Jõmaʼa jarada aranʉ bʼai audre ẽjũã kĩrãwãreãnẽ panaita

Kãgapanʉ noviembre jedekode, jõmaʉ̃ba zarea omarẽã jaradiaita ẽbẽrarã aranʉ drʉa biade panaita (Sl 37:10, 11; Ap 21:3-5). ¿Kʼãrẽa ewari jʉrʉ ẽ dayirãra maʉ̃ ewaride Daizeze bedʼea jaradia wãita? Maʉ̃ jedekode yi nãã edebarirabara oseabʉ 30 mawũã ẽ bʉrʉ 50 ora.

Maʉ̃ ewaridera, Daizeze bedʼeara jaradiara testo ẽjũã kĩrãwãreã ʉ̃rʉ bedʼeabʉta. Bʉa badu testo jidabʉrʉde krĩchara ẽbẽrarãba kʼãrẽta ĩjãbʉta bʉchumae. Bʉ nãã bedʼea jʉ̃drʉbʉrʉde ẽbẽra abaʉba ũrĩkĩrãbʉbʉrʉ Daizeze Bedʼeata, diara karta Jarakabʉ numero 2, 2021ne (jõmaʉ̃itabʉra). Ewari bio berabarirãra maʉ̃ ẽbẽra jẽda akʉ wãita mawũã Daizeze Bedʼea kʼawuabita, maʉ̃ oita zokʼara karta Bʉra ewari jõmaʉ̃nẽ sobia baseabʉ. Kʼãrẽaba sobiapanʉ ẽbẽrarã jaradiapanʉ baera audre nebia ʉ̃rʉ (Is 52:7).

BIDEO TRÃBI ẼJŨÃ BIA ŨDUYI ŨDUBIDA TẼÃ, PANɄRA NAɄ̃ WIDITA:

• ¿Kʼãrẽ nebiata weita krĩchakiru wẽrã zakebara?

• ¿Kʼãrẽ nebia ũduita jʉ̃ãbʉ bʉara ẽjũã kĩrãwãreã zebʉrʉdera?

• ¿Kʼãrẽa ẽjũã bia krĩchaibara kʼarebayi audre jaradiata naʉ̃ jedekode? (Lu 6:45).