Yi nãã bedʼeabʉta parte 12

Jesúsʼra bedʼeasi Daizeze Nokʼo ʉ̃tʉbema ʉ̃rʉ. Akʉza jaradiasi yiwidʼibʉdade Daizeze trʉ̃ta neneẽã babimarẽã, Daizeze Nokʼota zemarẽã akʉza naʉ̃ drʉade Jeowaba kãgabʉta omarẽã. Bʉta wũãwũãra barabʉbʉrʉ kʼarebara kʼawuamarẽã kʼãrẽa yibiata dayirãitara kʼãwũã yiwidʼira. Jesúsʼra Diaruba nekʼãrẽ aña obʉa yi edebi ẽ basi, awuarabʉrʉ Jeowaʉ̃me kʼẽrẽpabasi. Jidasi ẽbẽrarã iyi apostolera bʼaita, naʉ̃rabara Jesúsbawara ãba zokʼaibasi ʉ̃tʉba. Jesúsbara ẽbẽrarã kʼarebakĩrãbasi, maʉ̃ kʼarea kʼayapanʉrãra bebikʉasi akʉza ʉ̃kʉrʉ beikʉadara jẽda piradrʉbisi. Jesúsba oũdubidadeba ũdubisi Daizeze Nokʼoba ʉ̃rabʉrʉ zeide kʼãrẽ oita ẽbẽrarã kʼarea.