ စမ်းသပ်မှုတွေ ကြုံတဲ့အခါ ဖြစ်တယ်။ (ဒေသနာ ၅:၄၊ ၅ ကို ဖတ်ပါ။) နောက်လိုက်​တစ်ယောက်အနေနဲ့ ယေရှုကို အတုယူချင်​စိတ်၊ ယေရှုရဲ့ မိန့်မှာချက်​တွေ တစ်သဝေမတိမ်း လိုက်နာချင်​စိတ် ရှိမှာပဲ။ (မ. ၂၈:၁၉၊ ၂၀။ ၁ ပေ. ၂:၂၁) အဲဒီလို လိုက်နာနိုင်​ဖို့ ဒီဆောင်းပါး​က ကူညီပေးပါမယ်။

HAKSATNATE LE ZE-ETNATE A OM HANG JESUH’ NUNG ‘ZUI DEN’ IN

4. Nungzuite in “bawlsiatna singkhuam” pua ding cih in bang a cihnopna hiam? (Luka 9:23)

^၄ နှစ်ခြင်းခံ​လိုက်လို့ ဘဝက ပြဿနာ ကင်း​သွားမှာ မဟုတ်ဘူး။ “ဒုက္ခသစ်တိုင်ကို ထမ်းပြီး ကျွန်တော့်နောက်ကို အမြဲ လိုက်ရမယ်” လို့ ယေရှု ရှင်းရှင်းလင်းလင်း ပြောထားတယ်။ (လုကာ ၉:၂၃ ကို ဖတ်ပါ။) နောက်လိုက်တွေ တစ်ချိန်လုံး ဒုက္ခ​ကြုံရမယ်လို့ ဆိုလိုသလား။ မဆိုလိုဘူး။ နှစ်ခြင်းခံ​လို့ ကောင်းချီးတွေ ရ​သလို အခက်အခဲတွေ ကြုံရနိုင်တယ်​လို့ ဆိုလိုတာ​ပါ။ အခက်အခဲ​တချို့ဆိုရင် တော်တော် ခံရ​ခက်နိုင်တယ်။—၂ တိ. ၃:၁၂။

5. A kipiakhia mi te’n bang thupha ngah ding ci-in Jesuh in kamciam a hiam?

^၅ မိသားစုဝင်တွေ ဆန့်ကျင်တာ သင် ကြုံခဲ့​ရနိုင်တယ်။ ဘုရားနိုင်ငံတော်ကို ဦးစားထားဖို့ ငွေကြေး​ဥစ္စာ စွန့်ခဲ့​ရနိုင်တယ်။ (မ. ၆:၃၃) သင် ကိုယ်ကျိုးစွန့်​သမျှ ယေဟောဝါ သိတယ်။ (ဟီ. ၆:၁၀) “ကျွန်တော့်နာမည်ကြောင့်၊ သတင်းကောင်း​ကြောင့် မိဘ၊ ညီအစ်ကို​မောင်နှမ၊ သားသမီး၊ အိမ်၊ မြေယာ တစ်ခုခုကို စွန့်လွှတ်​လိုက်ရ​သူ​တိုင်း အခု​အချိန်မှာ မိဘ၊ ညီအစ်ကို​မောင်နှမ၊ သားသမီး၊ အိမ်၊ မြေယာ အဆ ၁၀၀ ပြန်​ရမယ့်​အပြင် ညှဉ်းဆဲ​တာ ခံရမယ်။ နောင်လာမယ့် လောကစနစ်​မှာ​လည်း ထာဝရ​အသက်ကို ရဦးမယ်” ဆိုတဲ့ ယေရှု​စကားတွေ မှန်ကန်ကြောင်း ကိုယ်တွေ့ ကြုံခဲ့​မှာ​ပါ။ (မာ. ၁၀:၂၉၊ ၃၀) စွန့်လွှတ်​လိုက်ရတာ​တွေ​ထက် ရလာတဲ့ ကောင်းချီးတွေ ပိုများတယ် မဟုတ်လား။—ဆာ. ၃၇:၄။

6. Tui kiphum khit ciangin zong “pumpi deihna” dosuak ding bang hangin kisam a hiam?

^၆ နှစ်ခြင်းခံပြီး​ရင်​လည်း “သွေးသား​အလိုဆန္ဒ” ကို ဆက်တိုက်လှန်​ရမယ်။ (၁ ယော. ၂:၁၆) အာဒံရဲ့ မစုံလင်တဲ့ သားစဉ်မြေးဆက် ဖြစ်နေဆဲ​မို့လို့​ပါ။ “ကျွန်တော်က ဘုရားသခင်ရဲ့ ပညတ်ကို စိတ်ထဲမှာ နှစ်နှစ်ကာကာ မြတ်နိုးပါ​တယ်။ ဒါပေမဲ့ ကျွန်တော့်​ကိုယ်ခန္ဓာ​ထဲ​မှာ တခြား​တရား​တစ်ခုက စိတ်ထဲက တရားကို တိုက်ခိုက်တဲ့အတွက် ကိုယ်ခန္ဓာ​ထဲ​မှာ ရှိနေတဲ့ အပြစ်​တရား​ရဲ့ ဖမ်းဆီး​ချုပ်နှောင်​မှု​အောက် ကျွန်တော် ရောက်သွားတာ​ကို မြင်​လိုက်တယ်” လို့ ပြောတဲ့ တမန်တော် ပေါလုလို တစ်ခါတလေ ခံစားရနိုင်တယ်။ (ရော. ၇:၂၂၊ ၂၃) သွေးသား​အလိုဆန္ဒ တိုက်လှန်​ရ​လွန်းလို့ စိတ်ဓာတ်ကျလာနိုင်တယ်။ ဒါပေမဲ့ ဘုရားဆီ ဆက်ကပ်အပ်နှံချိန်မှာ ပေးထားတဲ့ ကတိကို စဉ်းစားတာက သွေးဆောင်မှုတွေ တိုက်လှန်​မယ်​ဆိုတဲ့ သန္နိဋ္ဌာန် ပိုခိုင်မာစေတယ်။ တကယ်တော့ ဆက်ကပ်အပ်နှံခြင်း​ကတိက သွေးဆောင်မှုတွေ တိုက်လှန်​ဖို့ အများကြီး ကူညီပေးတယ်။ ဘယ်လိုနည်းနဲ့လဲ။

7. Jehovah kiang ki-apna in cihtak nadingin koi bangin hong huh a hiam?

^၇ ယေဟောဝါ​ဘုရားဆီ ဆက်ကပ်အပ်နှံ​တာ​ဟာ ကိုယ့်ကိုယ်ကိုယ် ငြင်းပယ်​လိုက်တာပဲ။ ဘုရား​စိတ်နဲ့ မ​တွေ့​မယ့် အလိုဆန္ဒတွေ၊ ပန်းတိုင်တွေကို ငြင်းပယ်ဖို့ ရွေးချယ်​လိုက်တာပဲ။ (မ. ၁၆:၂၄) ဘုရားကို သစ္စာစောင့်သိဖို့၊ ဘုရား နှစ်သက်တာ လုပ်ဖို့ ဆုံးဖြတ်ပြီး​သား ဖြစ်နေလို့ သွေးဆောင်မှုတွေ၊ အခက်အခဲတွေ ကြုံလာ​မှ ဘာလုပ်ရမလဲ အချိန်ကုန်​ခံ စဉ်းစား​နေစရာ မလိုတော့ဘူး။ ပြင်းထန်တဲ့ စမ်းသပ်မှုတွေ ကြုံ​တာ​တောင် “ကျုပ်​ရဲ့ သမာဓိကို မစွန့်ဘူး” လို့ ပြောတဲ့ ယောဘလို သစ္စာစောင့်သိ​မှာ ဖြစ်တယ်။—ယောဘ ၂၇:၅။

8. Ki-apna kamciam lungngaihkikna in zolnate do zawh nadingin koi bangin hong huh thei a hiam?

^၈ ဆက်ကပ်အပ်နှံခြင်း​ကတိကို ပြန်​စဉ်းစားတာက သွေးဆောင်မှုတွေ တွန်းလှန်​ဖို့ ကူညီပေးတယ်။ ဥပမာ၊ အိမ်ထောင်သည်​တစ်ယောက်နဲ့ သင် ပရောပရည် လုပ်မလား။ လုပ်မှာ မဟုတ်ဘူး။ ဘုရားဆီ ဆက်ကပ်အပ်နှံ​တုန်းက ငြင်းပယ်ပါ့မယ်​လို့ ကတိ​ပေးထားတဲ့​အထဲမှာ ဒီ​လုပ်ရပ် ပါပြီးသား​ပဲ။ နဂို​ကတည်းက မသင့်တော်တဲ့ ဆန္ဒ​တွေ အမြစ်စွဲ​ဖို့ ခွင့်ပြု​မထား​လို့ နောက်မှ အမြစ်​လိုက်နုတ်ရတဲ့ အဖြစ်မျိုး မ​ရောက်တော့​ဘူး။ “လူဆိုးတွေရဲ့ လမ်း” ကို “ရှောင်​သွား” မှာ ဖြစ်တယ်။—ပညာ. ၄:၁၄၊ ၁၅။

9. Ki-apna kamciam lungngaihkikna in biakpiakna a masapena koih dingin koi bangin hong huh a hiam?

^၉ အစည်းအဝေး ပျက်​မယ့်​အလုပ် ကမ်းလှမ်း​ခံရတဲ့အခါ ဘာလုပ်မလဲ။ အလုပ် ကမ်းလှမ်း​မခံရခင်က​တည်း​က အဲဒီလို​အလုပ်မျိုး ငြင်း​မယ်​လို့ ဆုံးဖြတ်ပြီး​သား​ပဲ။ ဒါဆိုရင် အစည်းအဝေး ပျက်​မယ့်​အလုပ်​မှန်း သိလျက်နဲ့ လက်ခံပြီး​ခါ​မှ အစည်းအဝေး မပျက်အောင် ဖြေရှင်းနည်း ရှာ​ရတဲ့ အဖြစ်မျိုး မ​ရောက်တော့​ဘူး။ အဖ စိတ်​ရွှင်လန်းအောင် လုပ်ဖို့ ဆုံးဖြတ်ထားတဲ့ ယေရှုရဲ့ စံနမူနာကို စဉ်းစားတာ အကူအညီ ဖြစ်စေတယ်။ ယေရှုလိုပဲ ကိုယ်​ဆက်ကပ်အပ်နှံထားတဲ့ အဖ မနှစ်မြို့​မယ့်​အရာ​မှန်သမျှ ချက်ချင်း ပြတ်ပြတ်သားသား ငြင်းပယ်ဖို့ ဆုံးဖြတ်ထားပါ။—မ. ၄:၁၀။ ယော. ၈:၂၉။

10. Tui kiphum khit ciangin zong Jesuh’ nung “zuih den” zawh nadingin Jehovah in koi bangin hong huh ding a hiam?

^၁၀ အခက်အခဲတွေ၊ စမ်းသပ်မှုတွေ​ဟာ ယေရှုနောက် “အမြဲ လိုက်” ချင်ကြောင်း သက်သေပြဖို့ အခွင့်အရေးပဲ။ ယေရှုနောက် အမြဲ လိုက်​နိုင်အောင် ယေဟောဝါ ကူညီပေးမယ်။ “ဘုရားသခင်ဟာ သစ္စာရှိတဲ့အတွက် ခင်ဗျားတို့ မခံနိုင်​လောက်​တဲ့ သွေးဆောင်ခြင်း​ကို ခွင့်ပြုမှာ မဟုတ်ဘူး။ ဒါ့အပြင် သွေးဆောင်ခံရတဲ့အခါ ခံရပ်နိုင်ဖို့ လွတ်မြောက်ရာလမ်း​ကို ပြင်ဆင်​ပေးလိမ့်မယ်” လို့ ကျမ်းစာမှာ ဆိုထားတယ်။—၁ ကော. ၁၀:၁၃။

JESUH’ NUNG ZUIH DEN THEIH DAN

11. Jesuh’ nung zuih den zawh nading a hoihpen thu khat in bang a hiam? (Lim zong en in.)

^၁၁ ယေရှု စိတ်နှလုံး အကြွင်းမဲ့ ဘုရား​အလိုတော် ဆောင်​တယ်။ ဆုတောင်းခြင်းအားဖြင့် ဘုရားနဲ့ အမြဲ ရင်းနှီးအောင် လုပ်တယ်။ (လု. ၆:၁၂) ဒါကြောင့် ယေရှုနောက် အမြဲ လိုက်​နိုင်​တဲ့ အကောင်းဆုံး တစ်နည်းက နှစ်ခြင်းခံပြီးနောက် ယေဟောဝါနဲ့ ပိုရင်းနှီးစေ​မယ့်​အရာတွေ ဆက်လုပ်တာ​ပဲ။ “ကျွန်တော်တို့ ဒီလောက်ထိ တိုးတက်လာပြီ ဖြစ်လို့ ဒီ​လမ်းစဉ်​အတိုင်းပဲ ဆက်ပြီး စနစ်တကျ ကျင့်ကြံနေကြစို့” လို့ ကျမ်းစာမှာ ဆိုထားတယ်။ (ဖိ. ၃:၁၆) ဘုရား​ကျေးကျွန်တွေဟာ ဘုရား​အမှု ပို​ဆောင်နိုင်ဖို့ နည်းလမ်း ရှာကြတယ်။ (တ. ၁၆:၉) သတင်းကောင်း ဟောပြောသူများ​အတွက် သင်တန်း တက်ဖို့၊ ပိုလိုအပ်တဲ့ နေရာမှာ အမှုဆောင်ဖို့ ဆုံးဖြတ်တဲ့ ညီအစ်ကို/မတွေရဲ့ တွေ့ကြုံမှု ကြားဖူး​မှာ​ပါ။ အခြေအနေ ပေး​ရင် သင်လည်း အဲဒီလို​ပန်းတိုင်တွေ ထားနိုင်တယ်။ အခြေအနေ မပေးရင်​ကော။ တခြားသူတွေ​လောက် မလုပ်နိုင်ဘူး​ဆိုပြီး သိမ်ငယ်​မ​သွားပါနဲ့။ အရေးကြီးတာက ခံနိုင်ရည် ရှိဖို့​ပါပဲ။ (မ. ၁၀:၂၂) ကိုယ့်​အခြေအနေ၊ အစွမ်းအစနဲ့​အညီ အမှုဆောင်တဲ့အခါ ဘုရား နှစ်သက်တယ်။—ဆာ. ၂၆:၁။

12-13. Na thalawpna a hong kiam ciangin bang sem thei na hiam? (1 Korin 9:16, 17) (“Tai Kidemna-ah Taisuak In” cih kiu li bawm zong en in.)

^၁၂ နှစ်ခြင်းခံပြီးနောက် အရင်ကလောက် စိတ်ပါလက်ပါ ဆု​မ​တောင်းတော့​ရင်၊ ကျမ်းစာ​ဖတ်ရတာ၊ အမှုဆောင် ထွက်​ရတာ မ​ပျော်​တော့​ရင်​ကော။ စွမ်းအားတော် မရတော့​လို့​ပဲ​ဆိုပြီး ကောက်ချက် မ​ချ​လိုက်ပါ​နဲ့။ မစုံလင်သူမို့ စိတ်​အတက်အကျ ရှိနိုင်တယ်။ ဇွဲလျော့​လာပြီ​ဆိုရင် တမန်တော် ပေါလု​အကြောင်း စဉ်းစား​လိုက်ပါ။ ယေရှုကို ကြိုးစား​အတုယူ​ပေမဲ့ လုပ်သင့်တာ လုပ်ဖို့ စိတ်မပါတဲ့​အချိန်တွေ ရှိနိုင်​မှန်း ပေါလု သိတယ်။ (၁ ကောရိန္သု ၉:၁၆၊ ၁၇ ကို ဖတ်ပါ။) “စိတ်မပါ​ရင်တောင် ကျွန်တော့်ကို ပေးအပ်ထားတဲ့ တာဝန်ကို လုပ်ဆောင်ရမှာ​ပဲ” လို့ ပြောတယ်။ စိတ်​အခြေအနေ ဘယ်လို​ရှိရှိ အမှုဆောင်တာ​ဝန် ကျေပွန်​ဖို့ ဆုံးဖြတ်ထားတယ်။

^၁၃ သင်လည်း စိတ်​အ​လို မလိုက်ပါနဲ့။ စိတ်​အခြေအနေ ဘယ်လို​ရှိရှိ မှန်ရာ လုပ်ဖို့ ဆုံးဖြတ်ထားပါ။ လုပ်စရာ ရှိတာ ဆက်လုပ်တဲ့​အခါ စိတ်​အခြေအနေ ပြောင်း​လာနိုင်တယ်။ ကျမ်းစာ လေ့လာတာ၊ ဆုတောင်းတာ၊ အစည်းအဝေး တက်တာ၊ ဟောပြောတာ မပျက်​ပါ​စေ​နဲ့။ ဒါ ယေရှုနောက် အမြဲ လိုက်​ကြောင်း ပြ​နေတာပဲ။ သင် ခံနိုင်ရည် ရှိတာကို မြင်တဲ့အခါ ညီအစ်ကို/မတွေ အား​ရှိလာကြ​မယ်။—၁ သက်. ၅:၁၁။

“KI-ENTEL UNLA, KISITTEL UN”

14. Ei le ei bangteng ki-ettel ding kisam a hiam? Bang hang hiam? (2 Korin13:5, ZSV)

^၁၄ နှစ်ခြင်းခံပြီး​ရင်​လည်း ကိုယ့်ကိုယ်ကိုယ် မှန်မှန် ဆန်းစစ်​နေဖို့ အရေးကြီးတယ်။ (၂ ကောရိန္သု ၁၃:၅ ကို ဖတ်ပါ။) နေ့တိုင်း ဆုတောင်း​သ​လား၊ ကျမ်းစာ ဖတ်​သ​လား၊ လေ့လာ​သ​လား၊ မှန်မှန် အစည်းအဝေး တက်​သ​လား၊ အမှုဆောင်မှာ ပါဝင်သလား​လို့ မကြာမကြာ ဆန်းစစ်ပါ။ ဒီ​လုပ်ဆောင်မှုတွေ​ကနေ ပိုအကျိုး​ရစေမယ့်​နည်း​တွေ ရှာပါ။ ‘တခြားသူတွေကို အခြေခံ ကျမ်းစာ​သွန်သင်ချက်တွေ ငါ ရှင်းပြနိုင်​သ​လား။ အမှုဆောင်လုပ်ငန်းမှာ ပို​ပျော်​စေ​မယ့်​နည်း​တွေ ရှိသလား။ သတ်သတ်မှတ်မှတ် ဆုတောင်း​သ​လား။ ဘုရားကို အပြည့်အဝ ကိုးစားကြောင်း ငါ့​ဆုတောင်းချက်တွေ​က ပြသ​လား။ အစည်းအဝေး မှန်မှန် တက်​သ​လား။ အစည်းအဝေးမှာ ပို​ပါဝင်ဖို့၊ ပို​အာရုံစိုက်ဖို့ ဘာလုပ်နိုင်သလဲ’ လို့ စဉ်းစားပါ။

15-16. Zolna dona tawh kisai-in unaupa Robert ii tuahkhakna pan bang theikhia i hiam?

^၁၅ ကိုယ့်​အားနည်းချက်​ကိုယ် သိဖို့လည်း အရေးကြီးတယ်။ ညီအစ်ကို ရောဘတ်​ရဲ့ တွေ့ကြုံမှု သုံးသပ်ကြည့်ပါ။ “ကျွန်တော် အသက် ၂၀ လောက်​မှာ အချိန်ပိုင်း​အလုပ်​တစ်ခု လုပ်တယ်။ တစ်ရက်၊ အလုပ်ဆင်း​တော့ အိမ်​လိုက်ခဲ့​ဖို့ အလုပ်ဖော် မိန်းကလေး​က ခေါ်တယ်။ နှစ်ယောက်တည်း ရှိနေမှာ၊ ‘အချိန်​ကောင်း​လေး​ပဲ’ လို့ ပြောတယ်။ ကျွန်တော် ငြင်း​တော့ ငြင်းတယ်။ ဒါပေမဲ့ ဝေ့လည်ကြောင်ပတ် ဖြစ်နေတယ်။ နောက်ဆုံးတော့ မလိုက်ဘူး​လို့ အပြတ် ငြင်း​ပြီး အကြောင်းရင်း​ပါ ရှင်းပြ​လိုက်တယ်” လို့ ရောဘတ် ပြောတယ်။ ရောဘတ် သွေးဆောင်မှု တွန်းလှန်နိုင်​ခဲ့တယ်။ ဒါ ချီးကျူး​စ​ရာ​ပဲ။ ဒါပေမဲ့ ဒီ​အဖြစ်အပျက်​ကို နောက်ပိုင်း ပြန်​စဉ်းစား​ကြည့်တဲ့အခါ ကိုယ့်​တုံ့ပြန်ပုံ​ကို သိပ်​အားမရ​ဘူး။ “ပေါတိဖာ​ရဲ့ မိန်းမ​ကို ယောသပ် ငြင်း​သလို ချက်ချင်း ပြတ်ပြတ်သားသား ကျွန်တော် မငြင်း​နိုင်​ခဲ့ဘူး။ (က. ၃၉:၇-၉) သွေးဆောင်မှုကို ငြင်းဖို့ အဲဒီလောက် ခက်​ပါ​လား​ဆိုတာ သဘောပေါက်သွားတယ်။ ဘုရားနဲ့ ဆက်ဆံရေး ပိုခိုင်ခံ့အောင် လုပ်ဖို့ လိုနေမှန်း မြင်လာတယ်” လို့ ပြောတယ်။

^၁၆ သင်လည်း ရောဘတ်​လို ကိုယ့်ကိုယ်ကိုယ် ပြန်​ဆန်းစစ်​နိုင်တယ်။ သွေးဆောင်မှုကို ငြင်း​နိုင်ခဲ့ရင်​တောင် ‘ငြင်းဖို့ ဘယ်လောက်ကြာကြာ အချိန်ယူ​လိုက်ရ​သလဲ’ ဆိုတာ စဉ်းစားပါ။ ကိုယ့်ကိုယ်ကိုယ် အား​မရတာတွေ ရှိရင်တောင် စိတ်ဓာတ်​မကျပါနဲ့။ အားနည်းချက် သိရတာပဲ ဝမ်းသာ​လိုက်ပါ။ ကိုယ့်​အားနည်းချက်​အကြောင်း ယေဟောဝါဆီ ဆုတောင်း​ပြောပြပါ။ ဘုရား ချမှတ်ထားတဲ့ ကိုယ်ကျင့်တရား​စံနှုန်းအတိုင်း အသက်ရှင်မယ်ဆိုတဲ့ ဆုံးဖြတ်ချက် ခိုင်မာစေမယ့်​အရာတွေ လုပ်ပါ။—ဆာ. ၁၃၉:၂၃၊ ၂၄။

17. Robert’ tuahkhakna-ah Jehovah’ min koi bangin na kihel a hiam?

^၁၇ ရောဘတ်​ရဲ့ တွေ့ကြုံမှု​ကနေ သင်ခန်းစာ နောက်တစ်ခု ရ​သေးတယ်။ “ကျွန်တော် ငြင်း​လိုက်တော့ ‘ရှင့်​ကို ဒါမျိုး စမ်းလို့ မရဘူး​ပဲ’ လို့ အလုပ်ဖော် မိန်းကလေး ပြောတယ်။ ‘ဘာ​ပြောချင်​တာ​လဲ’ လို့ ကျွန်တော် မေးလိုက်တယ်။ သူ့​သူငယ်ချင်း ကောင်လေး​တစ်ယောက်ဟာ အရင်က ယေဟောဝါ​သက်သေ။ သက်သေခံ လူငယ်​အားလုံး ရှေ့တစ်မျိုး ကွယ်ရာတစ်မျိုး လုပ်တဲ့​သူချည်းပဲ၊ အခွင့်အရေး ရရင် ယူ​မယ့်​သူချည်းပဲ​လို့ ပြော​ထားတာ။ ဒါနဲ့ ဟုတ်မဟုတ် သိရအောင် ကျွန်တော့်ကို လာစမ်းတာ။ ယေဟောဝါ​နာမည် ဂုဏ်တက်​အောင် လုပ်​ခွင့် ရလို့ ကျွန်တော် သိပ်ပျော်တယ်” လို့ ရောဘတ် ပြောတယ်။

18. Tui na kiphum khit ciangin bang sep ding na khensat kul a hiam? (“Na Deih Ding Thulu Nih” cih kiu li bawm zong en in.)

^၁၈ ယေဟောဝါဆီ ဆက်ကပ်အပ်နှံ နှစ်ခြင်းခံတာ​ဟာ ဘယ်လို အခြေအနေမှာ​မ​ဆို ဘုရား​နာမည် သန့်ရှင်း​မြင့်မြတ်​အောင် လုပ်ချင်ကြောင်း ပြတာပဲ။ ဘာစမ်းသပ်မှု​တွေ၊ ဘာအခက်အခဲတွေ သင် ကြုံနေရ​မှန်း ယေဟောဝါ သိတယ်။ သစ္စာစောင့်သိဖို့ သင် ကြိုးစား​နေတဲ့အတွက် ဆုချမယ်။ သန့်ရှင်းသော စွမ်းအားတော် ပေးမယ်။ (လု. ၁၁:၁၁-၁၃) ဘုရား​အကူအညီကြောင့် နှစ်ခြင်းခံပြီး​ရင်​လည်း ယေရှုနောက် သင် အမြဲ လိုက်​နိုင်​ပါလိမ့်မယ်။