Piak Khiatna-ah Lungdamna Lian Zaw

1-2. I ngah hun sangin piak khiat cianga lungdam zaw dingin hong kibawl ahih manin bang hamphatna ngah i hiam?

ရ​ယူတဲ့အခါ​ထက် ပေးကမ်း​တဲ့အခါ၊ ပေးဆက်တဲ့အခါ ပို​ပျော်အောင် လူတွေကို ယေဟောဝါ​ဘုရား ပုံစံပြုထား​တယ်။ (တ. ၂၀:၃၅) ဒီလို​ပြော​လို့ ရ​ယူတဲ့အခါ မပျော်ဘူး​လို့ မဆိုလိုပါဘူး။ လက်ဆောင်​တစ်ခုခု ရတဲ့အခါ ဘယ်လောက် ပျော်​ရ​မှန်း ကျွန်တော်တို့ သိကြပါတယ်။ ဒါပေမဲ့ ကိုယ့်ဘက်က ပေးကမ်း​တဲ့အခါ၊ ပေးဆက်တဲ့အခါ ပို​ပျော်ရတယ်။ ယေဟောဝါ ဒီလို​ပုံစံပြုထား​တာ ကျွန်တော်တို့​အကျိုးအတွက်ပဲ။

^၂ ဒီလို​ပုံစံ​ပြု​ခံ​ထား​ရတဲ့အတွက် ပို​ပျော်​ရေး၊ မ​ပျော်​ရေး​ဟာ ကိုယ့်​လက်ထဲ ရှိသွားတယ်။ အခွင့်အရေး ရှာပြီး တခြားသူတွေကို ပေးကမ်း​ခြင်း၊ ပေးဆက်ခြင်းအားဖြင့် အပျော်​တိုး​အောင် လုပ်နိုင်တယ်။ ဒီလို​ပုံစံ​ပြု​ခံထားရ​တာ အံ့သြစရာ​ပဲ မဟုတ်လား။—ဆာ. ၁၃၉:၁၄။

3. Jehovah pen bang hangin “a lungdam Pasian” hi a hiam?

^၃ ယေဟောဝါဟာ ဘာကြောင့် “ပျော်ရွှင်တဲ့ ဘုရားသခင်” ဖြစ်​နေသလဲ။ (၁ တိ. ၁:၁၁) ပေးကမ်းခြင်းက ပျော်ရွှင်စေတယ်​လို့ ကျမ်းစာမှာ ဖော်ပြထားတယ်။ ယေဟောဝါဟာ ဦးဆုံး ပေးကမ်းသူ၊ အ​ပေးကမ်း​နိုင်​ဆုံး​သူ ဖြစ်လို့ “ပျော်ရွှင်တဲ့ ဘုရားသခင်” ဖြစ်​နေတာ။ “ကောင်းမြတ်တဲ့ ဆုကျေးဇူး၊ ပြည့်ဝစုံလင်တဲ့ လက်ဆောင်​မှန်သမျှဟာ” ယေဟောဝါဆီက လာတယ်။ (ယာ. ၁:၁၇) တမန်တော် ပေါလု ပြောသလို​ပါပဲ “ဘုရားသခင်ကြောင့်သာ ကျွန်တော်တို့ ဖြစ်တည်​နေတာ၊ အသက်ရှင်ပြီး သွားလာ​လှုပ်ရှား​နေတာပါ။”—တ. ၁၇:၂၈။

4. Lungdamzaw dingin bang in hong huh ding a hiam?

^၄ ပေးကမ်းခြင်းက​နေ ရတဲ့ ပျော်ရွှင်မှု​ကို ကျွန်တော်တို့​အားလုံး ရချင်​ကြ​မှာ​ပါ။ ယေဟောဝါ​လို ရက်ရော​ရင် အဲဒီလို​ပျော်ရွှင်မှု ရနိုင်ပါတယ်။ (ဧ. ၅:၁) ယေဟောဝါ​လို ဘယ်လို ရက်ရော​နိုင်​ကြောင်း၊ ပေးကမ်း​ပေမဲ့ ကျေးဇူးတင်​မခံရ​ရင် ဘာလုပ်နိုင်ကြောင်း ဒီဆောင်းပါးမှာ ဆွေးနွေးပါမယ်။ သိလာတာ​တွေ​က ပေးကမ်း​ခြင်း​ကြောင့် ပျော်​မြဲ ပျော်​နေဖို့၊ ပို​ပျော်ဖို့ ကူညီပေးပါမယ်။

JEHOVAH BANGIN CINGH IN

5. Jehovah in bangteng hong pia a hiam?

^၅ ရက်ရော​ကြောင်း ယေဟောဝါ ပြတဲ့ နည်း​တချို့က ဘာတွေလဲ။ ဥပမာ​တချို့ သုံးသပ်ကြည့်ပါ။ ကျွန်တော်တို့ လိုအပ်တာတွေကို ယေဟောဝါ ပေးတယ်။ အမြဲ ပိုလျှံ​မနေ​စေ​ရင်တောင် လိုအပ်တာတွေ အမြဲ ဖြည့်ဆည်းပေးတယ်။ ဥပမာ၊ စားစရာ၊ ဝတ်စရာ၊ နေစရာ ရှိနေစေတယ်။ (ဆာ. ၄:၈။ မ. ၆:၃၁-၃၃။ ၁ တိ. ၆:၆-၈) တာဝန်​မကင်း​လို့ ပေးတာ​လား။ မဟုတ်ပါဘူး။ ဒါဆိုရင် ဘာကြောင့်လဲ။

6. Matthai 6:25, 26 pan bang theikhia i hiam?

^၆ ကျွန်တော်တို့ကို ချစ်လို့ လိုအပ်တာတွေ ယေဟောဝါ ဖြည့်ဆည်းပေးတာ။ မဿဲ ၆:၂၅၊ ၂၆ မှာ ပါတဲ့ ယေရှု​စကားတွေကို စဉ်းစားကြည့်ပါ။ (ဖတ်ပါ။) ဖန်ဆင်းရာတွေကို သုံးပြီး ယေရှု ဥပမာ​ပေးတယ်။ ငှက်တွေ​နဲ့ပတ်သက်ပြီး “သူတို့က မျိုးစေ့ကြဲ​တာ၊ ရိတ်သိမ်း​တာ၊ ကျီထဲ စုသိမ်း​တာ​တွေ မလုပ်ကြဘူး။ ဒါပေမဲ့ ကောင်းကင်​အဖ​က သူတို့ကို ကျွေးမွေး​ထားတာ​ပဲ။ ခင်ဗျားတို့​ဟာ အဲဒီ​ငှက်တွေ​ထက် ပိုတန်ဖိုးရှိတယ် မဟုတ်လား” လို့ ပြောတယ်။ ဘာသိရသလဲ။ ယေဟောဝါ​အတွက် သစ္စာရှိ ကျေးကျွန်တွေဟာ တိရစ္ဆာန်တွေ​ထက် အများကြီး တန်ဖိုး​ရှိတယ်။ ဒီတော့ တိရစ္ဆာန်တွေ​ကို ဂရုစိုက်​တယ်​ဆိုရင် ကျွန်တော်တို့ကို ပိုလို့တောင် ဂရုစိုက်​မယ်​ဆိုတာ စိတ်ချနိုင်တယ်။ မိသားစုကို ချစ်လို့ လိုအပ်တာတွေ ဖြည့်ဆည်း​ပေးတဲ့ ဖခင်​တစ်ယောက်လို ကျွန်တော်တို့ကို ချစ်လို့ လိုအပ်တာတွေ ယေဟောဝါ ဖြည့်ဆည်း​ပေးတယ်။—ဆာ. ၁၄၅:၁၆။ မ. ၆:၃၂။

7. Jehovah banga i cit theih dan lampi khat in bang a hiam? (Lim zong en in.)

^၇ ယေဟောဝါ​လိုပဲ ကျွန်တော်တို့လည်း မေတ္တာ​အရင်းခံပြီး တခြားသူတွေကို လိုအပ်တာတွေ ဖြည့်ဆည်း​ပေးနိုင်တယ်။ ဥပမာ၊ စားစရာ၊ ဝတ်စရာ လိုအပ်နေတဲ့ ညီအစ်ကို/မ​တစ်ယောက်ယောက်ကို သိသလား။ သူ လိုအပ်တာတွေကို ဖြည့်ဆည်းပေးဖို့ သင့်ကို ယေဟောဝါ သုံးနိုင်တယ်။ ယေဟောဝါရဲ့ ကျေးကျွန်တွေဟာ ဘေး​ဒုက္ခရောက်ချိန်မှာ အချင်းချင်း ရက်ရက်ရောရော ကူညီပေး​တတ်​ကြ​သူ​တွေ​လို့ လူသိ​များတယ်။ ဥပမာ၊ ကိုဗစ်-၁၉ ကပ်ရောဂါ​ကာလအတွင်းမှာ အကူအညီ လိုအပ်တဲ့ ညီအစ်ကို/မတွေကို စားစရာ၊ ဝတ်စရာ​နဲ့ တခြား​လိုအပ်တာတွေ ပေးကြတယ်။ ကမ္ဘာချီ​လုပ်ငန်းအတွက် ရက်ရက်ရောရော လှူဒါန်း​လို့ ကမ္ဘာတစ်ဝန်း ကယ်ဆယ်ရေး အကူအညီ​တွေ ပေးနိုင်ခဲ့တယ်။ “ကောင်းမှုပြုဖို့၊ ကိုယ့်​မှာ ရှိတာကို သူတစ်ပါးကို ဝေမျှဖို့ မမေ့ပါနဲ့။ ဘာလို့လဲဆိုတော့ အဲဒီလို​ပူဇော်သက္ကာတွေ​ကို ဘုရားသခင် နှစ်သက်တယ်” လို့ ဟီဘရူး ၁၃:၁၆ မှာ ဖော်ပြထားတယ်။ ဒါကြောင့်​လည်း ညီအစ်ကို/မတွေ အချင်းချင်း ဝေမျှပေး​ကမ်း​ကြ​တာ။

8. Jehovah in thahatna hong piak manin bang hamphatna ngah i hiam? (Filippi 2:13)

^၈ ယေဟောဝါ အစွမ်း​ခွန်အား ပေးတယ်။ ယေဟောဝါ​မှာ အတိုင်းအဆမဲ့ အစွမ်း​ခွန်အား ရှိတယ်။ သစ္စာရှိ ကျေးကျွန်တွေကို အစွမ်း​ခွန်အား ဝမ်းမြောက်ဝမ်းသာ ပေးတယ်။ (ဖိလိပ္ပိ ၂:၁၃ ကို ဖတ်ပါ။) သွေးဆောင်မှု​တစ်ခု တွန်းလှန်နိုင်ဖို့ ဒါမှမဟုတ် အခက်အခဲ​တစ်ခု ခံရပ်နိုင်ဖို့ ယေဟောဝါဆီကနေ အစွမ်း​ခွန်အား တောင်း​ဖူးသလား။ နောက်တစ်ရက် ရှေ့ဆက်နိုင်ဖို့ ခွန်အား ပေးပါ​လို့ ဆုတောင်း​ဖူးသလား။ ဆုတောင်း​ထားတဲ့​အတိုင်း အစွမ်း​ခွန်အား ရလာတဲ့အခါ “ကျွန်တော့်ကို အစွမ်း​ခွန်အား ပေးတဲ့ ဘုရားသခင်ကြောင့် အရာရာကို စွမ်းဆောင်နိုင်” တယ်လို့ ပြောတဲ့ တမန်တော် ပေါလုလို သင် ခံစားရပါလိမ့်မယ်။—ဖိ. ၄:၁၃။

9. Midangte phattuam nadinga i thatang i zatna tawh Jehovah koici etteh thei i hiam? (Lim zong en in.)

^၉ ကျွန်တော်တို့မှာ ယေဟောဝါ​လို အတိုင်းအဆမဲ့ အစွမ်း​ခွန်အား မရှိဘူး။ ယေဟောဝါ​လို တခြားသူတွေကို အစွမ်း​ခွန်အား မပေးနိုင်ဘူး။ ဒါပေမဲ့ တခြားသူတွေ​အကျိုးအတွက် ကိုယ့်​အစွမ်း​ခွန်အားကို သုံးခြင်းအားဖြင့် ယေဟောဝါကို အတုယူနိုင်တယ်။ ဥပမာ၊ အသက်ကြီးတဲ့ ဒါမှမဟုတ် မကျန်းမာတဲ့ ညီအစ်ကို/မ​ကို အိမ်မှုကိစ္စ ဝိုင်းကူ​ပေးနိုင်တယ်၊ ဈေးဝယ်​ပေးနိုင်တယ်။ အခြေအနေ ပေးတယ်​ဆိုရင် အစည်းအဝေး​ခန်းမ သန့်ရှင်းရေး၊ ပြုပြင်​ထိန်းသိမ်းရေး​မှာ ကူညီနိုင်တယ်။ ကိုယ့်​အစွမ်း​ခွန်အားကို ဒီ​နည်းတွေနဲ့ သုံးတဲ့အခါ ညီအစ်ကို/မတွေ အကျိုးရတယ်။

10. Kammal’ vangliatna pen koici zat thei i hiam?

^၁၀ စကားလုံးတွေ​ဟာ အစွမ်းထက်တယ်​ဆိုတာကိုလည်း မမေ့ပါနဲ့။ စိတ်ရင်းမှန်နဲ့ ချီးမွမ်း​ပေး​ရင် အားတက်သွား​မယ့်​သူ​တစ်ယောက်ယောက်ကို စဉ်းစားမိ​သ​လား။ ချီးမွမ်း​ပေး​လိုက်ပါ။ နှစ်သိမ့်မှု လိုနေ​သူ​တစ်ယောက်ယောက်ကို သိသလား။ နှစ်သိမ့်​ပေး​လိုက်ပါ။ ချီးမွမ်း​ပေးဖို့၊ နှစ်သိမ့်ပေးဖို့ သူ့ဆီ သွားလည်​နိုင်တယ်၊ ဖုန်းဆက်​နိုင်တယ်။ ကတ်၊ အီးမေးလ်၊ စာတို ပို့နိုင်တယ်။ ဝေ​ဝေဆာ​ဆာ ပြောတတ်​ဖို့ မလိုပါဘူး။ စိတ်ရင်းနဲ့ ပြောလိုက်တဲ့ စကား​တစ်ခွန်း၊ နှစ်ခွန်း​က သူ နောက်တစ်ရက် ဆက်သစ္စာရှိနိုင်ဖို့ ဒါမှမဟုတ် အားတက်သွား​ဖို့ လိုနေတာ ကွက်တိ ဖြစ်နိုင်ပါတယ်။—ပညာ. ၁၂:၂၅။ ဧ. ၄:၂၉။

11. Jehovah in midangte koi bangin pilna pia a hiam?

^၁၁ ယေဟောဝါ ဉာဏ်ပညာ ပေးတယ်။ “တစ်ယောက်ယောက် ဉာဏ်ပညာ လိုနေရင် ဘုရားသခင်ဆီ တောင်းမြဲတောင်းပါ​စေ။ ကဲ့ရဲ့​တာ​မျိုး မလုပ်ဘဲ လူအားလုံးကို ရက်ရက်ရောရော ပေး​တတ်တဲ့ ဘုရားသခင်က တောင်းတဲ့​သူကို ဉာဏ်ပညာ ပေးလိမ့်မယ်” လို့ ယာကုပ် ပြောတယ်။ (ယာ. ၁:၅) ဒီကျမ်းပိုဒ်မှာ ဖော်ပြထားတဲ့အတိုင်း ယေဟောဝါဟာ ပညာမလျှို​ဘူး။ တခြားသူတွေကို ဉာဏ်ပညာ ရက်ရက်ရောရော ပေးတယ်။ “ကဲ့ရဲ့​တာ​မျိုး မလုပ်ဘဲ” ပေးတယ်ဆိုတာ​ကိုလည်း သတိပြုပါ။ လိုအပ်​လို့ ဉာဏ်ပညာ တောင်းတာကို အရှက်ရ​အောင် မလုပ်ဘူး။ တောင်းဖို့​တောင် အားပေးတယ်။—ပညာ. ၂:၁-၆။

12. I theih thute midangte kiang gensawn nading bang hunpha om a hiam?

^၁၂ ကျွန်တော်တို့လည်း တခြားသူတွေကို ကိုယ်​သိတာ​တွေ ဝေမျှခြင်းအားဖြင့် ယေဟောဝါကို အတုယူနိုင်တယ်။ (ဆာ. ၃၂:၈) တခြားသူတွေကို ကိုယ်​သိတာ​တွေ ဝေမျှဖို့ အခွင့်အရေး အများကြီး ရှိတယ်။ ဥပမာ၊ အမှုဆောင်မှာ လူသစ်တွေကို ကျွန်တော်တို့ လေ့ကျင့်ပေး​ရ​တတ်တယ်။ အသင်းတော်​တာဝန်တွေ ထမ်းဆောင်နိုင်ဖို့ အသင်းတော် အမှုထမ်းတွေ၊ နှစ်ခြင်းခံပြီးသား ညီအစ်ကိုတွေကို အကြီးအကဲတွေ စိတ်ရှည်ရှည် ကူညီပေးကြတယ်။ ဆောက်လုပ်ရေး၊ ပြုပြင်​ထိန်းသိမ်းရေး​မှာ အတွေ့အကြုံ များ​သူ​တွေ​က အတွေ့အကြုံ နည်း​သူတွေကို ဝိုင်းဝန်း​လေ့ကျင့်ပေးကြတယ်။

13. Jehovah in midangte pilna a piak dan tawh kisai-in bang etteh thei i hiam?

^၁၃ တခြားသူတွေကို လေ့ကျင့်ပေးတဲ့အခါ ယေဟောဝါကို အတုယူနိုင်တယ်။ ဉာဏ်ပညာကို ယေဟောဝါ ရက်ရက်ရောရော ပေးတယ်ဆိုတာ သတိရပါ။ ကျွန်တော်တို့လည်း အသိပညာနဲ့ အတွေ့အကြုံကို ရက်ရက်ရောရော ဝေမျှပေးကြတယ်။ ကိုယ်​လေ့ကျင့်​သင်ကြားပေး​လိုက်လို့ ကိုယ့်​နေရာ သူ ဝင်​ယူ​သွားမလား စိုးရိမ်ပြီး ဆရာစားချန်​တာ​မျိုး မလုပ်ကြဘူး။ ‘ငါ့​တုန်းက ဘယ်သူမှ သင်ပေးခဲ့တာ မဟုတ်ဘူး။ ကိုယ့်​အလှည့်ကျ​ရင်​လည်း ကိုယ့်​ဘာသာ လေ့လာ’ ဆိုတဲ့ သဘောထားမျိုး မရှိကြဘူး။ အဲဒီလို​သဘောထား ရှိသူ​တွေ​အတွက် ဘုရား​အဖွဲ့အစည်း​မှာ နေရာ​မရှိဘူး။ အသိပညာ​သာမက ပေးလို့ ရတာ ဘာမဆို ကျွန်တော်တို့ ဝမ်းမြောက်ဝမ်းသာ ပေးချင်​ကြတယ်။ (၁ သက်. ၂:၈) “တခြားသူတွေကို သွန်သင်ပေး” နိုင်​တဲ့​အထိ “သူတို့ အရည်အချင်း ရှိလာ” ဖို့ မျှော်လင့်​ကြတယ်။ (၂ တိ. ၂:၁၊ ၂) တခြားသူတွေကို ကိုယ်​သိတာ​တွေ ရက်ရက်ရောရော ဝေမျှတဲ့​အခါ နှစ်ဦး​နှစ်ဖက် ဉာဏ်ပညာ တိုး​မယ်၊ ပိုပျော်မယ်။

LUNGDAMNA HONG LAHKHIAT LOH CIANG UN

14. I piakkhiat ciangin mi a tamzaw te’n koi bangin hong thukkik uh a hiam?

^၁၄ ပေးကမ်း​တဲ့အခါ များသောအားဖြင့် ကျေးဇူးတင်​ခံ​ရပါတယ်။ အထူးသဖြင့် ညီအစ်ကို/မတွေကို ပေးကမ်း​တဲ့အခါ ဖြစ်တယ်။ သူတို့ စာရေးပြီး ကျေးဇူးတင်ကြောင်း ပြော​လာနိုင်တယ်၊ တစ်နည်းနည်းနဲ့ ကျေးဇူးတင်ကြောင်း ပြ​လာနိုင်တယ်။ (ကော. ၃:၁၅) ကျေးဇူးတင်​ခံရတဲ့အခါ အပျော်​တိုး​ရတယ်။

15. Lungdamna hong lahkhiat loh ciangun bang pen i phawk ding kisam a hiam?

^၁၅ ကျေးဇူးတင်​မခံရ​ချိန်​တွေ​လည်း ရှိနိုင်တယ်။ အချိန်ကုန်​ခံ၊ လူ​ပင်ပန်း​ခံ၊ ငွေကုန်ကြေးကျ​ခံပြီး ကိုယ်​ကူညီပေး​လိုက်တာကို တစ်ဖက်​က သတိထားမိ​ပုံ​တောင် မ​ပေါ်​ပါ​လား​လို့ ခံစားရနိုင်တယ်။ အပျော်​မပျက်​ဖို့ ဘာလုပ်နိုင်သလဲ။ အဓိက ကျမ်းချက် ဖြစ်တဲ့ တမန်တော် ၂၀:၃၅ ကို သတိရပါ။ ပေးကမ်း​လို့ ရတဲ့ ပျော်ရွှင်မှု​ဟာ တစ်ဖက်သားရဲ့ တုံ့ပြန်ပုံ​ပေါ် မမူတည်ဘူး။ ကျေးဇူးတင်​မခံရ​ပုံပေါက်ရင်​တောင် ပေးကမ်း​ခြင်း​ကြောင့် ပျော်ရွှင်​နိုင်ဆဲပါပဲ။ ဘယ်လိုနည်းနဲ့လဲ။ နည်းလမ်း​တချို့ သုံးသပ်ကြည့်​ရအောင်။

16. I piak khiat ciangin bang pen i phawk ding kisam a hiam?

^၁၆ ပေးကမ်း​တာ​ဟာ ယေဟောဝါကို အတုယူ​နေတာ ဖြစ်ကြောင်း သတိရပါ။ လူတွေ ကျေးဇူးတင်​သည်​ဖြစ်စေ၊ မတင်​သည်​ဖြစ်စေ ကောင်းမွန်​ရာ​တွေ ယေဟောဝါ ပေးတယ်။ (မ. ၅:၄၃-၄၈) ကျွန်တော်တို့လည်း “ပြန်ရမယ်​လို့ မမျှော်လင့်ဘဲ” ပေးကမ်း​မယ်​ဆိုရင် “ရမယ့်​ဆု​ဟာ ကြီးမြတ်​လိမ့်မယ်” လို့ ယေဟောဝါ ကတိပေးတယ်။ (လု. ၆:၃၅) ကိုယ်​ပေးကမ်း​လိုက်​သူ​ဆီကနေ ကျေးဇူး​သိတတ်​မှု​လေး​တောင် ပြန်​မရရင်လည်း စိတ်မပျက်​ပါ​နဲ့။ တခြားသူတွေကို “စေတနာ​စိတ်နဲ့” ကိုယ်​ကူညီပေး​သမျှ​အတွက် ယေဟောဝါ ဆုချမယ်။—ပညာ. ၁၉:၁၇။ ၂ ကော. ၉:၇။

17. I piak khiat cianga Jehovah i etteh theih dan adang thu khat in bang a hiam? (Luka 14:12-14)

^၁၇ ပေးကမ်း​တဲ့အခါ ယေဟောဝါကို အတုယူ​နိုင်​တဲ့ နောက်တစ်နည်းကို လုကာ ၁၄:၁၂-၁၄ မှာ တွေ့ရတယ်။ (ဖတ်ပါ။) ကျေးဇူး​တုံ့ပြန်​နိုင်သူ​တွေ​ကို ဧည့်ဝတ်ပြု​တာ၊ ရက်ရော​တာ မမှားပါဘူး။ ဒါပေမဲ့ တစ်ခုခု ပြန်ရဖို့ မျှော်လင့်ချက်​နဲ့ တစ်ခါတလေ ပေးကမ်း​မိ​နေ​ရင် ဘာလုပ်နိုင်သလဲ။ ယေရှု အကြံ​ပေးသလို​ပဲ ကျေးဇူး​မတုံ့ပြန်​နိုင်သူ​တွေ​ကို ဧည့်ဝတ်ပြု​လိုက်ပါ၊ ရက်ရောမှု ပြ​လိုက်ပါ။ ဒါဆိုရင် ယေဟောဝါကို အတုယူ​နေတယ်​ဆိုတဲ့ အသိ​နဲ့ ပျော်​မယ်။ တစ်ခုခု ပြန်ရဖို့ မျှော်လင့်မထားတဲ့​အတွက် ကျေးဇူးတင်​မခံရ​လည်း အပျော်​မပျက်​တော့​ဘူး။

18. Midangte a sia lama i muh loh nadingin bang in hong huh ding a hiam?

^၁၈ တခြားသူတွေကို အဆိုး​မ​မြင်ပါ​နဲ့။ (၁ ကော. ၁၃:၇) ကျေးဇူးတင်​မ​ခံရတဲ့အခါ ‘သူ တကယ်ပဲ ကျေးဇူး​မ​သိတတ်​တာ​လား ဒါမှမဟုတ် ကျေးဇူး​မတင်​ဖြစ်တာ​များ​လား’ လို့ စဉ်းစား​လိုက်ပါ။ ကိုယ်​မျှော်လင့်​ထား​သလို သူတို့ ကျေးဇူး​မတုံ့ပြန်​ဖြစ်တဲ့ တခြား​အကြောင်းရင်းတွေ​လည်း ရှိနိုင်တယ်။ တချို့က ကျေးဇူးတင်​ပေမဲ့ ကျေးဇူးတင်တယ်ဆိုတာ ထုတ်​မ​ပြောတတ်​တာ၊ ထုတ်​မ​ပြတတ်​တာ ဖြစ်နိုင်တယ်။ တစ်ချိန်က တခြားသူတွေကို ကူညီပေးနိုင်သူ ဖြစ်ခဲ့ပေမဲ့ အခု တခြားသူတွေ​ဆီ​က အကူအညီ ယူရ​လို့ ရှက်​နေနိုင်တယ်။ ဘာပဲဖြစ်ဖြစ် ညီအစ်ကို/မတွေကို အဆိုး​မ​မြင်ဖို့၊ ပျော်ပျော်ရွှင်ရွှင် ပေးကမ်း​ဖို့ မေတ္တာက ကူညီပေးပါလိမ့်မယ်။—ဧ. ၄:၂။

19-20. I piak khiat ciangin lungduaina pen bang hangin hamphatna om a hiam? (Lim zong en in.)

^၁၉ စိတ်ရှည်ပါ။ ရက်ရော​တာ​နဲ့ပတ်သက်ပြီး “အစာကို ရေပေါ် ပစ်ချ​ပါ။ ရက်​အတော်ကြာ​ရင် ပြန်​တွေ့ရလိမ့်မယ်” လို့ ပညာရှိ ဘုရင်​ရှောလမုန် ပြောတယ်။ (ဒေ. ၁၁:၁) ဒီကျမ်းပိုဒ်မှာ ဖော်ပြထား​သလို​ပဲ တချို့က အချိန် ‘အတော်ကြာမှ’ ကျေးဇူးတင်ကြောင်း ပြ​လာနိုင်တယ်။ ညီအစ်မ​တစ်ယောက် အဲဒီလို​ကြုံခဲ့တယ်။

^၂၀ နှစ်ခြင်းခံပြီးခါစ ညီအစ်မတစ်ယောက်ဆီ တိုက်နယ်ကြီးကြပ်မှူးရဲ့ ဇနီး အားပေးစာ ရေးတယ်။ ယေဟောဝါကို ဆက်​သစ္စာစောင့်သိဖို့ အရေးကြီးကြောင်း စာထဲမှာ အားပေးထားတယ်။ ရှစ်နှစ်လောက်​ကြာပြီးမှ အဲဒီ​ညီအစ်မ အခုလို​စာပြန်​တယ်– “နှစ်တွေ​တစ်လျှောက် အစ်မ​ကြောင့် ကျွန်မ ရှေ့ဆက်​နိုင်​ခဲ့​တာ အစ်မ သိချင်​မှ သိမယ်။ ဒါကြောင့်​လည်း အစ်မ သိရအောင်​လို့ အခုလို​စာ​ရေးလိုက်တာပါ။ အစ်မရဲ့ စာ​က သိပ်​နွေးထွေး​တယ်။ စာမှာ ပါတဲ့ ကျမ်းပိုဒ်​က ကျွန်မ​စိတ်ကို တကယ် ထိမိစေ​ခဲ့​လို့ အခုထိ မှတ်မိ​နေပါတယ်။”a သူ ကြုံခဲ့ရတဲ့ အခက်အခဲ​တချို့​အကြောင်း ပြောပြပြီးနောက် “အရာအားလုံးကို အရှုံးပေးပြီး အမှန်တရားကနေ၊ တာဝန်​ဝတ္တရားတွေ​ကနေ ရုန်းထွက်​ချင်စိတ် ပေါက်တဲ့​အချိန်တွေ ရှိတယ်။ ဒါပေမဲ့ စာမှာ ပါတဲ့ ကျမ်းပိုဒ်​ကို သတိရ​သွားပြီး အရှုံးမပေးဘဲ ရှေ့ဆက်​နိုင်​ခဲ့​တာ။ ဒီ​ရှစ်​နှစ်အတွင်း အစ်မရဲ့ စာ​လောက် ကျွန်မကို အားပေးမှု ဖြစ်စေခဲ့​တာ မရှိဘူး” လို့ ပြောတယ်။ အချိန် ‘အတော်ကြာမှ’ ရလာတဲ့ ဒီ​ပြန်စာ​ကြောင့် တိုက်နယ်ကြီးကြပ်မှူးရဲ့ ဇနီး ဘယ်လောက်တောင် ပျော်​သွားမလဲ။ ကျွန်တော်တို့လည်း ကိုယ်​ပေးကမ်း​ခဲ့​တာ​တွေ၊ ပေးဆက်​ခဲ့​တာ​တွေ​အတွက် အတော်ကြာမှ ကျေးဇူးတင်​ခံရတာ​မျိုး ကြုံနိုင်တယ်။

21. Jehovah banga a cinghsuak dingin bang hangin khensat na hiam?

^၂၁ ဆွေးနွေးခဲ့တဲ့အတိုင်း ရ​ယူတဲ့အခါ​ထက် ပေးကမ်း​တဲ့အခါ၊ ပေးဆက်တဲ့အခါ ပို​ပျော်အောင် ကျွန်တော်တို့ကို ယေဟောဝါ ထူးထူးခြားခြား ပုံစံပြုထား​တယ်။ ညီအစ်ကို/မတွေကို ကူညီပေးနိုင်တဲ့​အခါ ကျွန်တော်တို့ ပျော်တယ်။ ကျေးဇူးတင်​ခံရတဲ့အခါ ပျော်တယ်။ ဒါပေမဲ့ ကျေးဇူးတင်​ခံ​ရသည်ဖြစ်စေ၊ မခံ​ရသည်ဖြစ်စေ လုပ်သင့်တာကို လုပ်ခဲ့လို့ ပျော်​နိုင်တယ်။ တခြားသူတွေကို ကျွန်တော်တို့ ဘာပဲ​ပေး​ပေး ကျွန်တော်တို့ကို “ယေဟောဝါ​ဘုရား ဒီထက်မက ပေးနိုင်ပါတယ်။” (၂ ရာ. ၂၅:၉) ယေဟောဝါ ပေးတာကို ရတာ​လောက် ပျော်စရာ​ကောင်းတာ မရှိနိုင်ဘူး။ ဒါကြောင့် ရက်ရောတဲ့ ကောင်းကင်ဘုံစံ​အဖ ယေဟောဝါကို ဆက်​အတုယူဖို့ ဆုံးဖြတ်ထား​ကြရအောင်။