Pawlpi Upate Aw, Pawlpi Pan Lakkhiat A Thuakte Huh Un

1-2. (a) Jehovah in ngimna tawh mawhna a bawlte bangci muh a hiam? (b) Mawhna a bawlte tawh kisai-a Jehovah deihna in bang a hiam?

ယေဟောဝါ​ဘုရားဟာ ကျွန်တော်တို့ ဘာလုပ်လုပ် ခွင့်ပြုတဲ့​ဘုရား၊ အပြစ်​လုပ်တာကို လက်​သင့်​ခံ​တဲ့​ဘုရား မဟုတ်ဘူး။ (ဆာ. ၅:၄-၆) ကျမ်းစာမှာ ပါတဲ့ မိမိ​စံနှုန်းတွေကို လိုက်နာဖို့ မျှော်လင့်တယ်။ ကျွန်တော်တို့ မစုံလင်တဲ့အတွက် အမှားကင်းဖို့​တော့ မမျှော်လင့်​ပါ​ဘူး။ (ဆာ. ၁၃၀:၃၊ ၄) ဒါပေမဲ့ ‘ဘုရားတရားမဲ့​တာ၊ ဘုရားသခင့် မဟာကရုဏာ​ကို အခွင့်ကောင်း​ယူပြီး မျက်နှာပြောင်​တိုက်​တာ’ ကို လက်​သင့်​မခံ​ဘူး။ (ယု. ၄) အာမဂေဒုန်စစ်​ပွဲ​မှာ “ဘုရားတရားမဲ့​သူတွေကို ဖျက်ဆီး” မယ်​လို့ ကျမ်းစာမှာ ဖော်ပြထားတယ်။—၂ ပေ. ၃:၇။ ဗျာ. ၁၆:၁၆။

^၂ ရှေ့​ဆောင်းပါးတွေ​မှာ သိခဲ့​တဲ့​အတိုင်း ယေဟောဝါဟာ ဘယ်သူ့ကိုမှ မပျက်စီးစေချင်ဘူး။ “လူအားလုံးကို နောင်တရ​စေချင်” တယ်။ (၂ ပေ. ၃:၉) အကြီးအကဲတွေလည်း ယေဟောဝါကို အတုယူတဲ့အနေနဲ့ အပြစ်လုပ်သူတွေ နောင်တရ​လာဖို့၊ ယေဟောဝါနဲ့ ပြန်​ရင်းနှီး​လာဖို့ စိတ်ရှည်ရှည် ကူညီပေးကြတယ်။ ဒါပေမဲ့ အပြစ်​လုပ်​သူ​တိုင်း နောင်တရတာ​တော့ မဟုတ်ဘူး။ (ဟေရှာ. ၆:၉) နောင်တရ​လာဖို့ အကြီးအကဲတွေ အကြိမ်ကြိမ် ကြိုးစား​ကူညီပေးတဲ့​ကြား​က အပြစ်​ဆက်လုပ်​သူတချို့ ရှိတယ်။ အဲဒီလို​အခြေအနေမျိုးမှာ အကြီးအကဲတွေ ဘာလုပ်ရမလဲ။

“MIGILO PA NA LAKHIA UN”

3. (a) Mawhna a bawl mi kisikkik lo ahih leh Lai Siangtho in bang sep ding gen a hiam? (b) Pawlpi sung pan lakkhiat a thuakna pen mawhna a bawlpa’ tel lampi ahihlam bang hang kigen thei a hiam?

^၃ အပြစ်​လုပ်​သူ နောင်တ​မရဘူး​ဆိုရင် အကြီးအကဲတွေအနေနဲ့ ၁ ကောရိန္သု ၅:၁၃ မှာ ညွှန်ကြား​ထားတဲ့​အတိုင်း “ဆိုးညစ်တဲ့ အဲဒီ​လူကို အသင်းတော်ထဲက​နေ ဖယ်ရှား” ရမယ်။ နောင်တ​မရရင် အသင်းတော်ကနေ ဖယ်ရှား​ခံရမယ်ဆိုတာ အပြစ်​လုပ်​သူ သိပြီးသား​ဖြစ်လို့ သူ့​လမ်း​သူ ရွေး​တာ၊ သူ ကြဲတဲ့​အတိုင်း ရိတ်သိမ်း​ရတာ​လို့ ပြော​နိုင်တယ်။ (ဂလ. ၆:၇) သူ နောင်တရ​လာဖို့ အကြီးအကဲတွေ အကြိမ်ကြိမ် ကြိုးစား​ကူညီပေးတဲ့​ကြား​က ပြောင်းလဲ​မ​လာလို့​ပဲ။ (၂ ဘု. ၁၇:၁၂-၁၅) ဘုရား​စံနှုန်းတွေကို မ​လိုက်နာချင်​ကြောင်း သူ ရွေးတဲ့​လမ်း​က ပြနေတယ်။—တရား. ၃၀:၁၉၊ ၂၀။

4. A kisikkik lo mi khat pawlpi pan a kilakkhiat ciangin bang hang kitaangko a hiam?

^၄ နောင်တ​မရသူ​ကို အသင်းတော်ကနေ ဖယ်ရှားတဲ့အခါ သူဟာ ယေဟောဝါ​သက်သေ​တစ်ယောက် မဟုတ်တော့ပါဘူး​ဆိုပြီး အသင်းတော်မှာ ကြေညာ​တယ်။ အဲဒီလို​ကြေညာတာ အပြစ်​လုပ်​သူကို အရှက်ခွဲ​ဖို့ မဟုတ်ပါဘူး။ သူနဲ့ “ဆက်​မပေါင်းဖော်” ပါ​နဲ့၊ “အတူ​စားသောက်​တာ​တောင် မလုပ်” ပါ​နဲ့​ဆိုတဲ့ ကျမ်းစာ​မိန့်မှာချက်ကို ညီအစ်ကို/မတွေ လိုက်နာနိုင်ဖို့ပါ။ (၁ ကော. ၅:၉-၁၁) ကျမ်းစာမှာ ဘာကြောင့် ဒီလို​မိန့်မှာ​ထား​သလဲ။ “တဆေး​အနည်းငယ်​ဟာ မုန့်ညက်​တစ်​ပုံ​လုံး​ကို ဖောင်းကြွ​စေ​တတ်” တယ်လို့ တမန်တော် ပေါလု ပြောတယ်။ (၁ ကော. ၅:၆) နောင်တ​မရသူ​ကို အသင်းတော်ကနေ မဖယ်ရှား​ရင် ဘုရား​စံနှုန်းတွေကို လိုက်နာ​စ​ရာ မလိုဘူးလို့ တခြားသူတွေ​ပါ တွေး​လာနိုင်တယ်။—ပညာ. ၁၃:၂၀။ ၁ ကော. ၁၅:၃၃။

5. Pawlpi pan lakkhiat a thuakte koi banga i muh ding kisam a hiam? Bang hang hiam?

^၅ အသင်းတော်ကနေ ဖယ်ရှားခံ​ရသူကို ဘယ်လို သဘော​ထားသင့်သလဲ။ သူနဲ့ စုဆုံ​ပေါင်းသင်းတာ​မျိုး၊ စားသောက်​တာ​မျိုး ကျွန်တော်တို့ မလုပ်ကြဘူး။ ဒါပေမဲ့ လမ်းဆုံး​နေတဲ့ သိုး​အဖြစ် မဟုတ်ဘဲ လမ်းပျောက်​နေတဲ့ သိုးအဖြစ် သဘောထားသင့်​တယ်။ လမ်းပျောက်​နေတဲ့ သိုး​ဟာ သိုးအုပ်ဆီ ပြန်​လာနိုင်တယ်။ လမ်းပျောက်​နေတဲ့ သိုး​ဟာ ဘုရားဆီ ဆက်ကပ်အပ်နှံ​ထား​သူ ဖြစ်တယ်ဆိုတာ သတိရပါ။ ဆက်ကပ်အပ်နှံခြင်း​ကတိအတိုင်း လောလောဆယ် မနေ​လို့ ထာဝရ​အသက် ဆုံးရှုံး​သွား​နိုင်​တဲ့ အန္တရာယ် ရှိနေတယ်။ (ယေဇ. ၁၈:၃၁) ဒါပေမဲ့ အချိန်​ရှိနေတုန်း၊ ယေဟောဝါ ကရုဏာ​ပြ​နေတုန်း သူ ပြန်လှည့်လာဖို့ မျှော်လင့်​နိုင်ပါတယ်။ အသင်းတော်ကနေ ဖယ်ရှားခံ​ရသူကို အကြီးအကဲတွေ ဘယ်လို မျှော်လင့်ချက်​ထား ကူညီနိုင်သလဲ။

PAWLPI UPA TE’N PAWLPI PAN LAKKHIAT A THUAKTE A HUH DAN

6. Pawlpi upa te’n pawlpi pan lakkhiat a thuakte koi bangin huh uh a hiam?

^၆ အသင်းတော်ကနေ ဖယ်ရှားခံ​ရသူဟာ ယေဟောဝါဆီ ကိုယ့်​ဘာသာ​ကိုယ် လမ်း​ရှာပြီး ပြန်လာ​ရမလား။ သူ့ကို အကြီးအကဲတွေ စွန့်ပစ်​လိုက်ပြီ​လား။ မစွန့်ပစ်​ပါ​ဘူး။ အသင်းတော်ကနေ ဖယ်ရှား​မယ့်​အကြောင်း နောင်တ​မရသူ​ကို အကြီးအကဲ​ကော်မတီက အသိပေးတဲ့အခါ အသင်းတော်ကို ပြန်လာဖို့ ဘာတွေ လုပ်ရမယ်ဆိုတာ ရှင်းပြတယ်။ လအနည်းငယ်​အကြာမှာ ထပ်​တွေ့ဆုံ​ချင်ကြောင်း များသောအားဖြင့် ပြောပြတယ်။ သဘောထား ပြောင်းလဲ​ပြီလား​ဆိုတာ သိနိုင်ဖို့​ပါ။ သူ သဘောတူ​လက်ခံ​လို့ လအနည်းငယ်​အကြာမှာ ပြန်​တွေ့ဆုံတဲ့အခါ နောင်တရဖို့ သူ့ကို ဖျောင်းဖျတယ်။ အဲဒီအချိန်​ထိ သဘောထား မပြောင်းလဲ​သေး​ဘူး​ဆိုရင်တောင် အချိန်​ခြား​ခြားပြီး သူ့ကို ဆက်သွယ်​တယ်။

7. Mi khat in pawlpi pan lakkhiat a thuak ciangin pawlpi upa te’n Jehovah’ hehpihna koici etteh uh a hiam? (Jeremiah 3:12)

^၇ တစ်ယောက်ယောက် အသင်းတော်ကနေ ဖယ်ရှားခံရတဲ့အခါ ယေဟောဝါရဲ့ ကရုဏာ​ကို အကြီးအကဲတွေ အတုယူကြတယ်။ ဥပမာ၊ အစ္စရေးတွေ နောင်တရ​လာ​မှ ယေဟောဝါ စပြီး ကူညီ​တာ မဟုတ်ဘူး။ နောင်တရတဲ့ အရိပ်အယောင် မပြ​ခင်ကတည်းက သူတို့ဆီ ပရောဖက်တွေ စေလွှတ်ပြီး ကူညီပေးတယ်။ ဖောက်ပြန်​နေဆဲ မိန်းမ​ကို ပြန်ပေါင်းသင်း​ဖို့ ပရောဖက် ဟောရှေ​ကို ယေဟောဝါ မိန့်မှာ​တဲ့​အကြောင်း ဒီ​စာစောင်ရဲ့ ဒုတိယ​ဆောင်းပါးမှာ သိခဲ့​ရတယ်။ မိမိ ကရုဏာ ကြီးမားကြောင်း ယေဟောဝါ သင်ပေး​လိုက်တာပါပဲ။ (ဟော. ၃:၁။ မာ​လ. ၃:၇) ယေဟောဝါကို အတုယူတဲ့အနေနဲ့ အကြီးအကဲတွေလည်း အပြစ်​လုပ်​သူကို အသင်းတော်​ထဲ တကယ် ပြန်လှည့်လာ​စေချင်​ကြတယ်။ ပြန်လှည့်လာ​ရ​ခက်​အောင် မလုပ်ကြဘူး။—ယေရမိ ၃:၁၂ ကို ဖတ်ပါ။

8. Tapa mangthang thugentehna in Jehovah’ hehpihna koi bangin kilangsak a hiam? (Luka 15:7)

^၈ ဒီ​စာစောင်ရဲ့ ဒုတိယ​ဆောင်းပါးမှာ ဆွေးနွေးခဲ့တဲ့ သားမိုက်​ပုံဥပမာကို သတိရပါ။ သား ပြန်လာ​တာကို အဝေးကနေ လှမ်း​မြင်တဲ့အခါ ဖခင် “ပြေးဖက်​ပြီး နမ်းတယ်။” (လု. ၁၅:၂၀) ခွင့်လွှတ်ပေးဖို့ သား လာ​တောင်းပန်​တာကို မစောင့်​ဘူး။ သားကို ချစ်တဲ့အတွက် ပြေးကြို​တယ်။ လမ်းလွဲသွား​သူတွေကို အဲဒီလို​သဘောထား​နိုင်ဖို့ အကြီးအကဲတွေ ကြိုးစားကြတယ်။ ပျောက်​သွားတဲ့ သိုးတွေကို “အိမ်ပြန်လာ​စေချင်​ကြတယ်။” (လု. ၁၅:၂၂-၂၄၊ ၃၂) အပြစ်​လုပ်​သူ ပြန်လှည့်လာ​တဲ့အခါ ယေဟောဝါ၊ ယေရှုနဲ့ ကောင်းကင်တမန်တွေ ဝမ်းမြောက်ကြတယ်။ အသင်းတော်က ညီအစ်ကို/မတွေ​လည်း ပျော်ကြတယ်။—လုကာ ၁၅:၇ ကို ဖတ်ပါ။

9. Mawhna a bawlte tungah Jehovah in bang ngen a hiam?

^၉ နောင်တ​မရသူ​ကို အသင်းတော်မှာ ဆက်​ထားဖို့ ယေဟောဝါ ခွင့်မပြုဘူး​ဆိုတာ သိခဲ့ကြပြီ။ ဒါဆိုရင် သူ့ကို ယေဟောဝါ လက်လျှော့​လိုက်တာလား။ လက်မလျှော့​ပါ​ဘူး။ မိမိဆီ ပြန်လှည့်​လာစေချင်တယ်။ နောင်တရ​သူ​တွေ​နဲ့​ပတ်သက်တဲ့ ယေဟောဝါရဲ့ ခံစားချက်ကို ဟောရှေ ၁၄:၄ မှာ ဖော်ပြထားတယ်။ “ငါ ကုသ​ပေး​လိုက်တဲ့အတွက် သူတို့ သစ္စာဖောက်​တော့​မှာ မဟုတ်ဘူး။ ငါ အမျက်ပြေ​သွားတဲ့အတွက် သူတို့ကို စိတ်လိုကိုယ်လျောက် ချစ်မယ်” လို့ ယေဟောဝါ ပြောတယ်။ အပြစ်​လုပ်​သူ နောင်တရတဲ့ အရိပ်အယောင် ပြ​လာတာကို မျက်ခြည်မပြတ်​ဖို့ အကြီးအကဲတွေအတွက် တွန်းအား​ပဲ မဟုတ်လား။ ယေဟောဝါကို ကျောခိုင်း​သွား​သူ​တွေ​အတွက်​လည်း အချိန်မဆွဲဘဲ ပြန်လှည့်လာဖို့ တွန်းအား​ပါပဲ။

10-11. Pawlpi pan hawlkhiat a thuak zawh kum tampi a sawt khinte tungah pawlpi upa te’n koi bangin huhna pia thei uh a hiam?

^၁၀ အသင်းတော်ကနေ ဖယ်ရှားခံ​ရတာ နှစ်ပေါင်းများစွာ ကြာ​သူ​တွေ​ကော။ ဖယ်ရှားခံရတဲ့​အထိ ဖြစ်သွား​တဲ့ အပြစ်ကို အခု မလုပ်​တော့​တာ ဖြစ်နိုင်တယ်။ တချို့ဆိုရင် ဖယ်ရှားခံရတဲ့ အကြောင်းရင်းကို​တောင် မှတ်မိ​ချင်​မှ မှတ်မိ​တော့​မယ်။ ဖယ်ရှားခံ​ရတာ ဘယ်လောက်ပဲ ကြာပြီ​ဖြစ်ပါစေ အကြီးအကဲတွေဟာ သူတို့ ဘယ်မှာ ရှိနေသလဲ သိအောင်​လုပ်ပြီး သွား​လည်ပတ်​မှာ ဖြစ်တယ်။ အဲဒီလို​လည်ပတ်တဲ့အခါ သူတို့နဲ့အတူ ဆုတောင်း​မှာ၊ အသင်းတော်ကို ပြန်လာဖို့ အားပေးမှာ ဖြစ်တယ်။ အသင်းတော်နဲ့ နှစ်ပေါင်းများစွာ ဝေးကွာ​နေ​သူ ဖြစ်မယ်ဆိုရင် ဘုရားရေးရာမှာ တော်တော် အားနည်း​နေနိုင်တယ်။ ဒါကြောင့် အသင်းတော်ကို ပြန်လာချင်တယ်​လို့ သူ ပြောရင် အကြီးအကဲတွေ ဘာလုပ်နိုင်သလဲ။ အသင်းတော်​ထဲ ပြန်​လက်​မခံရသေးရင်​တောင် သူ့ကို ကျမ်းစာ​သင်ပေးဖို့ ညီအစ်ကို/မ​တစ်ယောက်ကို စီစဉ်​ပေးနိုင်တယ်။ ကျမ်းစာ​သင်ပေးဖို့ စီစဉ်သူ​ဟာ ဘယ်အခြေအနေမှာမဆို အကြီးအကဲတွေ​ပဲ ဖြစ်ရပါမယ်။

^၁၁ ယေဟောဝါရဲ့ ကရုဏာ​ကို အကြီးအကဲတွေ အတုယူကြတယ်။ အပြစ်လုပ်သူတွေ​ကို အတတ်နိုင်ဆုံး ရှာကြတယ်။ ယေဟောဝါဆီ ပြန်လှည့်လာဖို့ လမ်းပွင့်​နေဆဲ​ဆိုတာ အသိ​ပေးကြတယ်။ အပြစ်​လုပ်​သူ နောင်တရ​ပြီ၊ အမှား​ပြုပြင်​လိုက်ပြီ​ဆိုရင် အချိန်မဆွဲဘဲ အသင်းတော်​ထဲ ပြန်​လက်ခံနိုင်တယ်။—၂ ကော. ၂:၆-၈။

12. (a) Pawlpi upa te’n bang dinmunte-ah a thupi diaka kidop ding kisam a hiam? (b) Ngimna tawh mawhna a bawl te’n Jehovah’ hehpihna a ngah ding uh kilawm lo ci-a gen ding bang hang hilo a hiam? (A nuai-a ciaptehna zong en in.)

^၁၂ တစ်ယောက်ယောက်ကို အသင်းတော်​ထဲ ပြန်​လက်မခံခင် အကြီးအကဲတွေ အထူးတလည် သတိထား​ရမယ့် အခြေအနေ​တချို့ ရှိတယ်။ ဥပမာ၊ ပြန်လက်ခံ​မယ့်​သူဟာ ကလေး မတော်​မတရားပြုခဲ့သူ၊ အယူဖောက်ပြန်သူ၊ အိမ်ထောင် မကွဲ​ကွဲ​အောင် လုပ်ခဲ့သူ ဖြစ်မယ်ဆိုရင် သူ တကယ် နောင်တရတယ်ဆိုတာ သေချာ​ဖို့ လိုတယ်။ (မာ​လ. ၂:၁၄။ ၂ တိ. ၃:၆) အကြီးအကဲတွေအနေနဲ့ ညီအစ်ကို/မတွေကို ကာကွယ်​ရမယ်။ ဒါပေမဲ့ နောင်တ​စစ် ရပြီး အမှား​ပြုပြင်​သူ​မှန်သမျှကို ယေဟောဝါ ပြန်လက်ခံ​တယ်​ဆိုတာ​လည်း အသိအမှတ်ပြု​ရမယ်။ ဒါကြောင့် ရည်ရွယ်ချက်​ရှိရှိ ကြံစည်​ပြီး အပြစ်​လုပ်ခဲ့သူ​တွေ​ကို သတိထားရမယ်​ဆိုပေမဲ့ ယေဟောဝါရဲ့ ကရုဏာ မခံစားထိုက်​သူ​တွေ​အဖြစ် မ​သတ်မှတ်သင့်​ဘူး။a—၁ ပေ. ၂:၁၀။

UNAUTE’ SEP THEIH THUTE

13. Thukihilhna a thuakte tunga sep dan le pawlpi pan lakkhiat a thuakte tunga sep dan bang kilamdang a hiam?

^၁၃ ရှေ့ဆောင်းပါးမှာ ဆွေးနွေးခဲ့တဲ့အတိုင်း တစ်ယောက်ယောက်ကို ဆုံးမ​တဲ့အခါ အသင်းတော်မှာ ကြေညာတဲ့​အချိန် ရှိတယ်။ သူ နောင်တရ​ပြီ၊ အမှား​ပြုပြင်​လိုက်ပြီ​ဆိုတဲ့ အဓိပ္ပာယ် ဖြစ်လို့ သူနဲ့ ဆက်​ပေါင်းသင်း​နိုင်တယ်။ (၁ တိ. ၅:၂၀) သူဟာ ညီအစ်ကို/မ ဖြစ်နေဆဲ​ပဲ။ ညီအစ်ကို/မတွေနဲ့ ပေါင်းသင်းခြင်းကနေ ရတဲ့ အားပေးမှု သူ လိုအပ်တယ်။ (ဟီ. ၁၀:၂၄၊ ၂၅) တစ်ယောက်ယောက်ကို အသင်းတော်ကနေ ဖယ်ရှားတဲ့အခါ​မှာတော့ “သူနဲ့ ပေါင်းဖော်​ဖို့ မပြော​နဲ့ အတူ​စားသောက်​တာ​တောင် မလုပ်ကြ” ဘူး။—၁ ကော. ၅:၁၁။

14. Pawlpi pan hawlkhiat a thuakte tawh kisai-in unau te’n bang thu khensat thei uh a hiam? (Lim zong en in.)

^၁၄ အသင်းတော်ကနေ ဖယ်ရှားခံ​ရသူကို ကျွန်တော်တို့ လုံးဝ အ​ခေါ်​အပြော မလုပ်ရဘူးလို့ ဆိုလိုသလား။ မဆိုလိုပါဘူး။ သူနဲ့ စုဆုံ​ပေါင်းသင်းတာ​မျိုး၊ စားသောက်​တာ​မျိုး မလုပ်ကြဘူး။ ဒါပေမဲ့ ဖယ်ရှားခံ​ရသူဟာ ကိုယ့်​ဆွေမျိုး၊ မိသားစုဝင် ဒါမှမဟုတ် ကိုယ် ရင်းရင်းနှီးနှီး ပေါင်းသင်း​ခဲ့​သူ ဖြစ်မယ်ဆိုရင် အသင်းတော် အစည်းအဝေး ဖိတ်မလား​ဆိုတာ ကျမ်းစာနဲ့ လေ့ကျင့်​ထားတဲ့ သိစိတ်ကို သုံးပြီး ခရစ်ယာန်​တစ်ယောက်စီ ဆုံးဖြတ်နိုင်တယ်။ ဒါဆိုရင် သူ အစည်းအဝေး လာတက်တဲ့အခါ ဘယ်လို ဆက်ဆံသင့်သလဲ။ အရင်ကဆိုရင်​တော့ ဖယ်ရှားခံ​ရသူကို ကျွန်တော်တို့ နှုတ်​တောင်​မ​ဆက်​ကြ​ဘူး။ ဒါပေမဲ့ ဒီကိစ္စမှာ​လည်း ကျမ်းစာနဲ့ လေ့ကျင့်​ထားတဲ့ သိစိတ်ကို အခြေခံပြီး ခရစ်ယာန်​တစ်ယောက်စီ ဆုံးဖြတ်ရမယ်။ ဖယ်ရှားခံ​ရသူကို အစည်းအဝေးမှာ ကြိုဆို​နှုတ်ဆက်​ဖို့ တချို့​ရဲ့ သိစိတ်က ခွင့်ပြုနိုင်တယ်။ ဒါပေမဲ့ စကား​ဖောင်ဖွဲ့ ပြော​နေ​မှာ မဟုတ်ဘူး။ တခြား​အချိန်တွေမှာ ပေါင်းသင်း​မှာ မဟုတ်ဘူး။

15. Johan Nihna 9-11 in kuate’ thu gen a hiam? (“Johan’ Gen Mawhna le Pual’ Gen Mawhna Kibang A Hiam?” kiu li bawm en in.)

^၁၅ ‘သူ့ကို နှုတ်ဆက်စကား​တောင် မပြော​နဲ့။ နှုတ်ဆက်​ရင် သူ့ရဲ့ ဆိုးညစ်တဲ့ အကျင့်တွေကို ထောက်ခံ​ရာ​ရောက်တယ်လို့ ကျမ်းစာမှာ ပြောထားတယ် မဟုတ်လား’ ဆိုပြီး တချို့ တွေးမိနိုင်တယ်။ (၂ ယောဟန် ၉-၁၁ ကို ဖတ်ပါ။) ဒီကျမ်းပိုဒ်က အယူဖောက်ပြန်သူတွေ၊ ကျမ်းစာနဲ့ မညီ​တာ​တွေ​ကို အားပေးအားမြှောက်​လုပ်​သူ​တွေ​အကြောင်း ပြောနေတာပါ။ (ဗျာ. ၂:၂၀) ဒါကြောင့် အဲဒီလိုလူတွေ​ဆီ အကြီးအကဲတွေ မ​လည်ပတ်ကြ​ဘူး။ ဒါပေမဲ့ သူတို့ နောင်တရ​ကောင်း ရလာ​နိုင်ပါတယ်။ နောင်တ​မရ​မချင်း​တော့ ကျွန်တော်တို့ နှုတ်​မ​ဆက်​ကြ​ဘူး။ အစည်းအဝေး မဖိတ်​ကြ​ဘူး။

JEHOVAH’ HEHPIHNA ETTEH IN

16-17. (a) Mawhna a bawl te’n bang a sep ding uh Jehovah in lamen a hiam? (Ezekiel 18:32) (b) Pawlpi upa te’n Jehovah tawh koi bangin semkhawm thei uh a hiam?

^၁၆ ဒီစာစောင်မှာ ပါတဲ့ ဆောင်းပါး​ငါးခု​ကနေ ဘာတွေ သိခဲ့ရပြီလဲ။ ဘယ်သူ့ကိုမှ ယေဟောဝါ မပျက်စီးစေချင်ဘူး။ (ယေဇကျေလ ၁၈:၃၂ ကို ဖတ်ပါ။) အပြစ်လုပ်သူတွေ​ကို မိမိနဲ့ ပြန်သင့်မြတ်​လာစေချင်တယ်။ (၂ ကော. ၅:၂၀) ဒါကြောင့်​လည်း နောင်တရပြီး မိမိဆီ ပြန်လှည့်လာဖို့ အုပ်စုလိုက်​ကို​ကော တစ်ယောက်ချင်းစီ​ကို​ပါ ခေတ်​တစ်လျှောက်​မှာ ယေဟောဝါ ထပ်တလဲလဲ တိုက်တွန်းတာ။ အပြစ်လုပ်သူတွေ နောင်တရ​လာအောင် ကူညီပေး​ရာ​မှာ ယေဟောဝါနဲ့​အတူ အကြီးအကဲတွေ တွဲ​လုပ်ဆောင်ရတာ အခွင့်ထူး​ပါပဲ။—ရော. ၂:၄။ ၁ ကော. ၃:၉။

^၁၇ အပြစ်လုပ်သူတွေ နောင်တရတဲ့အခါ ကောင်းကင်မှာ ဘယ်လောက် ဝမ်းသာ​မယ်​ဆိုတာ မြင်ယောင်​ကြည့်ပါ။ ပျောက်​သွားတဲ့ သိုး​တစ်ကောင် အသင်းတော်ဆီ ပြန်လာ​တိုင်း ကောင်းကင်ဘုံစံ​အဖ ယေဟောဝါ သိပ်ပျော်တယ်။ ယေဟောဝါရဲ့ မဟာကရုဏာ​အကြောင်း ကျွန်တော်တို့ စဉ်းစားလိုက်တိုင်း ယေဟောဝါကို ချစ်တဲ့ မေတ္တာ တဖွားဖွား တိုးများလာ​ပါလိမ့်မယ်။—လု. ၁:၇၈။