Juwa jidapanʉrata ãba trajapanʉbʉrʉ, ũmeba abion edebari kĩrãkʼa panañi.
JUWA JIDAPANɄRAITA
2 Yiya kʼarebaibara
¿KʼÃRẼTA OIBARA?
Juwa jidapʉrata abion edei kĩrãkʼapanʉ ãyi abarika trajapanʉne. Ãyira ãyitrʉ krĩchabʉ ẽ awuarabʉrʉ krĩchapanʉ ãyi ũmena sãwũã bia panaita, bedʼea zroma ũdupanʉmina.
DAIZEZE BEDʼEABA JARABɄTA: «Ũmepanʉ ẽ, awuarabʉrʉ kakua abapai kĩrãkʼapanʉ» (Mateo 19:6).
«Juwa jidapanʉrãra yiya kʼarebadaibara mawũã ãyi bia panamarẽã» (Christopher).
¿KʼÃRẼA YIBIA?
Juwa jidapanʉrata yiya kʼareba ẽ bʉrʉ, bedʼea zroma zebʉrʉde yiya jaraseapanʉ maʉ̃ bedʼea zroma ara oikaʉde, maʉ̃ kʼarea bedʼea wikabadasida bedʼea zroma baseabʉ.
«Yiya kʼarebaita audre yibia juwa jidapanʉraita. Mʉ kimata mʉ̃me yiya kʼareba ẽ bʉrʉ, bari deda ãbabʉ kĩrãkʼabʉ, ẽbẽra dayi de kʼawabʉ kĩrãkʼa» (Alexandra).
¿KʼÃRẼTA OSEABɄ?
KRĨCHARA
¿Bʉa trajode plata ganabʉra krĩchabʉka bʉre abapaideta?
¿Bʉ aduʼa bia enaʉ̃ita nesidabʉka bʉ kimaneba jĩga bʼaita?
¿Bʉra bʉ kima mebẽrãbawara wikabida ãbabʉ ẽka, iyi ãbabʉmina yi mebẽrãbawara?
YIYA BEDʼEAIDUA
¿Dai kʼãwũã juwa jidapanʉne, kʼãrẽne yiya kʼarebapanʉ?
¿Kʼãrẽne audre bia oseapanʉ?
¿Kʼãrẽta oseabʉ audre yiya kʼarebaita?
ŨRÃGʼA
Krĩchara juwa jidapanʉrata balon jemeneitanʉmʉta. Mamina iyi kimara balon jemenebʉrʉdera wã ẽ iyi kima ʉ̃rʉ, awuarabʉrʉ iyiare jemenebʉ.
Bʉa krĩchabʉde bʉyidobaʉba bia oikaʉde awurabʉrʉ krĩchara sãwũã ũmeba bia oseapanʉta.
«Krĩcha ẽã kʼaiba bia obʉta. Maʉ̃ kʼarea audre yibia aduʼa bʼaita akʉza jipa ãba bʼaita» (Ethan).
DAIZEZE BEDʼEABA JARABɄTA: «Marabara krĩcharaidua mayitabʉrʉ nekʼãrẽ jʉrʉita, awuarabʉrʉ krĩchaidua wuabemarasida» (Filipenses 2:3, 4).