¿Daizeze Bedʼeabara kʼarebaseabʉka kayabʉ awuantaita?

Daizeze Bedʼeaba panʉbʉ

Kʼarebaseabʉ. Daizezebara biode krĩchabʉ ẽbẽrarã kayabʉ iyi ode kʼẽrẽpabʉra. Ãyitaʼa Daizeze Bedʼeabara bedʼea biata erbʉ: «Kamane kayatabʉdera Jeowaba iya kamara ara oerbayi» (Salmo 41:3). Nama ũrãgʼa ũbea akʉdayi dayirãta dããrababʉrʉ kayabʉta:

1. Daizezeʼa widibara zareata awuantabimarẽã. «Daizeze neneẽãbʉbara jõmaʉ̃ra krĩchaira ʉ̃tabʉba» kʼarebayi aduʼa bʼaita akʉza aukʼara ẽ marẽã (Filipenses 4:6, 7).

2. Krĩcha biata erbara. Daizeze Bedʼeaba jarabʉ: «Dayi so sobiabʉdera remedio bia, mamina dayi sopʉabʉdera kʼãrẽ oamabʉ» (Proverbios 17:22). Krĩcha biata erbʉbʉrʉ kʼarebaseabʉ bʉ kayabʉta bia sentita akʉza bʉ so sobia bʼaita.

3. Kĩrãbeibara ʉ̃rabʉrʉ nebia zei ʉ̃rʉ. Nebia ʉ̃ra zei kĩrãbebʉba kʼarebabʉ dayi sobia bʼaita kayabʉbʉsida (Romanos 12:12). Daizeze Bedʼeabara jarabʉ ewari zeita mia kʼaiba jara ẽ baita: «Kayakʉ mʉ̃ra» (Isaías 33:24). Daizezebara jõma jõbiyi kaya mia kʼai ẽbẽraba jõbibeda ẽãta. Adewara Daizezebara zõnabada kʼarea kayabʉra wiña wiñane bebi wãñi, Daizeze Bedʼeaba jarabʉ: «Iyi yarara jẽda bamarẽã iyi warraraena bada kĩrãkʼa; akʉza jẽda zarea erbara iyi warraraena bada kĩrãkʼa» (Job 33:25).

Nota: Dai Jeowa ʉ̃rʉ Kʼawuabipanʉrabara ĩjãpanʉ Daizezeba kʼarebabʉta, mamina wãpanʉ medikoma kayanʉminanera (Marcos 2:17). Daibara jarada ẽ saʉ̃ remediota jʉrʉibarata, awuarabʉrʉ aba abakaʉba krĩchaibara kʼãrẽta oibarata kayanʉminanera.