Jesuh Leitungah A Nunung Ni 40 A Om Hun Sunga A Lahkhiat Etteh Ding Lim

1-2. Emmaus khua paina lampi-ah Jesuh’ nungzui nihte in bang tuakkha uh a hiam?

အေဒီ ၃၃၊ နိသန်လ ၁၆ ရက်မှာ ဂျေရုဆလင်​မြို့ကနေ ၇ မိုင် (၁၁ ကီလိုမီတာ) လောက် ဝေးတဲ့ ဧမောက်​ရွာကို ယေရှုရဲ့ တပည့်​နှစ်ယောက် သွား​နေတယ်။ ခေါင်းဆောင် ယေရှု မကြာသေးခင်​က​ပဲ အသတ်ခံ​လိုက်ရ​လို့ စိတ်​ညှိုးငယ်​နေကြတယ်။ မေရှိယ လုပ်ပေးမယ်လို့ မျှော်လင့်​ထားတာ​တွေ ပျောက်ပျက်​သွား​ပုံ​ပဲ။ ဒါပေမဲ့ ထင်မထားတာ​တစ်ခု ဖြစ်လာတယ်။

^၂ သူစိမ်း​အမျိုး​သားတစ်ယောက် သူတို့​အနား ရောက်လာပြီး အတူ​လျှောက်​တယ်။ ယေရှု ကြုံခဲ့ရတဲ့ စိတ်မကောင်း​စ​ရာ ဖြစ်ရပ်တွေအကြောင်း သူတို့ ပြောပြကြတယ်။ ဒါနဲ့ သူတို့ စိတ်ထဲ စွဲနေ​မယ့် အကြောင်းအရာတွေကို သူစိမ်း​အမျိုးသား ပြောပြတယ်။ မေရှိယ ဘာကြောင့် ဒုက္ခ​ဝေဒနာ ခံစားပြီး သေ​ခဲ့​ရ​ကြောင်း “မောရှေ​နဲ့ ပရောဖက်တွေ ရေးခဲ့တဲ့ ကျမ်းစောင်တွေကနေ စပြီး” ရှင်းပြတယ်။ ဧမောက်​ရွာကို ရောက်တော့​မှ​ပဲ အဲဒီ​သူစိမ်း​အမျိုးသားဟာ ရှင်​ပြန်ထမြောက်ပြီး ဖြစ်တဲ့ ယေရှု​ဆိုတာ တပည့်​နှစ်ယောက် သိလိုက်ရတယ်။ မေရှိယ အသက်ရှင်နေ​မှန်း သိရလို့ သိပ်ဝမ်းသာ​သွား​ကြ​မှာ​ပဲ။—လု. ၂၄:၁၃-၃၅။

3-4. (a) Jesuh’ nungzuite tungah bang thu piang a hiam? (Sawltak 1:3) (b) Hih thulu-ah bang thu kikum ding i hiam?

^၃ မြေကြီးပေါ် နောက်ဆုံး​ရက် ၄၀ အတွင်း တပည့်တွေကို ယေရှု အကြိမ်ကြိမ် ကိုယ်ထင်ပြ​တယ်။a (တမန်တော် ၁:၃ ကို ဖတ်ပါ။) ပူဆွေး​ထိတ်လန့်နေတဲ့ တပည့်တွေကို အားပေးတယ်။ ဒါကြောင့် သူတို့ အားတက်လာကြတယ်။ ရွှင်ရွှင်ပျပျ ဖြစ်လာကြတယ်။ နိုင်ငံတော် သတင်းကောင်း ဟောပြော​သွန်သင်​ဖို့ သတ္တိ​ရှိလာကြတယ်။

^၄ မြေကြီးပေါ် နောက်ဆုံး​ရက် ၄၀ အတွင်း ယေရှု လုပ်ခဲ့တာ​တွေ​ကနေ ကျွန်တော်တို့ အများကြီး သင်ယူနိုင်တယ်။ ရက် ၄၀ အတွင်း တပည့်တွေကို ယေရှု (၁) ဘယ်လို အားပေးသလဲ၊ (၂) ကျမ်းစာကို ကျိုးကြောင်းဆင်ခြင်တတ်အောင် ဘယ်လို ကူညီပေးသလဲ၊ (၃) ထပ်ဆင့် တာဝန်တွေ ထမ်းဆောင်နိုင်​အောင် ဘယ်လို လေ့ကျင့်ပေး​သလဲ။ ကဏ္ဍ​တစ်ခုစီမှာ ယေရှုကို ဘယ်လို အတုယူနိုင်သလဲ။ ဒီ​မေးခွန်းတွေကို ဒီဆောင်းပါးမှာ လေ့လာကြပါမယ်။

MIDANGTE THA PIA IN

5. Jesuh’ nungzuite bang hang thapiakna kisam a hiam?

^၅ ယေရှုတပည့်တွေ အားပေးမှု လိုတယ်။ ဘာကြောင့်လဲ။ တချို့က ယေရှုနောက် အချိန်ပြည့်​လိုက်​နိုင်ဖို့ အိမ်၊ မိသားစု၊ စီးပွားရေး​လုပ်ငန်းတွေ ထား​ခဲ့ကြတယ်။ (မ. ၁၉:၂၇) တချို့က ယေရှုနောက်​လိုက် ဖြစ်လာလို့ ပတ်ဝန်းကျင်မှာ အကြဉ်​ခံကြရတယ်။ (ယော. ၉:၂၂) ယေရှုဟာ ကတိထားရာ မေရှိယ ဖြစ်တယ်ဆိုတာ ယုံလို့ ဒီလို​စွန့်လွှတ်​အနစ်နာခံ​ခဲ့​ကြ​တာ။ (မ. ၁၆:၁၆) ဒါပေမဲ့ ယေရှု အသတ်ခံ​လိုက်ရ​တော့ မျှော်လင့်​သမျှ သဲထဲ​ရေသွန် ဖြစ်သွားပြီ အထင်နဲ့ စိတ်ပျက်​အားငယ်​ခဲ့ကြတယ်။

6. Jesuh a thawhkik khit ciang bang sem a hiam?

^၆ တပည့်တွေ စိတ်ပျက်​အားငယ်​တာ​ဟာ ယုံကြည်ခြင်း မရှိလို့ မဟုတ်ဘူး၊ ချစ်ရသူ ဆုံး​ရှုံးတဲ့အခါ ဖြစ်လေ့ဖြစ်ထ​ရှိတဲ့ သဘာဝ ခံစားချက်​ဆိုတာ ယေရှု သိတယ်။ ဒါကြောင့် ရှင်​ပြန်ထမြောက်​တဲ့ နေ့​က​စပြီး တပည့်တွေကို လိုက်​အားပေးတယ်။ ဥပမာ၊ မိမိရဲ့ သင်္ချိုင်းဂူ​မှာ ငိုနေတဲ့ မာဂဒလမာရိ​ကို ကိုယ်ထင်ပြ​တယ်။ (ယော. ၂၀:၁၁၊ ၁၆) ဆောင်းပါးအစမှာ ဖော်ပြထားတဲ့အတိုင်း ဧမောက်​ရွာကို သွား​နေတဲ့ တပည့်​နှစ်ယောက်ကို ကိုယ်ထင်ပြ​တယ်။ တမန်တော် ပေတရု​ကို ကိုယ်ထင်ပြ​တယ်။ (လု. ၂၄:၃၄) ယေရှု​ဆီကနေ ဘာသင်ယူနိုင်သလဲ။ ယေရှု ဦးဆုံး ကိုယ်ထင်ပြ​ချိန်​အကြောင်း သုံးသပ်ကြရအောင်။

7. Nisan kha 16 ni zingsang tungin Mary ahih bang pen Jesuh in mu a hiam? Jesuh in bang hih a hiam? (Lim zong en in.)

^၇ ယောဟန် ၂၀:၁၁-၁၆ ကို ဖတ်ပါ။ နိသန်လ ၁၆ ရက် မနက်စောစော​မှာ ယေရှုရဲ့ သင်္ချိုင်းဂူကို အမျိုးသမီး​တစ်စု ရောက်လာတယ်။ (လု. ၂၄:၁၊ ၁၀) အဲဒီထဲက တစ်ယောက်က မာဂဒလမာရိ​ပါ။ သင်္ချိုင်းဂူကို ရောက်တော့ ယေရှု​အလောင်း မ​တွေ့တော့​ဘူး။ ဒါနဲ့ ပေတရု​နဲ့ ယောဟန်ဆီ အ​ပြေး​သွား​ပြောတယ်။ သင်္ချိုင်းဂူကို ပေတရု​နဲ့ ယောဟန် ပြေး​လာ​ကြည့်​တော့ မာရိလည်း သူတို့​နောက်က လိုက်လာတယ်။ အလောင်း မရှိတာ သေချာ​သွား​လို့ ပေတရု​နဲ့ ယောဟန် ပြန်သွား​ပေမဲ့ မာရိကတော့ ငိုပြီး ကျန်ရစ်​ခဲ့တယ်။ ယေရှု ကြည့်​နေမှန်း မာရိ မသိဘူး။ မာရိ ငိုနေတာ​ကို ယေရှု မြင်ပြီး နှစ်သိမ့်​ပေးချင်​လာတယ်။ ဒါကြောင့် ကိုယ်ထင်ပြ​ပြီး စကားပြောတယ်။ မိမိ ရှင်ပြန်ထမြောက်ပြီ ဖြစ်ကြောင်း ညီအစ်ကိုတွေ​ဆီ သွား​ပြော​ခိုင်းတယ်။ ယေရှု လုပ်လိုက်တာ ရိုးရိုးလေး​ပေမဲ့ မာရိ သိပ်​အားတက်သွား​မှာ​ပဲ။—ယော. ၂၀:၁၇၊ ၁၈။

8. Jesuh bangci etteh thei ding i hiam?

^၈ ယေရှုကို ဘယ်လို အတုယူနိုင်သလဲ။ ဘုရား​အမှု ဆက်​ဆောင်​နိုင်အောင် ညီအစ်ကို/မတွေကို အားပေးတဲ့အခါ ယေရှုကို အတုယူနိုင်တယ်။ ဘာတွေ​ကြောင့် ညီအစ်ကို/မတွေ သောက​ရောက်နေသလဲ သိအောင် မျက်စိရှင်ရှင်​ထားနိုင်တယ်။ သူတို့​နေရာကနေ ဝင်​ခံစား​ပေးနိုင်တယ်။ နှစ်သိမ့်​ပေးနိုင်တယ်။ မတော်တဆမှု​တစ်ခုကြောင့် ညီအစ်မ ဂျိုစလင်း​ရဲ့ ညီမ ဆုံး​သွားတယ်။ “လ​အတော်ကြာ​ထိ ကျွန်မ ဖြေ​မဆည်နိုင်​ဘူး” လို့ ပြောတယ်။ ဂျိုစလင်း သောကရောက်​နေတာကို ညီအစ်ကို/မ မောင်နှံတစ်စုံ သတိထားမိပြီး အိမ်​ဖိတ်တယ်။ ရင်ဖွင့်​တာကို စာနာမှု​ရှိရှိ နားထောင်ပေးတယ်။ ဂျိုစလင်း​ကို ဘုရား တန်ဖိုးထားကြောင်း စိတ်ချစေတယ်။ “သူတို့​ကတစ်ဆင့် ကျွန်မကို မုန်တိုင်းထန်​နေတဲ့ ပင်လယ်ပြင်​ကနေ ယေဟောဝါ​ဘုရား ဆွဲ​ယူပြီး အသက်ကယ်​လှေပေါ် တင်​ပေး​လိုက်​သလို​ပဲ။ သူတို့​အကူအညီ​ဟာ ဘုရား​အမှု ဆက်​ဆောင်ဖို့ တွန်းအား​ပါပဲ” လို့ ပြောတယ်။ ကျွန်တော်တို့လည်း ညီအစ်ကို/မတွေ ရင်ဖွင့်တဲ့အခါ ဂရုတစိုက် နားထောင်​ပေးခြင်း၊ စာနာမှု​ရှိရှိ နှစ်သိမ့်​စကား ပြော​ခြင်း​အားဖြင့် ဘုရား​အမှု ဆက်​ဆောင်​နိုင်အောင် ကူညီပေးနိုင်တယ်။—ရော. ၁၂:၁၅။

MIDANGTE LAI SIANGTHO A TELSIAM NADINGUN HUH IN

9. Jesuh’ nungzuite in bang thu tel lo uh a hiam? Jesuh in bangci huh a hiam?

^၉ ယေရှုတပည့်တွေ​ဟာ တရားစကားကို ယုံကြည်တယ်၊ အတတ်နိုင်ဆုံး လိုက်နာတယ်။ (ယော. ၁၇:၆) ဒါပေမဲ့ ရာဇဝတ်သား​တစ်ယောက်လို သစ်တိုင်ပေါ် ယေရှု အသတ်ခံရတဲ့ အကြောင်းရင်းကို သဘောမပေါက်​ဘူး။ ယေဟောဝါကို တပည့်တွေ မယုံ​လို့၊ မချစ်လို့ မဟုတ်ဘဲ ကျမ်းစာကို ပိုနားလည်ဖို့ လိုနေ​သေးလို့​ဆိုတာ ယေရှု သိတယ်။ (လု. ၉:၄၄၊ ၄၅။ ယော. ၂၀:၉) ဒါကြောင့် ကျမ်းစာကို တပည့်တွေ ကျိုးကြောင်းဆင်ခြင်တတ်အောင် ကူညီပေးတယ်။ ဧမောက်​ရွာကို သွားတဲ့ လမ်းမှာ တပည့်​နှစ်ယောက်ကို ယေရှု ကိုယ်ထင်ပြ​ချိန်​အကြောင်း သုံးသပ်ကြည့်​ရအောင်။

10. Jesuh in amah Messiah ahihlam a nunzuite a tel theih nadingun bangci huh a hiam? (Luka 24:18-27)

^၁၀ လုကာ ၂၄:၁၈-၂၇ ကို ဖတ်ပါ။ မိမိ ဘယ်သူဘယ်ဝါဆိုတာ ယေရှု ချက်ချင်း မပြောဘဲ မေးခွန်းတွေ မေးတယ်။ ဘာကြောင့်လဲ။ တပည့်တွေ စိတ်ထဲ ရှိတဲ့​အတိုင်း ထုတ်ပြော​လာ​စေချင်​လို့ ဖြစ်နိုင်တယ်။ တကယ်လည်း တပည့်တွေ ထုတ်ပြော​လာတယ်။ ရောမ အဖိနှိပ်ခံ​ဘဝကနေ အစ္စရေးလူမျိုး လွတ်မြောက်အောင် ယေရှု လုပ်ပေးမယ်လို့ မျှော်လင့်​ထား​ကြောင်း သူတို့ ပြောကြတယ်။ သူတို့ စိတ်ထဲ ရှိတဲ့​အတိုင်း ပြောတာကို ယေရှု နားထောင်ပေးတယ်။ အဲဒီနောက် ကြိုဟောချက် တော်တော်​များများ ပြည့်စုံ​သွားတဲ့​အကြောင်း ကျမ်းစာ သုံးပြီး ရှင်းပြတယ်။b အဲဒီ​နေ့ ညနေမှာ တခြား​တပည့်တွေ​နဲ့ ယေရှု တွေ့ပြီး ကြိုဟောချက်​တွေ ထပ်​ရှင်းပြတယ်။ (လု. ၂၄:၃၃-၄၈) ဒီကနေ ဘာသင်ယူနိုင်သလဲ။

11-12. (a) Jesuh ii Lai Siangtho thuman a hilh dan pan bang sin thei i hiam? (Lim zong en in.) (b) Lai Siangtho sinpihpa in Nortey bangci huh a hiam?

^၁၁ ယေရှုကို ဘယ်လို အတုယူနိုင်သလဲ။ ကျမ်းစာ​သင်ပေးတဲ့အခါ ပညာသားပါပါ မေးခွန်း မေး​ခြင်း​အားဖြင့် သင်သားရဲ့ ခံစားချက်ကို ခပ်ထုတ်​ပါ။ (ပညာ. ၂၀:၅) သူတို့ ဘာ​ခံစားနေရသလဲ သိပြီ​ဆိုရင် သူတို့​အခြေအနေနဲ့ ကိုက်တဲ့ ကျမ်းပိုဒ်တွေ ရှာ​နိုင်​ပုံ​ကို ပြပေး​ပါ။ ဘာလုပ်ပါဆိုပြီး မပြောပါနဲ့။ ကျမ်းစာကို ကျိုးကြောင်း​ဆင်ခြင်​တတ်လာအောင်၊ ကျမ်းစာမူတွေ လက်တွေ့​ကျင့်သုံးနိုင်ပုံကို မြင်လာအောင် ကူညီပေးပါ။ ဂါနာ​နိုင်ငံက ညီအစ်ကို နော်တေး​အကြောင်း သုံးသပ်ကြည့်ပါ။

^၁၂ အသက် ၁၆ နှစ်မှာ နော်တေး ကျမ်းစာ စလေ့လာတယ်။ မကြာခင်​မှာ​ပဲ မိသားစု​ဆန့်ကျင်မှု ကြုံရတယ်။ ကျမ်းစာ ဆက်​လေ့လာဖို့ ဘာက ကူညီပေးသလဲ။ ခရစ်ယာန်စစ်တွေဟာ ညှဉ်းပန်းနှိပ်စက်မှု ကြုံရမှာ ဖြစ်ကြောင်း မဿဲ အခန်းကြီး ၁၀ ကို သုံးပြီး ကျမ်းစာ​သင်ပေးသူ ရှင်းပြထားတယ်။ “ဒီတော့ ဆန့်ကျင်မှု​လည်း ကြုံ​ရော ဒါ အမှန်တရား​ပဲ​ဆိုတာ ကျွန်တော် သဘောပေါက်သွားတယ်” လို့ နော်တေး ပြောတယ်။ ဒါ့အပြင် ကိုယ့်​ယုံကြည်ချက်​အကြောင်း မိသားစုကို ပြောပြတဲ့အခါ သတိရှိဖို့၊ လေးစားမှု​ရှိဖို့ မဿဲ ၁၀:၁၆ ကို သုံးပြီး ကျမ်းစာ​သင်ပေးသူ ကျိုးကြောင်း​ဆင်ခြင်​ပြ​ထားတယ်။ ဒီလိုနဲ့ နော်တေး နှစ်ခြင်းခံလိုက်တယ်။ နှစ်ခြင်းခံပြီးနောက် ရှေ့ဆောင်​လုပ်ချင်​လာတယ်။ ဒါပေမဲ့ အဖေက တက္ကသိုလ် တက်​စေချင်တယ်။ ဘာလုပ်ပါဆိုပြီး ကျမ်းစာ​သင်ပေးသူ မပြောဘူး။ ကျမ်းစာမူတွေကို ကျိုးကြောင်း​ဆင်ခြင်ပြီး ဆုံးဖြတ်ချက်ကောင်း ချနိုင်ဖို့ မေးခွန်းတွေ မေးတယ်။ နော်တေး ဘာ​ဆုံးဖြတ်သလဲ။ ရှေ့ဆောင်​လုပ်ဖို့ ဆုံးဖြတ်တယ်။ ဒါနဲ့ နော်တေး​ကို အဖေ​ဖြစ်သူ အိမ်ပေါ်​က နှင်ချ​လိုက်တယ်။ “ကျွန်တော့်​ဆုံးဖြတ်ချက် မှန်တယ်ဆိုတာ လုံးဝ ယုံတယ်” လို့ နော်တေး ပြောတယ်။ မှန်ပါတယ်၊ ကျမ်းစာကို ကျိုးကြောင်း​ဆင်ခြင်​တတ်​ဖို့ အချိန်ယူ ကူညီပေးတာ​ဟာ အမှန်တရားမှာ အခြေခိုင်​တဲ့ ခရစ်ယာန် ဖြစ်လာဖို့ ကူညီပေးနေတာ​ပါပဲ။—ဧ. ၃:၁၆-၁၉။

MIHING ‘LETSONG’ A SUAH NADINGUN UNAUPATE SINSAK IN

13. Vangtung a kahkhit ciang tangko nasep a kizomsuak theih nadingin Jesuh in bang sem a hiam?

^၁၃ အဖ ခိုင်းထားတဲ့ အလုပ်ကို မြေကြီးပေါ် ရှိစဉ် ယေရှု အကောင်းဆုံး လုပ်တယ်။ (ယော. ၁၇:၄) ဒါပေမဲ့ ဘာမဆို ကိုယ်လုပ်မှ ပြီး​မယ်​ဆိုတဲ့ သဘောထားမျိုး မရှိဘူး။ မြေကြီးပေါ် အမှုဆောင်ချိန် သုံးနှစ်ခွဲ​အတွင်း တခြားသူတွေကို လေ့ကျင့်ပေးတယ်။ ယေဟောဝါရဲ့ အဖိုးတန် သိုးတွေကို စောင့်ရှောက်ဖို့၊ ဟောပြော​သွန်သင်ခြင်း​လုပ်ငန်းကို ဦးဆောင်​ဖို့​ဆိုတဲ့ တာဝန်ကို ကောင်းကင်​မတက်ခင် အပ်နှင်းခဲ့တယ်။ တပည့်​တချို့ဆိုရင် အသက် ၂၀ ကျော်​လောက်​ပဲ ရှိဦးမယ်။ (ဧဖက် ၄:၈ ကို ဖတ်ပါ။) သစ္စာရှိ ဒီ​တပည့်တွေဟာ ယေရှုနဲ့​အတူ ကြိုးကြိုးစားစား အမှုဆောင်ခဲ့ကြတယ်။ ဒါပေမဲ့ လူ့​အသွင်​ဆု​အဖြစ် တပည့်တွေ အရည်အချင်း ပြည့်မီအောင် ကောင်းကင်​မတက်ခင် ရက် ၄၀ အတွင်း ယေရှု ထပ်​လေ့ကျင့်ပေး​တယ်။ ဘယ်လို လေ့ကျင့်ပေး​သလဲ။

14. Jesuh in Leitunga a nunung ni 40 a om sungin a nungzuite bangci sinpih beh a hiam? (Lim zong en in.)

^၁၄ တဲ့တိုး​ကျပေမဲ့ မေတ္တာပါပါ ယေရှု အကြံပေးတယ်။ ဥပမာ၊ တပည့်​တချို့ သံသယဝင်​နေမှန်း သိလို့ ဆုံးမတယ်။ (လု. ၂၄:၂၅-၂၇။ ယော. ၂၀:၂၇) သက်​မွေး​အလုပ်​ထက် သိုးထိန်း​အလုပ်မှာ အာရုံနှစ်ထား​ဖို့လည်း ပြောတယ်။ (ယော. ၂၁:၁၅) အမှုတော်မှာ တခြားသူတွေ ရတဲ့ အခွင့်ထူးတွေ​ကို အလွန်အမင်း အာရုံမစိုက်​ဖို့ သတိပေးတယ်။ (ယော. ၂၁:၂၀-၂၂) နိုင်ငံတော်​နဲ့ပတ်သက်ပြီး အထင်မှား​နေတာတွေကို တည့်မတ်ပေးတယ်။ ဟောပြောခြင်း​လုပ်ငန်းကို အာရုံစိုက်ဖို့ ကူညီပေးတယ်။ (တ. ၁:၆-၈) ယေရှုကို အကြီးအကဲတွေ ဘယ်လို အတုယူနိုင်သလဲ။

15-16. (a) Pawlpi upate in Jesuh bangci etteh thei a hiam? (b) Thu kihilhna pan Patrick bang hamphatna na ngah a hiam?

^၁၅ ယေရှုကို အကြီးအကဲတွေ ဘယ်လို အတုယူနိုင်သလဲ။ တော်တော် ငယ်သေးတဲ့ ညီအစ်ကိုတွေကို​တောင် ထပ်ဆင့် တာဝန်တွေအတွက် အရည်အချင်း ပြည့်မီဖို့ အကြီးအကဲတွေ လေ့ကျင့်ပေး​ရမယ်၊ ကူညီပေးရမယ်။c သင်ပေး​စ​ရာ အများကြီး ရှိ​မှန်း သဘောပေါက်​ရမယ်။ ညီအစ်ကိုငယ်​တွေ နှိမ့်ချမှု​ရှိသူ၊ ယုံကြည်​အားကိုးထိုက်​သူ၊ သူတစ်ပါး​အကျိုး သယ်ပိုး​တတ်​သူ ဖြစ်လာဖို့၊ အတွေ့အကြုံ ရှိလာဖို့ မေတ္တာပါပါ အကြံ​ပေး​ဆုံးမ​သင့်​တယ်။—၁ တိ. ၃:၁။ ၂ တိ. ၂:၂။ ၁ ပေ. ၅:၅။

^၁၆ အကြံ​ပေး​ဆုံးမမှု​ကနေ ညီအစ်ကို ပက်ထရစ် အကျိုး​ရခဲ့တယ်။ ပက်ထရစ် ခပ်ငယ်ငယ်​တုန်းက စကားပြော​ကြမ်းတယ်။ ညီအစ်မတွေ​အပေါ်​တောင် မကြင်မနာ ပြုမူ​တတ်တယ်။ ပက်ထရစ်​ရဲ့ အားနည်းချက်ကို ရင့်ကျက်တဲ့ အကြီးအကဲ​တစ်ယောက် သတိထားမိပြီး မေတ္တာပါပါ တဲ့တိုး​ကျ​ကျ အကြံ​ပေး​ဆုံးမတယ်။ “အကြီးအကဲ အကြံ​ပေး​ဆုံးမခဲ့​တာကို သိပ်ကျေးဇူးတင်တာပဲ။ ကိုယ်​ရချင်တဲ့ အခွင့်ထူး​တစ်ခုကို တခြား​တစ်ယောက် ရသွား​ရင် ကျွန်တော် စိတ်ဓာတ်ကျ​တတ်တယ်။ ဒါပေမဲ့ အခွင့်ထူးတွေ ရဖို့​ထက် နှိမ့်ချမှု​ရှိဖို့၊ ညီအစ်ကို/မတွေကို မေတ္တာထား​ဖို့ အာရုံစိုက်သင့်​မှန်း အကြံ​ပေး​ဆုံးမမှု​ကြောင့် သဘောပေါက်လာတယ်” လို့ ပြောတယ်။ အသက် ၂၃ နှစ်မှာ အကြီးအကဲအဖြစ် ပက်ထရစ် ခန့်အပ်ခံရတယ်။—ပညာ. ၂၇:၉။

17. Jesuh in a nungzuite a muanlam bangci lak a hiam?

^၁၇ ဟောပြောခြင်း​တာဝန်​သာမက သွန်သင်ခြင်း​တာဝန်​ပါ တပည့်တွေကို ယေရှု ပေးတယ်။ တာဝန်အတွက် အရည်အချင်း မပြည့်မီ​ဘူး​လို့ တပည့်တွေ ခံစားရနိုင်တယ်။ ဒါပေမဲ့ တပည့်တွေကို ယေရှု သံသယ​မရှိ ယုံကြည်စိတ်ချတယ်။ ယုံကြည်​စိတ်ချကြောင်း ထုတ်ပြောတယ်။ “အဖ​ဘုရားက ကျွန်တော့်ကို ဒီ​လောက​ထဲ စေလွှတ်​သလို ကျွန်တော်လည်း ခင်ဗျားတို့ကို ဒီ​လောက​ထဲ စေလွှတ်တယ်” ဆိုတဲ့ ယေရှုရဲ့ စကားက တပည့်တွေကို အပြည့်အဝ ယုံကြည်​စိတ်ချကြောင်း ဖော်ပြတယ်။—ယော. ၂၀:၂၁။

18. Pawlpi upate in Jesuh bangci etteh thei a hiam?

^၁၈ ယေရှုကို အကြီးအကဲတွေ ဘယ်လို အတုယူနိုင်သလဲ။ အတွေ့အကြုံရှိ အကြီးအကဲတွေဟာ တာဝန်​လွှဲ​ပေးကြတယ်။ (ဖိ. ၂:၁၉-၂၂) ဥပမာ၊ အစည်းအဝေး​ခန်းမ သန့်ရှင်းရေး၊ ပြုပြင်​ထိန်းသိမ်းရေး​မှာ လူငယ်တွေကို ဝိုင်းကူ​ညီ​ခိုင်း​နိုင်တယ်။ တာဝန်​တစ်ခုခု ထမ်းဆောင်နိုင်ဖို့ လေ့ကျင့်ပေးခြင်း၊ စိတ်ချလက်ချ တာဝန်​လွှဲ​ပေးခြင်းအားဖြင့် ညီအစ်ကိုတွေကို ယုံကြည်​စိတ်ချကြောင်း ပြနိုင်တယ်။ တာဝန်​အမျိုးမျိုး ထမ်းဆောင်နိုင်​အောင် အတွေ့အကြုံရှိ အကြီးအကဲတွေ သေသေချာချာ လေ့ကျင့်ပေးလို့၊ စိတ်ချလက်ချ တာဝန်​လွှဲပေးလို့ ကျေးဇူးတင်ကြောင်း အကြီးအကဲ ဖြစ်ခါစ ညီအစ်ကို မက်သရူး ပြောတယ်။ “ကျွန်တော် အမှား​လုပ်မိတဲ့အခါ အမှားကနေ သင်ခန်းစာ ယူဖို့၊ ထပ်​မမှားဖို့ ကူညီပေးလို့ သိပ်ကျေးဇူးတင်တယ်” ဆိုပြီး ပြောတယ်။d

19. Bang i khensat kholh ding kisam a hiam?

^၁၉ မြေကြီးပေါ် နောက်ဆုံး​ရက် ၄၀ အတွင်း တခြားသူတွေကို ယေရှု အားပေးတယ်၊ သွန်သင်တယ်၊ လေ့ကျင့်​တယ်။ ယေရှုရဲ့ စံနမူနာကို ထက်ကြပ်မကွာ လိုက်လျှောက်ဖို့ ဆုံးဖြတ်ထား​ကြရအောင်။ (၁ ပေ. ၂:၂၁) မိမိ​စံနမူနာကို ထက်ကြပ်မကွာ လိုက်လျှောက်​နိုင်အောင် ယေရှု ကူညီပေးမယ်။ “လောကစနစ် နိဂုံးပိုင်း​အထိ ခင်ဗျားတို့နဲ့​အတူ ကျွန်တော် အမြဲ ရှိနေမယ်” လို့ ကတိ​ပေးထားလို့ပါ​ပဲ။—မ. ၂၈:၂၀။