Poaga ũmebayi Ucrania yõnebʉta, ¿Daizeze Bedʼeaba kʼãrẽ nebiata jʉ̃ãbibʉ?

Viernes 24 febrero 2023de poaga aba Ucraniane yõ jʉ̃drʉdara, jarapanʉ 300.000 gorogorara Ucranianebemata akʉza Rusiadebemata beisita akʉza posidata, adewara 30.000 ẽbẽrarã beisi maʉ̃ yõnera, mamina beidarãra maʉ̃ne wuabʉ bʼaibara.

Naʉ̃neba yẽta naʉ̃ yõra jõ ẽ bai kĩrãkʼabʉ.

• Poaga aba berabarida tẽã gorogorora Rusiadebemata eda jʉ̃ẽnata Ucrananiane, wabidabasidu yõbʉ. Mamina ãyi ũmenebemata mia kʼaita aduamapanʉ, adewara ãyira bedʼea abarika zeamapanʉ maʉ̃ bedʼea zroma ara oita (NPR (National Public Radio), February 19, 2023).

Ẽbẽra mejãchauta krĩcha zroma obʉ naʉ̃ yõ kʼãwũã berabaribʉ kʼarea pʉata akʉza zʉbʉriata ũdupanʉ baera. Adewarabʉ awuru bedʼea zromata ẽbẽrarã naʉ̃ drʉa jõmaʉ̃nẽbemata zʉbʉriabibʉta. ¿Daizeze Bedʼeabara kʼãrẽ nebiata jʉ̃ãbibʉ?¿Ewari abaʉde jõika yõra?

Yõ abaʉba jõbiyi yõ naʉ̃ drʉa jõmaʉ̃maebʉta

Daizeze Bedʼeaba jara ũrĩbʉ yõ abaʉba ẽdrʉbita ẽbẽrarãta, mamina makena ẽ bayi ẽbẽrarãra, maʉ̃ yõ trʉ̃ra armagedon akʉza jarabʉ Daizeze yõ ewaride yõita, jõma oseabʉ maʉ̃ra (Apocalipsis 16:14, 16). Maʉ̃ yõ ewari zebʉrʉdera Daizezebara jõbiyi nokʼora nama udabemaba zokʼabʉra, ãyara ẽbẽra mejãchaʉta zʉbʉriabibʉ baera yõneba. Audre kʼawua kĩrãbʉbʉrʉ sãwũã armagedon zeda tẽã ewari jõmaʉ̃nẽ aduʼapanaita lera naʉ̃ra artikulorata

• “¿Qué es el Armagedón?”

• “La llegada de Armagedón es una buena noticia”