Yi nãã bedʼeabʉta 11

Naʉ̃ partede kʼawuadayi Escrituras Griegas Cristianas ʉ̃rʉbʉta. Kʼawuadayi Jesúsʼra warisita mebẽrã plata mejãcha neẽãne, ãyi pʉwʉrʉ zakede panasidera Jesúsʼra yi zezeʉ̃me karpinteriade trajapanasi. Jesúsʼra ẽbẽrarã Ẽdrʉbibari bʼaibasi. Jeowaba jidasi iyita nokʼo bamarẽã ʉ̃tʉ. Bʉta wũãwũã barabʉbʉrʉ kʼarebara bʉ wũãwũãraba ũrĩnamarẽã sãwũã Jeowaba bia jidasita kʼaiba iyi wũãwũã dapʉẽita mawũã iyi wũãwũãra bia dapʉẽnamarẽã. Jara ũrĩbira sãwũã Jeowabara Jesúsʼra bia akʉsita Herodesba bea ẽ bamarẽã. Jara ũrĩbira miõ ẽbẽraba kʼãrẽ obe ẽãta Jeowaba jarabʉra aripe berabari ẽ marẽãra. Jaradiara bʉ wũãwũã Jeowabara Juanta jidasita Jesús ʉ̃rʉ jaradiamarẽã. Bia jara ũrĩbira sãwũã Jesúsbara wiña yirudeba Daizeze ʉ̃rʉ jipa kʼawuakĩrãbasi akʉza ĩjãbasi Daizeze Bedʼeaba jarabʉra, mawũã iyimabʉta oẽ basi.