Potoraneba kʼawuara

Dayirã kartarabara potora mejãcha erbʉ, naʉ̃ba kʼarebabʉ dayirãba audre bia ũrĩta. ¿Kʼãrẽta oseabʉ maʉ̃ potodeba nekʼãrẽ kʼawuaita?

• Artikulo aba le jʉ̃drʉi nãã akʉra poto mamabʉta. Bʉa maʉ̃ poto akʉnʉmʉne kʼawuakĩrãseabʉ kʼãrẽta jaradiakĩrãbʉta maʉ̃ potoba, maʉ̃ba kʼarebaseabʉ jõma leita maʉ̃ artikulora. Naʉ̃ra yiko kĩrãkʼabʉ, bʉara yikora audre kokĩrãbʉ ũdubʉrʉdebʉrʉ, abarika berabaribʉ artikulo lebʉrʉde, dayirãba potorata nãã akʉra audre kʼawuakĩrãñi kʼãrẽ ʉ̃rʉ bedʼeabʉta. Maʉ̃ba le jʉ̃drʉi nãã biga bayi bʉyikʉza widita: ‹¿Kʼãrẽ potoratabʉ naʉ̃ artikulode? (Amós 7:​7, 8).

• Bʉa artikulo lebʉeda krĩchara kʼãrẽa bʉta maʉ̃ potora adewara yi artikuloba notata erbʉbʉrʉ maʉ̃sida akʉra. Krĩchara sãwũã parrapoba jarabʉra aripe ũdubibʉta potode akʉza maʉ̃ba kʼãrẽta jaradiabʉta bʉaʼa.

• Bʉa le berabarida tẽã akʉra potota, kĩrãbeita kʼãrẽ ʉ̃rʉ bedʼeabasita maʉ̃ artikulora, mõbe maʉ̃ tẽã dabizuara akʉza zarea ora jẽda kĩrãbeita yi potorata akʉza kʼãrẽ jaradiadata maʉ̃ba.

• Zarea ora naʉ̃ artikulode potora bʉta akʉita mawũã kʼawuaita bʉa kĩrãbebʉ kʼawuaita bʉa kʼawuada ʉ̃rʉ.