Jesúsbara jõbiyi yõra

Jesús nama egorode basidera ẽbẽrarã wãrĩnu kãgabʉta ũdubisi, maʉ̃ kʼarea iyi bebʉta diasi ẽbẽrarãbari (Mateo 20:28; Juan 15:13). Aranʉ Jesúsbara akʉza ũdubiyi iya ẽbẽrarã kãgabʉra Daizeze Nokʼoba zokʼa jʉ̃drʉbʉrʉde, mawũã «naʉ̃ drʉa jõmaʉ̃nẽ jõbiyi yõra naʉ̃ egorodera» (Salmo 46:9).

Akʉra Daizeze Bedʼeaba jarabʉta Jesúsba oi ʉ̃rʉ:

• «Iyara kʼarebai baera kʼãrẽ neẽãbʉ iyaʼa kʼareba widibʉra akʉza kʼaiba kʼarebai neẽãbʉra. So zʉbʉria akʉyi kʼãrẽ neẽãbʉra akʉza kʼaiba kʼarebai neẽãbʉra adewara ẽdrʉbiyi kʼãrẽ neẽãbʉra beidebara. Ẽdrʉbiyi bedʼea zromaneba akʉza kayiruadeba» (Salmo 72:12-14).

¿Sãwũã ũdubipanʉ biga diapanʉta Jesúsba dayirã kʼarebada kʼarea akʉza aranʉ kʼarebai kʼarea? Audre kʼawuapanʉne Daizeze Nokʼo ʉ̃rʉ. Jesús nama uda baside maʉ̃ ʉ̃rʉ jaradiasi (Lucas 4:43). Akʉra artikulo «¿Qué es el Reino de Dios?».