Unaupate Aw—Pawlpi Nasem Suak Dingin Na Hanciam Uh Hiam?

1. Sawltak Paul in pawlpi nasemte koi bangin mu a hiam?

အသင်းတော် အမှုထမ်းတွေဟာ အသင်းတော်မှာ သိပ်​အရေးပါတဲ့ တာဝန်တွေ ထမ်းဆောင်ကြတယ်။ အသင်းတော် အမှုထမ်းတွေကို တမန်တော် ပေါလု တန်ဖိုးထားတယ်။ ဥပမာ၊ ဖိလိပ္ပိ​အသင်းတော်ဆီ ရေးတဲ့ စာမှာ အကြီးအကဲတွေ​အပြင် အသင်းတော် အမှုထမ်းတွေကို နှုတ်ဆက်​ထားတယ်။—ဖိ. ၁:၁။

2. Unaupa Luis in pawlpi nasem tavuan pen koi bangin ngaihsut a hiam?

^၂ နှစ်ခြင်းခံပြီးသား ညီအစ်ကိုများ​စွာ​ဟာ အသင်းတော် အမှုထမ်းအဖြစ် ပျော်ပျော်ရွှင်ရွှင် အမှုဆောင်နေကြတယ်။ အမှုထမ်းတွေဟာ အသက်အရွယ် မတူကြဘူး။ ဥပမာ၊ ညီအစ်ကို ဒယ်​ဗန်​ဟာ အသက် ၁၈ နှစ်မှာ၊ ညီအစ်ကို လူးဝစ်​ဟာ အသက် ၅၀ ကျော်​မှာ အမှုထမ်းအဖြစ် ခန့်အပ်ခံရတယ်။ “ဒီနည်းနဲ့ ညီအစ်ကို/မတွေ​အကျိုး သယ်ပိုး​ရလို့ သိပ်ပျော်တယ်။ မေတ္တာ​တုံ့ပြန်​ခွင့် ရ​လိုက်​သလို​ပါပဲ” လို့ ညီအစ်ကို လူးဝစ် ပြောတယ်။ သူ ပြောတာကို အသင်းတော် အမှုထမ်းများ​စွာ သဘောတူကြမှာ​ပါ။

3. Hih thulu-ah bang dotnate kikum ding i hiam?

^၃ သင်ဟာ နှစ်ခြင်းခံပြီးသား ညီအစ်ကို​ဆိုရင် အသင်းတော် အမှုထမ်း ဖြစ်ဖို့ ပန်းတိုင်​ထားနိုင်မလား။ အသင်းတော် အမှုထမ်း ဖြစ်ချင်​ရတဲ့ ရည်ရွယ်ချက်က ဘာ​ဖြစ်သင့်သလဲ။ ဘယ်ကျမ်းစာ​တောင်းဆိုချက်တွေ ပြည့်မီ​ရမလဲ။ ဒီ​မေးခွန်းတွေကို ဒီဆောင်းပါးမှာ သုံးသပ်​သွားပါမယ်။ အသင်းတော် အမှုထမ်းရဲ့ တာဝန်က ဘာလဲဆိုတာ အရင်ဆုံး ဆွေးနွေး​ကြရအောင်။

PAWLPI NASEM KHAT’ A SEP DING TAVUAN

4. Pawlpi nasem khat ii tavuan in bang a hiam? (Lim zong en in.)

^၄ အသင်းတော် အမှုထမ်း​ဆိုတာ အရေးကြီး အသင်းတော်​တာဝန် အမျိုးမျိုး ထမ်းဆောင်ရာမှာ အကြီးအကဲတွေကို ကူညီပေးဖို့ စွမ်းအားတော်နဲ့ ခန့်အပ်ထားတဲ့ နှစ်ခြင်းခံပြီးသား ညီအစ်ကို ဖြစ်တယ်။ အမှုထမ်း​တချို့က အမှုဆောင် ရပ်ကွက်​တွေ၊ ဝေငှ​မယ့် စာပေတွေ လုံလုံလောက်လောက် ရှိအောင် စီစဉ်ပေးတယ်။ တချို့က အစည်းအဝေး​ခန်းမ သန့်ရှင်းရေး၊ ပြုပြင်​ထိန်းသိမ်းရေး​အပိုင်းမှာ ကူ​ညီတယ်။ အစည်းအဝေးမှာ ဧည့်ကြို လုပ်တယ်၊ ရုပ်သံ​ပိုင်း တာဝန်​ယူ​ပေးတယ်။ အဓိက​ကတော့ အသင်းတော် အမှုထမ်းတွေဟာ ယေဟောဝါ​ဘုရားကို ချစ်တယ်။ ဘုရား​စံနှုန်းတွေနဲ့​အညီ နေထိုင်တယ်။ ညီအစ်ကို/မတွေကို နှစ်နှစ်ကာကာ ချစ်တယ်။ (မ. ၂၂:၃၇-၃၉) နှစ်ခြင်းခံပြီးသား ညီအစ်ကိုတွေ အသင်းတော် အမှုထမ်း ဘယ်လို ဖြစ်လာနိုင်သလဲ။

5. Unaupate koi bangin pawlpi nasem suak thei ding uh a hiam?

^၅ အသင်းတော် အမှုထမ်းတွေ​အတွက် တောင်းဆိုချက်တွေကို ကျမ်းစာမှာ ဖော်ပြထားတယ်။ (၁ တိ. ၃:၈-၁၀၊ ၁၂၊ ၁၃) ဒါကြောင့် အမှုထမ်း ဖြစ်ချင်ရင် ကျမ်းစာ​တောင်းဆိုချက်တွေကို လေ့လာ​ပါ။ တောင်းဆိုချက်တွေ ပြည့်မီအောင် ကြိုးစားပါ။ ဒါပေမဲ့ ဘာ​ရည်ရွယ်ချက်နဲ့ အသင်းတော် အမှုထမ်း ဖြစ်ချင်​သလဲ​ဆိုတာ အရင်ဆုံး ကိုယ့်ကိုယ်ကိုယ် ဆန်းစစ်ပါ။

PAWLPI NASEM NA SUAHNOPNA AHANG

6. Unaute’ na huhna ahang pen bang hi ding kilawm a hiam? (Matthai 20:28. Lim zong en in.)

^၆ အကောင်းဆုံး စံနမူနာရှင် ယေရှုအကြောင်း စဉ်းစားကြည့်ပါ။ ဘာပဲလုပ်လုပ် အဖ​ဘုရားနဲ့ လူတွေကို ချစ်တဲ့ မေတ္တာကို အရင်းခံပြီး လုပ်တယ်။ မေတ္တာရှိ​လို့ တခြားသူတွေ​အတွက် အပင်ပန်းခံ​တာ၊ နိမ့်ကျပုံ​ရတဲ့ အလုပ်တွေကို လုပ်တာ။ (မဿဲ ၂၀:၂၈ ကို ဖတ်ပါ။ ယော. ၁၃:၅၊ ၁၄၊ ၁၅) သင် အသင်းတော် အမှုထမ်း ဖြစ်ချင်​ရတဲ့ ရည်ရွယ်ချက်က​လည်း မေတ္တာကို အရင်းခံတယ်​ဆိုရင် သင့်ကို ယေဟောဝါ ကောင်းချီးပေးမယ်၊ ပန်းတိုင် ရောက်ဖို့ ကူညီပေးမယ်။—၁ ကော. ၁၆:၁၄။ ၁ ပေ. ၅:၅။

7. Ba’hang unaupate in amau’ phattuam nading bek ngaihsun lo ding uh hiam?

^၇ လောက​မှာ လူ​အထင်ကြီးခံရအောင် နေသူတွေကို လူတွေ အထင်ကြီး​တတ်​ကြတယ်။ ဘုရား​အဖွဲ့အစည်း​မှာတော့ အဲဒီလို​မဟုတ်ဘူး။ ယေရှုလိုပဲ တခြားသူတွေ​အပေါ် မေတ္တာထား​တဲ့ ညီအစ်ကိုဟာ ဂုဏ်၊ အာဏာ၊ ရာထူးတွေ​ကို မ​မက်​ဘူး။ ဂုဏ်​မက်​သူ​သာ အသင်းတော် အမှုထမ်းအဖြစ် ခန့်အပ်ခံရ​ရင် ဘာဖြစ်နိုင်သလဲ။ ယေဟောဝါရဲ့ အဖိုးတန် သိုးတွေကို ကြည့်ရှု​စောင့်ရှောက်​ရာ​မှာ တချို့​အလုပ်တွေ​က နိမ့်ကျပုံ​ပေါက်နေနိုင်တယ်။ အဲဒီလို​အလုပ်တွေ​ဆိုရင် အောက်ကျနောက်ကျ​နိုင်တယ်လို့ ထင်ပြီး လုပ်ချင်​မှာ မဟုတ်ဘူး။ (ယော. ၁၀:၁၂) မာန​စိတ်၊ ကိုယ်ကျိုးရှာ​စိတ်နဲ့ လုပ်တဲ့ ဘယ်​လုပ်ရပ်ကို​မှ ယေဟောဝါ ကောင်းချီး​မပေးဘူး။—၁ ကော. ၁၀:၂၄၊ ၃၃။ ၁၃:၄၊ ၅။

8. Jesuh in sawltakte koi bangin thuhilh a hiam?

^၈ ယေရှုရဲ့ တမန်တော်တွေ​ဟာ အခွင့်ထူးတွေ ရဖို့ ကြိုးစား​ကြတယ်။ ဒါပေမဲ့ ရည်ရွယ်ချက် မမှန်တဲ့​အချိန်တွေ ရှိတယ်။ ဥပမာ၊ နိုင်ငံတော်မှာ အရေးပါတဲ့ နေရာ​ပေးဖို့ ယေရှုကို တမန်တော် ယာကုပ်နဲ့ ယောဟန် တောင်းဆိုကြတယ်။ သူတို့ အဲဒီလို​တောင်းဆိုတာကို ယေရှု သဘော​မတွေ့ဘူး။ ဒါနဲ့ တမန်တော် ၁၂ ယောက်​စ​လုံး​ကို ခေါ်ပြီး “ကြီးမြတ်ချင်သူ​တိုင်း အစေခံ ဖြစ်ရမယ်။ ခင်ဗျားတို့​ထဲ​မှာ ပထမ​နေရာ ရချင်​သူ​တိုင်း အားလုံးရဲ့ ကျွန် ဖြစ်ရမယ်” လို့ ဆုံးမတယ်။ (မာ. ၁၀:၃၅-၃၇၊ ၄၃၊ ၄၄) ညီအစ်ကိုတွေလည်း သူတစ်ပါး​အကျိုး သယ်ပိုး​ဖို့​ဆိုတဲ့ ရည်ရွယ်ချက်​မှန်နဲ့ အသင်းတော် အမှုထမ်း ဖြစ်ဖို့ တက်လှမ်း​မယ်​ဆိုရင် အသင်းတော်အတွက် ကောင်းချီး​တစ်ရပ် ဖြစ်လာမယ်။—၁ သက်. ၂:၈။

PAWLPI NASEM SUAH NOPNA LUNGSIM NEIH THEIH DAN

9. Bang in pawlpi nasem suah nopna lungsim hong neisak ding a hiam?

^၉ ယေဟောဝါကို ညီအစ်ကိုတို့ ချစ်​ကြ​မှာ၊ တခြားသူတွေ​အကျိုး သယ်ပိုး​ချင်ကြ​မှာ​ပါ။ ဒါပေမဲ့ အသင်းတော် အမှုထမ်း ဖြစ်လာရင် တာဝန်တွေ ပို​လာတော့​မယ်။ တာဝန်တွေ​အကြောင်း စဉ်းစားလိုက်တဲ့အခါ အမှုထမ်း ဖြစ်ဖို့ မတက်လှမ်း​ချင်​တော့​တာ ဖြစ်နိုင်တယ်။ တက်လှမ်း​ချင်လာ​အောင် ဘာက လှုံ့ဆော်ပေးမလဲ။ ညီအစ်ကို/မတွေ​အကျိုး သယ်ပိုး​ရင် ရမယ့် ပျော်ရွှင်မှု​ကို စဉ်းစားခြင်း​ပါ။ “ရယူခြင်းထက် ပေးကမ်းခြင်းက ပိုပျော်ရွှင်စေတယ်” လို့ ယေရှု ပြောတယ်။ (တ. ၂၀:၃၅) သူတစ်ပါး​အကျိုး သယ်ပိုး​လို့ ယေရှု ပျော်ရွှင်​ခဲ့​ရတယ်။ သင်လည်း သူတစ်ပါး​အကျိုး သယ်ပိုး​ရင် ပျော်ရွှင်​ရပါလိမ့်မယ်။

10. Midangte huh pen nuam a saklam Jesuh in koi bangin lakkhia a hiam? (Marka 6:31-34)

^၁၀ တခြားသူတွေ​အကျိုး သယ်ပိုး​ရတာ ပျော်​ကြောင်း ယေရှု ဘယ်လို ပြသလဲ။ (မာကု ၆:၃၁-၃၄ ကို ဖတ်ပါ။) တစ်ခါတုန်းက ယေရှုနဲ့ တမန်တော်တွေ ပင်ပန်း​နေကြတယ်။ “အနားယူဖို့၊ အစာစားဖို့​တောင် အချိန်​မရှိ” လို့ ခဏတစ်ဖြုတ် နားဖို့ လူသူမရှိ​တဲ့​နေရာဆီ ထွက်လာကြတယ်။ ဒါပေမဲ့ ယေရှု သွန်သင်တာကို နားထောင်ချင်​လို့ လူအုပ် ကြိုရောက်​နှင့်​နေတယ်။ သင်​မပေးနိုင်ဘူး​ဆိုပြီး လူအုပ်ကို ယေရှု ငြင်း​လွှတ်လိုက်​လို့​ရတယ်။ ဒါမှမဟုတ် တစ်ချက်၊ နှစ်ချက်​လောက် သွန်သင်ပေး​ပြီး ပြန်လွှတ်​လိုက်လို့​ရတယ်။ ဒါပေမဲ့ “သနားစိတ် ယိုဖိတ်​လာပြီး သူတို့ကို အများကြီး သွန်သင်ပေးတယ်။” “နေ့တာ ကုန်ခါနီး” အထိ​ကို သွန်သင်ပေးတယ်။ (မာ. ၆:၃၅) တာဝန်ရှိ​လို့ မဟုတ်ဘဲ မေတ္တာရှိ​လို့ သွန်သင်ပေး​ချင်​တာ။ တခြားသူတွေ​အကျိုး သယ်ပိုး​လို့ ယေရှု သိပ်​ပျော်ရွှင်​ခဲ့​ရတယ်။

11. Jesuh in mite’ kisapna tawh kizui-a koi bang danin na panpih a hiam? (Lim zong en in.)

^၁၁ တခြားသူတွေ​အကျိုး ယေရှု သယ်ပိုး​တယ်လို့ ပြောတဲ့အခါ ဘုရားအကြောင်း သွန်သင်ပေးတာ​လောက်​ပဲ မဟုတ်ပါဘူး။ လူတွေ လိုအပ်တာကို​လည်း လက်တွေ့ကျကျ ဖြည့်ဆည်း​ပေးတယ်။ ဥပမာ၊ အံ့ဖွယ်​နည်းနဲ့ စားစရာ ပြင်ဆင်ပေးပြီး တပည့်တွေကို လိုက်​ဝေ​ခိုင်းတယ်။ (မာ. ၆:၄၁) တခြားသူတွေ​အကျိုး ဘယ်လို သယ်ပိုး​ရတယ်ဆိုတာ တပည့်တွေကို သင်ပေး​လိုက်တာပဲ။ အသင်းတော် အမှုထမ်းတွေ လုပ်ရ​လေ့ရှိ​တဲ့ ဒီလို​လက်တွေ့ကျ အလုပ်တွေဟာ သိပ်အရေးကြီးတယ်ဆိုတာ​ကိုလည်း ယေရှု သင်ပေးနေတာ။ “လူတွေ အ​ဝ​စား” နိုင်​လောက်​တဲ့​အထိ အံ့ဖွယ်​နည်းနဲ့ ယေရှု ဖန်တီး​ပေးလိုက်တဲ့ စားစရာ​ကို တပည့်တွေ လိုက်​ဝေပေး​ရလို့ ဘယ်လောက် ပျော်​နေ​မလဲ မြင်ယောင်ကြည့်ပါ။ (မာ. ၆:၄၂) ကိုယ့်​အကျိုးထက် တခြားသူတွေ​အကျိုးကို ယေရှု ရှေ့တန်းတင်​ခဲ့​တာ ဒီတစ်ကြိမ်ပဲ မဟုတ်ပါဘူး။ မြေကြီး​အသက်တာ တစ်လျှောက်လုံး တခြားသူတွေ​အကျိုး သယ်ပိုး​ခဲ့တယ်။ (မ. ၄:၂၃။ ၈:၁၆) တခြားသူတွေကို သွန်သင်ပေးခြင်း၊ လိုအပ်တာတွေ ဖြည့်ဆည်း​ပေးခြင်းက​နေ ယေရှု ပျော်ရွှင်မှု ရခဲ့တယ်။ သင်လည်း အသင်းတော် အမှုထမ်းအဖြစ် ကိုယ်ကျိုးမဖက်​ဘဲ တခြားသူတွေ​အကျိုး သယ်ပိုး​တဲ့အခါ ပျော်ရွှင်​ရမယ်။

12. Ba’hangin pawlpi huh nading siamna a nei lo bangin i ngaihsut loh ding kisam a hiam?

^၁၂ ထူးထူးခြားခြား တတ်ကျွမ်း​ထားတာ မရှိဘူးလို့ ခံစားနေရတယ်​ဆိုရင် စိတ်ဓာတ်​မကျပါနဲ့။ အသင်းတော်အတွက် အသုံးဝင်တဲ့ အရည်အသွေးတွေ သင့်​မှာ ရှိမှာ​ပါ။ ၁ ကောရိန္သု ၁၂:၁၂-၃၀ မှာ ပါတဲ့ ပေါလုရဲ့ စကားတွေကို ဆုတောင်း​သုံးသပ်ပါ။ ယေဟောဝါရဲ့ ကျေးကျွန်​ယောက်တိုင်း​လိုပဲ သင်ဟာ အသင်းတော်အတွက် အသုံးဝင်တယ်၊ တန်ဖိုး​ရှိတယ်ဆိုတာ ပေါလုရဲ့ စကားတွေက ဖော်ပြတယ်။ အသင်းတော် အမှုထမ်း ဖြစ်ဖို့ တောင်းဆိုချက်​တချို့ လောလောဆယ် မပြည့်မီသေးဘူး​ဆိုရင်လည်း လက်မလျှော့​လိုက်ပါ​နဲ့။ ယေဟောဝါနဲ့ ညီအစ်ကို/မတွေအတွက် လုပ်နိုင်တာ​တွေ လုပ်နေပါ။ တစ်ယောက်ချင်းစီရဲ့ စွမ်းရည်ကို ထည့်စဉ်းစားပြီး​မှ အကြီးအကဲတွေ တာဝန်ပေးတယ်​ဆိုတာ သတိရပါ။—ရော. ၁၂:၄-၈။

13. Pawlpi nasem khat suak ding ba’hang haksa lo a hiam?

^၁၃ အသင်းတော် အမှုထမ်း ဖြစ်ဖို့ တက်လှမ်း​သင့်​တဲ့ အကြောင်းရင်း နောက်တစ်ခုကို စဉ်းစားကြည့်ပါ။ အသင်းတော် အမှုထမ်းတွေ​အတွက် တောင်းဆိုချက် အများစုဟာ ခရစ်ယာန်​အားလုံးနဲ့ သက်ဆိုင်တယ်။ ခရစ်ယာန်​ယောက်တိုင်း ယေဟောဝါနဲ့ ရင်းနှီးတဲ့ ဆက်ဆံရေး ရှိသင့်တယ်။ ညီအစ်ကို/မတွေ​အကျိုး သယ်ပိုး​သင့်တယ်။ ဘုရား​စံနှုန်းတွေအတိုင်း နေထိုင်​သင့်​တယ်။ ဒါကြောင့် အသင်းတော် အမှုထမ်း ဖြစ်ဖို့ တောင်းဆိုချက် အများစု သင် ပြည့်မီ​ပြီး​သား​လို့ ပြော​လို့​ရတယ်။ ဒါပေမဲ့ နောက်ထပ် ဘာ​တောင်းဆိုချက်တွေ ပြည့်မီအောင် လုပ်နိုင်သလဲ။

PAWLPI NASEM SUAH THEIH DAN

14. “A gamtat hoih” mi hi ding, cih in bang a cihnopna a hiam? (1 Timoti 3:8-10, 12)

^၁၄ ၁ တိမောသေ ၃:၈-၁၀၊ ၁၂ မှာ ဖော်ပြထားတဲ့ တောင်းဆိုချက်​တချို့ကို သုံးသပ်ကြည့်​ရအောင်။ (ဖတ်ပါ။) အသင်းတော် အမှုထမ်းတွေဟာ “လေးနက်​တည်ကြည်သူ” ဖြစ်ရမယ်။ “လေးနက်​တည်ကြည်သူ” ဆိုတာကို “တာဝန်သိတတ်သူ၊” “လေးစား​ခံထိုက်​သူ” လို့လည်း ဘာသာပြန်​ဆို​နိုင်တယ်။ လေးနက်​တည်ကြည်သူ ဖြစ်ရမယ်​ဆို​လို့ မ​ပြုံး​မရယ် ခပ်တည်တည်​နေ​ရမယ်လို့ မဆိုလိုပါဘူး။ (ဒေ. ၃:၁၊ ၄) ဒါပေမဲ့ တာဝန်နဲ့​ပတ်သက်လာရင် အမြဲ လေးလေးနက်နက် ရှိသင့်တယ်။ ယုံကြည်​စိတ်ချရသူ၊ အားကိုးရသူ ဖြစ်မယ်ဆိုရင် ညီအစ်ကို/မတွေ လေးစား​လာကြ​မယ်။

15. (a) “A lungsim citak” mi hi ding, cih in bang a cihnopna a hiam? (b) “Sum thu-ah a huaiham mi hi lo ding” cih in bang a cihnopna a hiam?

^၁၅ “လျှာ​နှစ်ခွ​နဲ့ ပြောတတ်​သူ” မဖြစ်ရဘူး။ ဆိုလိုတာက ကတိ​တည်ရမယ်၊ ရိုးဖြောင့်​ရမယ်။ တခြားသူတွေကို မ​လှည့်စား​ရ​ဘူး၊ ရှေ့တစ်မျိုး နောက်တစ်မျိုး မပြောရဘူး။ (ပညာ. ၃:၃၂) ဒါ့အပြင် “မ​သ​မာ​နည်းနဲ့ လောဘ​တ​ကြီး အမြတ်​ထုတ်​သူ” မဖြစ်ရဘူး။ ဆိုလိုတာက စီးပွားရေး​ကိစ္စ၊ ငွေကြေး​ကိစ္စတွေမှာ ရိုးသား​ရမယ်။ ရင်းနှီးမှုကို အခွင့်ကောင်း ယူပြီး ညီအစ်ကို/မတွေကို ငွေကြေး အမြတ်​မ​ထုတ်ရ​ဘူး။

16. (a) “Leenggahzu tam a ne lo” mi hi ding, cih in bang a cihnopna a hiam? (b) “Lungsim kisuanna a om lo” mi hi ding, cih in bang a cihnopna a hiam?

^၁၆ “ဝိုင်​သောက်ကြူး​သူ” မဖြစ်ရဘူး။ ဆိုလိုတာက အရက် အလွန်အကျွံ မသောက်​ရ​ဘူး၊ အလွန်အကျွံ သောက်​တဲ့သူ​လို့ နာမည်​မထွက်​ရ​ဘူး။ ဒါ့အပြင် “ကြည်လင်တဲ့ အမှားအမှန်​သိစိတ်” ရှိရမယ်။ အမှား​ကင်းရမယ်​လို့ မဆိုလိုပါဘူး။ ယေဟောဝါ​ဘုရားရဲ့ စံနှုန်းတွေအတိုင်း နေထိုင်တဲ့အတွက်၊ ဘုရားနဲ့ ဆက်ဆံရေးကောင်း ရှိတဲ့အတွက် သိစိတ်​ကြည်လင်​နေတာကို ဆိုလိုတယ်။

17. A “Kize-et” khin sa mi hi ding, cih in bang a cihnopna a hiam? (1 Timoti 3:10. Lim zong en in.)

^၁၇ ‘အရည်အချင်း ပြည့်မီ​မမီ စမ်းသပ်ခံ​ပြီး​သူ’ ဖြစ်ရမယ်။ ဆိုလိုတာက တာဝန်နဲ့​ပတ်သက်လာရင် စိတ်ချထိုက်ကြောင်း သက်သေပြ​ပြီး​သူ ဖြစ်ရမယ်။ ဒါကြောင့် တာဝန်​တစ်ခုခု ရလာတဲ့အခါ အကြီးအကဲတွေနဲ့ အဖွဲ့အစည်းရဲ့ လမ်းညွှန်ချက်တွေကို တစ်သဝေမတိမ်း လိုက်နာပါ။ လုပ်ရမယ့်​အထဲမှာ ဘာတွေ ပါသလဲ၊ ဘယ်အချိန် ပြီး​ရမလဲ သေသေ​ချာချာ သိအောင် လုပ်ပါ။ တာဝန်​တိုင်း​ကို ဝီရိယရှိရှိ ထမ်းဆောင်တဲ့အခါ သင့်​တိုးတက်မှုကို ညီအစ်ကို/မတွေ သတိထားမိ​လာမယ်၊ တန်ဖိုးထား​လာမယ်။ အကြီးအကဲ​တို့၊ နှစ်ခြင်းခံပြီးသား ညီအစ်ကိုတွေကို လေ့ကျင့်ပေးဖို့ စိတ်ဝင်တစား ရှိပါ။ (၁ တိမောသေ ၃:၁၀ ကို ဖတ်ပါ။) အသင်းတော်မှာ နှစ်ခြင်းခံပြီးသား အသက် ၁၅ နှစ်အောက် ညီအစ်ကိုတွေ ရှိသလား။ သူတို့ ကိုယ်ပိုင်​လေ့လာမှု ကောင်းကောင်း လုပ်​သလား။ အစည်းအဝေးမှာ မှတ်ချက် ပုံမှန် ပေးသလား။ အမှုဆောင်မှာ ပုံမှန် ပါဝင်သလား။ ဒါဆိုရင် သူတို့ရဲ့ အသက်အရွယ်၊ အခြေအနေနဲ့ သင့်တော်မယ့် တာဝန်တွေ ပေးပါ။ ဒါက “အရည်အချင်း ပြည့်မီ​မမီ သိနိုင်ဖို့ သူတို့ကို . . . စမ်းသပ်” နေတာပဲ။ ဒီလို​စမ်းသပ်​ထား​ရင် သူတို့ အသက် ၂၀ မပြည့်ခင်​မှာ အသင်းတော် အမှုထမ်းအဖြစ် ခန့်အပ်​လို့ ရကောင်း​ရနိုင်တယ်။

18. ‘Paubaanna a om lo’ mi hi ding, cih in bang a cihnopna a hiam?

^၁၈ ‘ပြစ်တင်​စွပ်စွဲစရာ ဘာမှ မရှိသူ’ ဖြစ်ရမယ်။ ဆိုလို​တာက ကြီးကြီးမားမား အပြစ်​ပြောစရာ မရှိ​ရ​ဘူး။ ယေရှု​ကိုယ်တိုင် မဟုတ်မမှန် စွပ်စွဲ​ခံခဲ့ရပြီး နောက်လိုက်တွေ​လည်း စွပ်စွဲ​ခံရနိုင်တယ်​လို့ ကြိုပြောထားတယ်။ ဒါကြောင့် ခရစ်ယာန်တွေဟာ မဟုတ်မမှန် စွပ်စွဲ​ခံ​ရနိုင်ပါတယ်။ (ယော. ၁၅:၂၀) ဒါပေမဲ့ ယေရှုလိုပဲ အမူအကျင့်​ပိုင်း အပြစ်​ပြောစရာ မရှိရင် အသင်းတော်မှာ နာမည်ကောင်း ရလာမယ်။—မ. ၁၁:၁၉။

19. “Zi khat bek a nei mi” hi ding, cih in bang a cihnopna a hiam?

^၁၉ “ဇနီး​တစ်ဦးတည်း​ရှိသူ” ဖြစ်ရမယ်။ သင်ဟာ အိမ်ထောင်သည်​ဆိုရင် အိမ်ထောင်​အတွက် ယေဟောဝါ ချမှတ်ထားတဲ့ တစ်လင်​တစ်​မယား​စနစ်ကို ကျင့်သုံး​ရမယ်။ (မ. ၁၉:၃-၉) လိင်​အကျင့်​မ​ယိုယွင်း​ရ​ဘူး။ (ဟီ. ၁၃:၄) ဒါပေမဲ့ လိင်​အကျင့်​မ​ယိုယွင်း​ရုံနဲ့ မပြီးသေး​ဘူး။ ဇနီး​အပေါ် သစ္စာရှိရမယ်။ တခြား​အမျိုးသမီးတွေနဲ့ ဘယ်တော့မှ ပရောပရည် မလုပ်ရဘူး။—ယောဘ ၃၁:၁။

20. Unaupa khat in koi bangin ‘a innkuansung hoihtakin ukzo’ ding a hiam?

^၂၀ “သားသမီးတွေနဲ့ အိမ်ထောင်ကို ကောင်းစွာ ဦးစီး​နိုင်သူ” ဖြစ်ရမယ်။ သင်ဟာ ဖခင်​ဆိုရင် အိမ်ထောင်ဦးစီး​တာဝန်ကို အလေးအနက် ထားရမယ်။ မိသားစု ဝတ်ပြုမှု မှန်မှန် လုပ်ရမယ်။ မိသားစုဝင်​ယောက်တိုင်းနဲ့ မကြာမကြာ တွဲ​အမှုဆောင်​ရမယ်။ သားသမီးတွေ ယေဟောဝါနဲ့ ဆက်ဆံရေးကောင်း ရှိနေဖို့ ကူညီပေးရမယ်။ (ဧ. ၆:၄) မိသားစုကို ဂရုစိုက်​စောင့်ရှောက်​သူဟာ အသင်းတော်ကိုလည်း ဂရုစိုက်​စောင့်ရှောက်​နိုင်​ကြောင်း သက်သေ​ပြနေတာပါပဲ။—၁ တိမောသေ ၃:၅ နဲ့ နှိုင်းယှဉ်ပါ။

21. Pawlpi nasem khat suak nai lo na hih leh bang sem thei na hiam?

^၂၁ ညီအစ်ကိုတို့၊ အသင်းတော် အမှုထမ်း မဖြစ်သေး​ဘူး​ဆိုရင် ဆုတောင်းပြီး ဒီဆောင်းပါးကို သုံးသပ်ပါ။ အသင်းတော် အမှုထမ်းတွေ​အတွက် တောင်းဆိုချက်တွေကို လေ့လာ​ပါ။ တောင်းဆိုချက်တွေ ပြည့်မီဖို့ ကြိုးစားပါ။ ယေဟောဝါနဲ့ ညီအစ်ကို/မတွေကို ကိုယ် ဘယ်လောက် ချစ်သလဲ စဉ်းစားပါ။ သူတို့​အကျိုး သယ်ပိုး​ချင်စိတ် တိုးများလာအောင် လုပ်ပါ။ (၁ ပေ. ၄:၈၊ ၁၀) သူတို့​အကျိုး သယ်ပိုး​ခြင်းက​နေ ရလာမယ့် ပျော်ရွှင်မှု​ကို ခံစားကြည့်ပါ။ အသင်းတော် အမှုထမ်း ဖြစ်ဖို့ သင် ကြိုးစား​တက်လှမ်း​နေတာကို ယေဟောဝါ ကြွယ်ဝစွာ ကောင်းချီးပေးပါ​စေ။—ဖိ. ၂:၁၃။