A Citak Pasalte’ Kam Vaikhak

1. Bang hang khanghamte kiang pan sin kul i hiam?

ဘဝမှာ အရေးကြီး ဆုံးဖြတ်ချက်တွေ ချနိုင်ဖို့ ကျွန်တော်တို့​အားလုံး အကြံဉာဏ်ကောင်း လိုအပ်​ကြတယ်။ အကြီးအကဲတွေ၊ ရင့်ကျက်တဲ့ ညီအစ်ကို/မတွေဆီကနေ အကြံဉာဏ်ကောင်း ရနိုင်တယ်။ အကြံပေးသူ​ဟာ ကိုယ့်​ထက် အများကြီး အသက်​ပို​ကြီးတယ်​ဆိုရင် သူတို့ရဲ့ အကြံဉာဏ် ခေတ်​နောက်ကျ​တယ်​ဆိုပြီး မ​ပစ်ပယ်​သင့်​ဘူး။ အသက်ကြီးသူတွေဟာ ကျွန်တော်တို့​ထက် ဖြတ်သန်း​ခဲ့​ရတဲ့ နှစ်တွေ ပိုများ​တဲ့အတွက် အတွေ့အကြုံ၊ သိနားလည်မှု၊ ဉာဏ်ပညာ ပိုများတယ်။ ဒါကြောင့် အသက်ကြီးသူတွေ​ဆီကနေ ကျွန်တော်တို့ကို ယေဟောဝါ​ဘုရား သင်ယူ​စေချင်တယ်။—ယောဘ ၁၂:၁၂။

2. Hih thulu-ah bang thu kikum ding i hiam?

^၂ ကျမ်းစာခေတ်မှာ မိမိလူမျိုးကို အားပေးဖို့၊ လမ်းပြ​ဖို့ သစ္စာရှိ အသက်ကြီးသူတွေကို ယေဟောဝါ သုံးခဲ့တယ်။ ဥပမာ၊ မောရှေ၊ ဒါဝိဒ်၊ တမန်တော် ယောဟန်တို့ ဖြစ်တယ်။ သူတို့ အသက်ရှင်ခဲ့​ကြ​တဲ့ ခေတ်​ကာလ၊ အခြေအနေ မတူကြဘူး။ မသေဆုံးခင်​မှာ သူတို့ထက် အသက်​ပို​ငယ်သူ​တွေ​ကို အကြံဉာဏ်ကောင်း ပေး​ခဲ့ကြတယ်။ ဘုရားကို နာခံဖို့ သိပ်အရေးကြီးကြောင်း သုံးယောက်စလုံး ပြောခဲ့ကြတယ်။ သူတို့ရဲ့ အမှာစကား​တွေ​ကို ကျွန်တော်တို့​အကျိုးအတွက် ကျမ်းစာမှာ ယေဟောဝါ မှတ်တမ်းတင်​စေ​တယ်။ အဲဒီစကားတွေကို သုံးသပ်တဲ့အခါ အသက်ကြီးသူ​ဖြစ်စေ၊ ငယ်သူ​ဖြစ်စေ အကျိုး​ရနိုင်တယ်။ (ရော. ၁၅:၄။ ၂ တိ. ၃:၁၆) သူတို့ ဘာတွေ မှာ​သွား​သလဲ၊ သူတို့ရဲ့ အမှာစကား​ကနေ ဘာသင်ယူနိုင်သလဲ​ဆိုတာ ဒီဆောင်းပါးမှာ သုံးသပ်​သွားပါမယ်။

“NOTE-A’ DINGIN NUNTAKNA LE KHANSAUNA AHI HI”

3. Moses in bangteng na sem a hiam?

^၃ မောရှေဟာ တစ်ဘဝလုံး ယေဟောဝါကို ဆည်းကပ်​သူ ဖြစ်တယ်။ ပရောဖက်၊ တရားသူကြီး၊ ခေါင်းဆောင်၊ ကျမ်း​ရေး​သူလည်း ဖြစ်တယ်။ ဘဝ​အတွေ့အကြုံ များတယ်။ အီဂျစ်​ပြည် ကျွန်ဘဝကနေ အစ္စရေးလူမျိုးကို ခေါ်ထုတ်​ခဲ့တယ်။ ယေဟောဝါရဲ့ အံ့ဖွယ်အမှု​များစွာ​ကို မြင်ခဲ့တယ်။ ကျမ်းစာမှာ ပါတဲ့ ဦးဆုံး ကျမ်း​ငါး​စောင်​နဲ့ ဆာလံ ၉၀ ကို ရေးတယ်။ ဆာလံ ၉၁ နဲ့ ယောဘ​ကျမ်းကို ရေးတာ​လည်း မောရှေ ဖြစ်နိုင်တယ်။

4. Moses in kuate tha pia a hiam? Bang hang hiam?

^၄ မောရှေ မသေဆုံးခင် အသက် ၁၂၀ မှာ အစ္စရေး​အားလုံးကို ခေါ်ပြီး သူတို့ ငယ်ငယ်​က မြင်ခဲ့​ကြုံခဲ့ရတာ​တွေ​ကို ပြန်အမှတ်ရစေတယ်။ သူတို့ထဲက တချို့ဟာ ယေဟောဝါ အံ့ဖွယ်အမှုတွေ လုပ်တာ၊ အီဂျစ်​တွေ​ကို ဒဏ်ခတ်​တာ မြင်​ခဲ့ကြတယ်။ (ထွ. ၇:၃၊ ၄) ပင်လယ်နီ နှစ်ခြမ်း​ကွဲသွားပြီး ပင်လယ်​ကြမ်းပြင်ပေါ် ဖြတ်လျှောက်​ခဲ့ကြတယ်။ ဖာရောရဲ့ စစ်တပ် ဖျက်ဆီး​ခံ​လိုက်ရတာ တွေ့​ခဲ့ကြတယ်။ (ထွ. ၁၄:၂၉-၃၁) တောကန္တာရမှာ ယေဟောဝါ ကာကွယ်​စောင့်ရှောက်ပေး​တာကို ခံစားခဲ့ကြရတယ်။ (တရား. ၈:၃၊ ၄) အခု၊ သူတို့ ကတိထားရာပြည် ဝင်​ကြ​တော့​မယ်။ ဒါကြောင့် မိမိ မသေဆုံးခင် နောက်ဆုံး အခွင့်အရေး​ကို အမိ​အရ ယူပြီး သူတို့ကို မောရှေ အားပေးတယ်။a

5. Thu Hilhkikna 30:19, 20-a Moses’ kam vaikhakna in Israelte koi bangin lungnuamsak a hiam?

^၅ မောရှေ ဘာ​မှာ​သလဲ။ (တရားဟောရာ ၃၀:၁၉၊ ၂၀ ကို ဖတ်ပါ။) အစ္စရေးလူမျိုးရဲ့ နောင်ရေး​ဟာ စိတ်​အေး​စ​ရာ​ပါပဲ။ ဘုရား​ကောင်းချီးကြောင့် ကတိထားရာပြည်မှာ အသက်ရှည်ရှည် နေနိုင်​တော့​မယ်။ ကတိထားရာပြည်​ဟာ သီးနှံ​ဖြစ်ထွန်း​ပြီး နေချင့်စဖွယ်​ပြည် ဖြစ်တယ်။ “ကိုယ်တိုင် မ​တည်ဆောက်ခဲ့တဲ့ မြို့ကြီး​မြို့​ကောင်း​တွေ၊ ကိုယ်တိုင် မ​ဖြည့်​ဘဲ ကောင်းမွန်​ရာ​အမျိုးမျိုး ပြည့်နေတဲ့​အိမ်တွေ၊ ကိုယ်တိုင် မ​တူးခဲ့တဲ့ ရေလှောင်ကန်​တွေ၊ ကိုယ်တိုင် မစိုက်ပျိုး​ခဲ့​တဲ့ စပျစ်ခြံတွေ၊ သံလွင်ပင်​တွေ ရှိတဲ့ ပြည်” လို့ မောရှေ ပြောတယ်။—တရား. ၆:၁၀၊ ၁၁။

6. Minam dangte in Israelte gualzo dingin Jehovah in ba’hang phal a hiam?

^၆ အစ္စရေးတွေ​ကို မောရှေ သတိ​လည်း ပေးတယ်။ သီးနှံ​ဖြစ်ထွန်း​ပြီး သိပ်လှတဲ့ ပြည်မှာ အမြဲ နေ​ချင်ရင် ဘုရား​ပညတ်တွေကို နာခံရမယ်လို့ သတိပေးတာ​ပါ။ ဘုရားကို နာခံခြင်း၊ “တွယ်တာ​နေ” ခြင်း​အားဖြင့် “အသက်ရှင်ခြင်းကို ရွေးချယ်” ဖို့ တိုက်တွန်းတယ်။ ဒါပေမဲ့ ယေဟောဝါကို အစ္စရေးတွေ မနာခံကြဘူး။ ဒါကြောင့် အဆီးရီးယား​တွေ၊ နောက်ပိုင်းမှာ ဗာဗုလုန်တွေ သူတို့ကို တိုက်ခိုက်​သိမ်းပိုက်ပြီး သုံ့ပန်း​အဖြစ် ဖမ်းခေါ်​သွားဖို့ ယေဟောဝါ ခွင့်ပြုလိုက်တယ်။—၂ ဘု. ၁၇:၆-၈၊ ၁၃၊ ၁၄။ ၂ ရာ. ၃၆:၁၅-၁၇၊ ၂၀။

7. Moses’ kam vaikhakna pan bang sin thei i hiam? (Lim zong en in.)

^၇ ဘာ​သင်ခန်းစာ ရသလဲ။ ဘုရားကို နာခံ​ရင် အသက်​ရတယ်။ ကတိထားရာပြည်​ထဲ ဝင်ခါနီး အစ္စရေးတွေ​လိုပဲ ကျွန်တော်တို့လည်း ကမ္ဘာသစ်​ထဲ ဝင်​ရ​ခါ​နီးနေပြီ။ မကြာခင် ကမ္ဘာ​တစ်ခုလုံး ပရဒိသု ဖြစ်​လာတော့​မယ်။ (ဟေရှာ. ၃၅:၁။ လု. ၂၃:၄၃) မာရ်နတ်​နဲ့ နတ်ဆိုးတွေ မရှိတော့ဘူး။ (ဗျာ. ၂၀:၂၊ ၃) လူတွေကို ဘုရားဆီကနေ လမ်းလွဲအောင် လုပ်မယ့် မှားယွင်းတဲ့ ဘာသာရေး​တွေ မရှိတော့ဘူး။ (ဗျာ. ၁၇:၁၆) ပြည်သူ​ပြည်သားတွေကို ဖိနှိပ်​မယ့် လူ့အစိုးရတွေ မရှိတော့ဘူး။ (ဗျာ. ၁၉:၁၉၊ ၂၀) ပြဿနာ ဖန်တီး​မယ့်​သူ​တွေ လုံးဝ မရှိတော့ဘူး။ (ဆာ. ၃၇:၁၀၊ ၁၁) လူတိုင်း ဘုရား​ပညတ်တွေကို နာခံကြ​မှာ ဖြစ်လို့ စည်းလုံး​ငြိမ်သက်​နေမယ်။ အချင်းချင်း ချစ်ခင်​ကြ​မယ်၊ ယုံကြည်​ကြ​မယ်။ (ဟေရှာ. ၁၁:၉) ကျွန်တော်တို့ရဲ့ နောင်ရေး​ဟာ စိတ်​အေး​စ​ရာ​ပါပဲ။ ယေဟောဝါကိုသာ နာခံ​ရင် ပရဒိသု​ကမ္ဘာမြေမှာ ထာဝစဉ် အသက်ရှင်​ကြ​ရမှာ။—ဆာ. ၃၇:၂၉။ ယော. ၃:၁၆။

8. Tawntung nuntak kamciamna in kum tampi sung missionary a sem unaupa koi bangin na huh a hiam? (Jude 20, 21)

^၈ ထာဝရ​အသက် ပေးမယ်​ဆိုတဲ့ ဘုရားက​တိ​သာ အတွေး​ထဲ​မှာ အမြဲ ရှိနေရင် ဘာစမ်းသပ်မှု​ပဲ ကြုံရပါစေ ဘုရားကို နာခံနိုင်မယ်။ (ယုဒ ၂၀၊ ၂၁ ကို ဖတ်ပါ။) အမှား​လုပ်ချင်စိတ်ကို တိုက်လှန်နိုင်​မယ်။ အာဖရိကမှာ အမှုဆောင်နေတဲ့ သက်တမ်းကြာ သာသနာပြု ညီအစ်ကို​တစ်ယောက်ဟာ အရိုးစွဲနေတဲ့ အကျင့်​တစ်ခုကို ဖျောက်ဖို့ ကြိုးစားခဲ့ရတယ်။ “ဘုရား​ပညတ် ချိုးဖောက်​မိရင် ပရဒိသုမှာ ထာဝစဉ် အသက်ရှင်​ခွင့် လက်လွတ်​ဆုံးရှုံး​ရမယ်ဆိုတဲ့ အသိ​က အမှား​လုပ်ချင်စိတ်ကို တိုက်လှန်​ဖို့ ကူညီပေးတယ်။ ယေဟောဝါဆီ ဆုတောင်း​အသနားခံဖို့ လှုံ့ဆော်ပေးတယ်။ အရိုးစွဲနေတဲ့ အကျင့်​ကို ဘုရား​အကူအညီနဲ့ ဖျောက်​နိုင်​ခဲ့​ပါတယ်” လို့ ပြောတယ်။

‘NA DAUPAI DING HI’

9. David in bang haksatnate na tuakkha a hiam?

^၉ ဒါဝိဒ်ဟာ မင်းကောင်း​တစ်ပါး ဖြစ်တယ်။ ဂီတသမား၊ ကဗျာ​ဆရာ၊ စစ်သူရဲ၊ ပရောဖက်​လည်း ဖြစ်တယ်။ ဘဝ​အချိုးအကွေ့ များတယ်။ ဘုရင်​ရှောလု မလို​တ​မာ​စိတ်နဲ့ လိုက်သတ်လို့ နှစ်ပေါင်းများစွာ ထွက်ပြေး​ပုန်းရှောင်​ရတယ်။ ကိုယ်တိုင် ဘုရင်ဖြစ်လာ​တော့​လည်း သားတော် အဗရှလုံ နန်း​လု​ဖို့ ကြိုးစား​လို့ အသက်​လု​ပြေး​ရ​ပြန်​တယ်။ ဒါဝိဒ် ဒုက္ခတွေ များပေမဲ့၊ ကြီးလေးတဲ့​အမှားတွေ လုပ်မိ​ပေမဲ့ ယေဟောဝါအပေါ် သေတဲ့အထိ သစ္စာစောင့်သိ​တယ်။ ဒါကြောင့်​လည်း “ငါ​နဲ့ စိတ်သဘောထား​ချင်း ကိုက်ညီ​သူ” လို့ ဒါဝိဒ်​ကို ယေဟောဝါ ခေါ်ခဲ့တယ်။ ဒီလို​လူရဲ့ အမှာစကား​ကို ကျွန်တော်တို့ နားထောင်သင့်​တယ် မဟုတ်လား။—တ. ၁၃:၂၂။ ၁ ဘု. ၁၅:၅။

10. Ama kumpi za a luah ding a tapa Solomon tungah David in ba’hang kam vaikhakna nei a hiam?

^၁၀ ထီးနန်း​ဆက်ခံမယ့် သားတော် ရှောလမုန်ကို ဒါဝိဒ် ဘာတွေ မှာ​သလဲ သုံးသပ်ကြည့်ပါ။ စင်ကြယ်တဲ့ ဝတ်ပြုရေး ထွန်းကား​အောင် လုပ်ဖို့၊ ဗိမာန်တော် တည်ဆောက်ဖို့ လူငယ်လေး ရှောလမုန်ကို ယေဟောဝါ ရွေးချယ်တယ်။ (၁ ရာ. ၂၂:၅) အခက်အခဲ များတဲ့ တာဝန်​ပါပဲ။ ရှောလမုန်ကို ဒါဝိဒ် ဘာတွေ​များ မှာ​မလဲ ကြည့်​ကြရအောင်။

11. (a) David in Solomon bang na vaikhak a hiam? (1 Kumpi 2:2, 3) (Lim zong en in.) (b) David‘ gente man ahihlam bangci thei thei i hiam?

^၁၁ ဒါဝိဒ် ဘာ​မှာ​သလဲ။ (၁ ဘုရင်များ ၂:၂၊ ၃ ကို ဖတ်ပါ။) ယေဟောဝါကို နာခံ​ရင် အောင်မြင်​မယ်​လို့ ရှောလမုန်ကို ဒါဝိဒ် မှာတယ်။ တကယ်လည်း ရှောလမုန်ဟာ အောင်မြင်တဲ့ ဘုရင်​တစ်ပါး​အဖြစ် နှစ်ပေါင်းများစွာ ရပ်တည်ခဲ့တယ်။ (၁ ရာ. ၂၉:၂၃-၂၅) ခမ်းနား​ထည်ဝါ​တဲ့ ဗိမာန်တော် တည်ဆောက်တယ်။ ကျမ်းစောင်​တချို့ ရေးသား​တယ်။ တခြားကျမ်းစောင်တွေမှာ သူ့​စကားတွေ ထည့်သွင်း​ဖော်ပြ​ခံရတယ်။ ဉာဏ်ပညာနဲ့ စည်းစိမ်​ကြောင့် ဂုဏ်သတင်း ကျော်စော​တယ်။ (၁ ဘု. ၄:၃၄) ဒါပေမဲ့ ဒါဝိဒ် မှာထားတဲ့​အတိုင်း ယေဟောဝါကို နာခံ​သရွေ့​ပဲ ရှောလမုန် အောင်မြင်မှာ။ ဝမ်းနည်းစရာက နောက်ပိုင်းမှာ တခြား​ဘုရားတွေ​ကို ရှောလမုန် ကိုးကွယ်​လာတယ်။ ဒါကြောင့် ဘုရား​မျက်နှာသာ ဆုံးရှုံး​သွားတယ်။ ပြည်သူ​ပြည်သားတွေကို ဖြောင့်မှန်​မျှတစွာ အုပ်စိုး​နိုင်​တဲ့ ဉာဏ်ပညာ ဆုံးရှုံး​သွားတယ်။—၁ ဘု. ၁၁:၉၊ ၁၀။ ၁၂:၄။

12. David’ kam vaikhakna pan bang sin thei i hiam?

^၁၂ ဘာ​သင်ခန်းစာ ရသလဲ။ ဘုရားကို နာခံ​ရင် အောင်မြင်​တယ်။ (ဆာ. ၁:၁-၃) ရှောလမုန်​လို စည်းစိမ်​ချမ်းသာ တိုးများအောင်၊ ဘုန်းတန်ခိုး ကြီး​အောင် လုပ်ပေးမယ်လို့ ကျွန်တော်တို့ကို ယေဟောဝါ ကတိ​ပေးမထားဘူး။ ဒါပေမဲ့ နာခံမှု ရှိရင် ဆုံးဖြတ်ချက်ကောင်းတွေ ချ​စေနိုင်​မယ့် ဉာဏ်ပညာ ပေးမယ်။ (ပညာ. ၂:၆၊ ၇။ ယာ. ၁:၅) အလုပ်အကိုင်၊ ပညာရေး၊ ဖျော်ဖြေရေး၊ ငွေ​နဲ့ပတ်သက်ပြီး ဆုံးဖြတ်ချက်တွေ ချ​ရတဲ့အခါ ဘုရားပေး ဉာဏ်ပညာ​က ကူညီပေးနိုင်တယ်။ ထာဝရ​အသက် ဆုံးရှုံး​သွား​စေနိုင်​တဲ့ အန္တရာယ်​တွေ​ကနေ ကာကွယ်ပေးနိုင်တယ်။ (ပညာ. ၂:၁၀၊ ၁၁) မိတ်ဆွေကောင်းတွေ ရစေတယ်။ မိသားစု​ဘဝ သာယာ​စေ​တယ်။

13. Unaunu Carmen in nuntakna daupai nading lampi koi bangin na mukhia a hiam?

^၁၃ ဘဝ​အောင်မြင်ဖို့ အဆင့်မြင့်ပညာ တတ်​ထားရမယ်​လို့ မိုဇမ်ဘစ်​နိုင်ငံမှာ နေတဲ့ ညီအစ်မ ကာမန် ထင်ခဲ့တယ်။ ဒါကြောင့် တက္ကသိုလ်​မှာ ဗိသုကာ​ပညာ ဆည်းပူး​တယ်။ “သင်ယူ​သိရှိလာ​တာ​တွေ​ကို ကြိုက်​ပါတယ်။ ဒါပေမဲ့ မနက် ၇:၃၀ ကနေ ညနေ ၆:၀၀ အထိ ကျောင်းမှာပဲ​ဆိုတော့ အချိန်ကုန် လူ​ပင်ပန်း​လာတယ်။ အစည်းအဝေးတွေ ပျက်လာတယ်။ ဘုရားရေးရာ ထိခိုက်လာတယ်။ သခင်နှစ်ဦးဆီမှာ အစေခံ​မိ​နေမှန်း သဘောပေါက်လာတယ်” လို့ ကာမန် ပြောတယ်။ (မ. ၆:၂၄) ဒါနဲ့ ကိုယ့်​အခြေအနေနဲ့ပတ်သက်ပြီး ယေဟောဝါဆီ ကာမန် ဆုတောင်း​ပြောပြတယ်။ အဖွဲ့အစည်း​စာပေတွေမှာ ရှာဖွေ​လေ့လာ​တယ်။ “အမေ့​ဆီ​က​ကော အကြီးအကဲတွေဆီက​ပါ အကြံဉာဏ်ကောင်း အများကြီး ရတယ်။ ဒီလိုနဲ့ ကျောင်းထွက်​ပြီး အချိန်ပြည့် အမှုဆောင်ဖို့ ဆုံးဖြတ်ခဲ့တယ်။ ဒါ ကျွန်မ​ဘဝရဲ့ အကောင်းဆုံး ဆုံးဖြတ်ချက်တွေ​ထဲက တစ်ခု​ပါပဲ။ ဒီလို​ဆုံးဖြတ်ခဲ့တာကို တစ်ခါမှ နောင်တ​မရဘူး” လို့ ဆက်ပြောတယ်။

14. Moses le David in a diakin bang thu vaikhak a hiam?

^၁၄ မောရှေ​ကော ဒါဝိဒ်ပါ ယေဟောဝါကို သိပ်ချစ်တယ်။ ယေဟောဝါကို နာခံဖို့ အရေးကြီးမှန်း သိတယ်။ ဒါကြောင့် မိမိ​တို့ကို အတုယူပြီး ယေဟောဝါအပေါ် သစ္စာစောင့်သိဖို့ နောင်လာနောက်သားတွေကို နှစ်ယောက်စလုံး မှာ​ခဲ့ကြတယ်။ သစ္စာ​မစောင့်​သိရင် ဘုရား​မျက်နှာသာနဲ့ ကောင်းချီး ဆုံးရှုံး​မယ်လို့လည်း သတိပေးခဲ့​ကြတယ်။ အဲဒီ​သတိပေး​အမှာစကား​တွေ​ဟာ ဒီနေ့​အထိ တန်ဖိုး​ရှိနေဆဲပါ​ပဲ။ ယေဟောဝါအပေါ် သစ္စာစောင့်သိဖို့ အရေးကြီးကြောင်း ရာစုနှစ်များ​စွာ​အကြာမှာ ဘုရား​ကျေးကျွန် နောက်တစ်ယောက်​လည်း ပြောထားတယ်။

“ADANG LUNGDAMNA LIANZAW BANGMAH OM LO HI”

15. Sawltak Johan in bangteng na tuakkha a hiam?

^၁၅ ယောဟန်ဟာ ယေရှု သိပ်ချစ်တဲ့ တမန်တော် ဖြစ်တယ်။ (မ. ၁၀:၂။ ယော. ၁၉:၂၆) ယေရှုနဲ့​အတူ အမှုဆောင်တယ်။ ယေရှုရဲ့ အံ့ဖွယ်အမှုတွေ​ကို မြင်ရတယ်။ အခက်ခဲဆုံး​အချိန်မှာ ယေရှု​အပေါ် သစ္စာစောင့်သိ​ခဲ့တယ်။ ယေရှု အသတ်ခံရ​ချိန်​မှာ ရှိနေတယ်။ ယေရှု ရှင်ပြန်ထမြောက်ပြီးနောက်​မှာ ဆုံ​တွေ့ခွင့်​ရခဲ့တယ်။ ပထမရာစုမှာ သစ္စာရှိ လူနည်းစု​လေး​ကနေ “ကမ္ဘာမြေ​အရပ်ရပ်မှာ ရှိတဲ့ လူတိုင်း” ဆီ သတင်းကောင်း ရောက်သွားတဲ့​အထိ ခရစ်ယာန်​ဘာသာ ပျံ့နှံ့​လာတာလည်း ယောဟန် တွေ့ခဲ့တယ်။—ကော. ၁:၂၃။

16. Johan’ laikhakte pan kua te’n hamphatna ngah uh a hiam?

^၁၆ ယောဟန် မီး​စာ​ကုန်​ဆီ​ခန်း​အရွယ် ရောက်လာချိန်​မှာ ယေရှု​ဆီကနေ “ဗျာဒိတ်တော်” ရပြီး ဗျာဒိတ်​ကျမ်း ရေး​ခွင့်​ရတယ်။ (ဗျာ. ၁:၁) ယောဟန် ခရစ်ဝင်ကျမ်း၊ ယောဟန် ပထမစောင်၊ ဒုတိယစောင်၊ တတိယစောင်​ကိုလည်း ရေးခဲ့တယ်။ ယောဟန် တတိယစောင်​ကို ဂါယု​လို့ ခေါ်တဲ့ သစ္စာရှိ ခရစ်ယာန်​တစ်ယောက်ဆီ ရေးခဲ့တာ။ ဂါယု​ဟာ သား​တစ်ယောက်​လို ယောဟန် ချစ်ရသူ ဖြစ်တယ်။ (၃ ယော. ၁) အဲဒီအချိန်မှာ သားသမီး​လို ယောဟန် ချစ်ရသူတွေ နောက်ထပ် အများကြီး ရှိမှာ​ပါ။ သစ္စာရှိ ယောဟန်ရဲ့ အမှာစကား​တွေ​ဟာ ဒီနေ့ခေတ် ယေရှုနောက်​လိုက်​အားလုံး​အတွက်​လည်း အားပေးမှု ဖြစ်နေဆဲပါပဲ။

17. Johan Thumna 4-ah a gen mah bangin, bangin lungdamna liansak a hiam?

^၁၇ ယောဟန် ဘာ​မှာ​သလဲ။ (၃ ယောဟန် ၄ ကို ဖတ်ပါ။) ဘုရားကို ညီအစ်ကို/မတွေ နာခံတာ မြင်တဲ့အခါ သိပ်ဝမ်းသာတယ်​လို့ ယောဟန် ပြောတယ်။ ယောဟန် တတိယစောင်​ကို ရေးချိန်​မှာ တချို့က သွန်သင်ချက်​အမှားတွေ ဖြန့်​နေကြတယ်၊ ဂိုဏ်း​ခွဲ​နေကြတယ်။ ဒါပေမဲ့ ညီအစ်ကို/မများစွာဟာ “အမှန်တရား​လမ်းစဉ်​မှာ လျှောက်လှမ်း​နေ” တယ်။ ဘုရားကို နာခံပြီး “ဘုရားရဲ့ ပညတ်တွေကို လိုက်လျှောက်​နေ” တယ်။ (၂ ယော. ၄၊ ၆) သစ္စာရှိ ခရစ်ယာန်တွေ​ကြောင့် ယောဟန်​သာမက ယေဟောဝါ​လည်း ဝမ်းသာ​မှာ​ပဲ။—ပညာ. ၂၇:၁၁။

18. Johan’ kam vaikhakna pan bang sin thei i hiam?

^၁၈ ဘာ​သင်ခန်းစာ ရသလဲ။ ဘုရားအပေါ် သစ္စာရှိ​ရင် ကိုယ်တိုင်နဲ့ တခြားသူတွေ ဝမ်းသာရတယ်။ (၁ ယော. ၅:၃) ဥပမာ၊ ယေဟောဝါကို စိတ်​ရွှင်လန်းအောင် လုပ်နေတယ်​ဆိုတဲ့ အသိကြောင့် ကျွန်တော်တို့ ဝမ်းသာတယ်။ သွေးဆောင်မှုတွေကို ကျွန်တော်တို့ တွန်းလှန်​တာ၊ ပညတ်ချက်တွေကို လိုက်နာတာ မြင်တဲ့အခါ ယေဟောဝါ ဝမ်းသာတယ်။ (ပညာ. ၂၃:၁၅) ကောင်းကင်တမန်တွေ​လည်း ဝမ်းမြောက်ကြတယ်။ (လု. ၁၅:၁၀) စမ်းသပ်မှုတွေ၊ သွေးဆောင်မှုတွေ ကြုံရတဲ့​ကြား​က ညီအစ်ကို/မတွေ သစ္စာရှိတာ မြင်တဲ့အခါ ကျွန်တော်တို့လည်း ဝမ်းသာရတယ်။ (၂ သက်. ၁:၄) ဒါ့အပြင် စာတန့်လောက​စနစ် ဖျက်ဆီး​ခံရချိန်မှာ ဝမ်းသာ​ရဦးမယ်။ စာတန် ချုပ်ကိုင်​ထားတဲ့ လောက​မှာ​တောင် ယေဟောဝါအပေါ် သစ္စာစောင့်သိ​ကြောင်း ပြ​နိုင်ခဲ့တယ်​ဆိုတဲ့ အသိကြောင့်​ပါ။

19. Midangte tungah thuman hilhna tawh kisai-in unaunu Rachel in bang gen a hiam? (Lim zong en in.)

^၁၉ အထူးသဖြင့် တခြားသူတွေကို အမှန်တရား သွန်သင်ပေးတဲ့​အခါ ကျွန်တော်တို့ ဝမ်းသာရတယ်။ ကိုယ်​ကိုးကွယ်တဲ့ ဘုရားအကြောင်း တခြားသူတွေကို သွန်သင်ပေး​ရတာ အခွင့်ထူး​ပဲ​လို့ ဒိုမီနီကန် သမ္မတ​နိုင်ငံမှာ နေတဲ့ ညီအစ်မ ရေချယ် ခံစားရတယ်။ ယေဟောဝါကို ကိုးကွယ်​လာဖို့ လူများစွာ​ကို ရေချယ် ကူညီပေးခဲ့တယ်။ “ကိုယ့်​သင်သားတွေ ယေဟောဝါကို ချစ်တတ်​လာတာ၊ အားကိုး​တတ်လာ​တာ၊ ယေဟောဝါ စိတ်​ရွှင်လန်း​ဖို့ ဘဝမှာ အပြောင်းအလဲတွေ လုပ်တာကို မြင်ရတဲ့အခါ ပြောမပြတတ်လောက်အောင် ဝမ်းသာရတယ်။ တကယ် ကြိုးစားရကျိုးနပ်​တယ်၊ ကိုယ်ကျိုးစွန့်ရကျိုး​နပ်တယ်” လို့ ရေချယ် ပြောတယ်။

A CITAK PASALTE’ KAM VAIKHAKNA NGAI IN

20. Moses, David le Johan tawh kibatna bangteng nei i hiam?

^၂၀ မောရှေ၊ ဒါဝိဒ်နဲ့ ယောဟန်တို့ အသက်ရှင်ခဲ့​တဲ့ ခေတ်​ကာလ၊ အခြေအနေဟာ ကျွန်တော်တို့နဲ့ မတူဘူး။ ဒါပေမဲ့ တူ​တာ​တွေ​လည်း ရှိပါတယ်။ သူတို့​လိုပဲ ကျွန်တော်တို့လည်း စစ်မှန်တဲ့ ဘုရားသခင်ကို ကိုးကွယ်​ကြတယ်၊ အားကိုးကြတယ်၊ ဘုရားသခင်ဆီ ဆုတောင်းကြတယ်၊ အကြံဉာဏ် တောင်းခံ​ကြတယ်။ နာခံမှု ရှိသူတွေကို ယေဟောဝါ ကြွယ်ဝစွာ ကောင်းချီးပေးမယ်ဆိုတာ သူတို့​သုံးယောက်လိုပဲ ကျွန်တော်တို့လည်း စိတ်ချကြတယ်။

21. A citak khanghamte ahi Moses, David le Johan-te’ kam vaikhakna a zuite in bang thupha ngah ding uh a hiam?

^၂၁ ယေဟောဝါရဲ့ ပညတ်ချက်တွေကို နာခံခြင်းအားဖြင့် သစ္စာရှိ အမျိုးသားတွေရဲ့ အမှာစကား​ကို နားထောင်​ကြရအောင်။ ဒါဆိုရင် လုပ်​လေ​ရာ​ရာ​မှာ အောင်မြင်​မယ်။ “အသက်ရှည်ရှည် နေခွင့်” ရမယ်။ ထာဝစဉ်​တောင် အသက်ရှည်​မှာ။ (တရား. ၃၀:၂၀) ဒါ့အပြင် စိတ်ကူး​လို့​တောင် မရနိုင်တဲ့ ကောင်းချီးတွေ ပေးမယ့် ကောင်းကင်ဘုံစံ​အဖ​ကို စိတ်​ရွှင်လန်းစေ​တယ်​ဆိုတဲ့ အသိကြောင့် ဝမ်းသာ​ရပါလိမ့်မယ်။—ဧ. ၃:၂၀။