BʼAITA KRISTIANORA KĨRÃKʼA
Jeowaba kʼarebabʉ dayirãba bedʼea zroma awuantadamarẽã
Naʉ̃ ewari jõbodoarera jõmaʉ̃ba ũdupanʉ bedʼea zromara. Akʉza krĩchaseapanʉ maʉ̃ bedʼea zromaneba ẽdrʉbeda ẽãta, mamina Jeowa kʼarebata jʉrʉpanʉbʉrʉ awuantadayi maʉ̃ bedʼea zromata (Is 43:2, 4). Bʉta bedʼea zromane berabarinʉmʉbʉrʉ, ¿kʼãrẽba kʼarebaseabʉ Jeowa kʼawa bʼaita?
Yiwidʼiba. Dayirãba Jeowaʼa jõma jarapanʉbʉrʉ dayi sãwũã sentibʉta iya aduʼa babiyi akʉza iyi zareata diayi maʉ̃ bedʼea zroma awuantaita (Flp 4:6, 7; 1Te 5:17).
Ãba yi jʉrebarima wãiba. Idi ewadera dayirã jõmaʉ̃ba nesidapanʉ yiko jauredebemata akʉza mebẽrãba dayirãʼa so zarea diamarẽã ãba yi jʉrebarima wãbʉde (Heb 10:24, 25). Dayirã ãba yi jʉrebarima wãi nãã bia estudiabʉde akʉza juwa ʉ̃ta wuabʉde bedʼeaita, bia zokʼapanʉ Jeowaba kʼareba diabʉta iyi jaure zareadeba (Ap 2:29).
Daizeze bedʼea jaradiabʉba. Dayirãta zarea opanʉbʉrʉ Daizeze bedʼea jaradiaita, naʉ̃ba kʼarebayi krĩcha bia jidaita. Adewara Daizeze bedʼea jaradiabʉbara kʼarebabʉ baera Jeowata akʉza dayirã mebẽrãbawara trajabibʉ baera, naʉ̃ba kʼarebabʉ ãyi kʼawa bʼaita (1Co 3:5-10).
BIDEO JEOWABA BɄTA KʼAREBAYI ŨDUBIDA TẼÃ, PANɄRA NAɄ̃ WIDITA:
¿Kʼãrẽba kʼarebasi Malu Jeowa kʼawa bʼaita?
Malu kĩrãkʼa, ¿sãwũã dayirãʼa so zarea diaseabʉ Salmo 34:18bara?
¿Sãwũã ũdubibʉ Malu yizaba, Jeowabara dayirãʼa «zarea zromara» diabʉta bedʼea zroma berabaribʉrʉde? (2Co 4:7).