¿Daizezebara kʼãrẽa parãsi ẽbẽrarãra?

Daizeze Bedʼeaba panʉbʉ

Ẽbẽrarãba naʉ̃ ʉ̃rʉ krĩchabʉrʉde naʉ̃ bedʼeata widiseabʉ: «¿Kʼãrẽa namapanʉ? ¿Kʼãrẽa parãsida?». Daizeze Bedʼeaba jarabʉ ẽbẽrarãra Daizezeba parãsita iyi neũdukʼawua ba zedamarẽã. Naʉ̃ bia ũrĩnaita akʉdaya kʼãrẽta jaradiabʉta Daizeze Bedʼeaba.

• Daizezeba parãsi dayirãra. Daizeze Bedʼeaba jarabʉ: «Iya parãsi dayirãra, maʉ̃ kʼarea dayirãra iyide» (Salmo 100:3; Revelación 4:11).

• Naʉ̃ drʉa jõma parãnabara jõma dayirãba ũdubʉra bari parã ẽ basi, maʉ̃ kĩrãkʼa parãsi ẽbẽrarãrasida (Isaías 45:18).

• Daizezebara dayirãra parãsi iyidebemata audre kʼawuakĩrãmarẽã, maʉ̃ kʼarea ẽbẽra jõmaʉ̃ba kʼawuakĩrãpanʉ kʼãrẽa parãsidata ãyira (Mateo 5:3). Iyara kãgabʉ maʉ̃ ʉ̃rʉ kʼawuadamarẽã (Salmo 145:16).

• Daizezebara parãsi dayirãra iyi ʉ̃rʉ kʼawuakĩrãmarẽã, maʉ̃ kʼarea zarea odaibara iyi ʉ̃rʉ bia kʼawuaita akʉza zarea odaibara iyi neũdukʼawua ba zeita. Maʉ̃ kʼarea Daizeze Bedʼeaba jarabʉ: «Daizeze kʼaita bʼaidua, mawũãra iyira mara kʼaita baya» (Santiago 4:8; 2:23).

• Daizeze Bedʼeaba jarabʉ ẽbẽrarãra parãsita naʉ̃ita: «Wawiara Daizeze wãrĩnuarãra akʉza iya zokʼabʉta ora, ẽbẽrarã jõmaʉ̃ba maʉ̃ta opanaibara». Maʉ̃ kʼarea maʉ̃ta odara Daizeze neũdukʼawua ba zeseabʉ (Eclesiastés 12:13).

• Ʉ̃ra zeide Daizezeba ẽbẽraita oita krĩchabadara aripe berabaribiyi, jõbiyi zʉbʉrʉriata adewara oyi iyi neũdukʼawuarãra ewari jõmaʉ̃nẽ bamarẽã (Salmo 37:10, 11).