ORA BɄA DAIZEZE BEDʼEA JARADIABɄRɄDE | SOBIABARA JARADIA WÃBɄDE
Kʼarebaibara dayi nekʼawuabarira wãmarẽã ãba yi jʉrebarima
Ãba yi jʉrema wãita arigʉ yibia Daizezeʼa yiwidʼipanʉ baera (Sl 22:22). Ẽbẽrarã ãba yi jʉrepanʉne Daizezeʼa yiwidʼipanʉba, mejãcha sobiapanʉ akʉza nebiata mejãcha ũdupanʉ (Sl 65:4). Nekʼawuabarirata ãba yi jʉrepanʉma wãbʉrʉdera, mesera Jeowa neũdukʼawua baseabʉ.
¿Sãwũã kʼarebaseabʉ nekʼawuabarirata ãba yi jʉrebʉma wãmarẽã? Badua jarada jʉ̃ẽmarẽã. Ũdubira bideo ¿Kʼãrẽta opanʉ Jeowa ʉ̃rʉ Kʼawuabipanʉrãbara ãyi ãba yi jʉrebʉmaera? Akʉza jara ũrĩbira kʼãrẽ yibiata ãba yi jʉrebarima wãita (lff yi 10). Bʉara jaraseabʉ ãba yi jʉrebarimae kʼãrẽ kʼawuadata mawũã ẽ bʉrʉ wuarebema semanane kʼãrẽ ʉ̃rʉ bedʼeaita. Nekʼawuabaria diara karta ãba yi jʉrebarimae zokʼapanʉta, mawũã ẽ bʉrʉ ũdubira JW Library® «Reuniones» abʉmae. Akʉza nekʼãrẽ biata ora iyita, bari jaraita ãba yi jʉrebarima edeseabʉ. Bʉ nekʼawuabarita ãba yi jʉrebarima jʉ̃ẽbʉrʉdera, bʉa kʼawuayi bʉa obʉra arigʉ yibiata (1Co 14:24, 25).
BIDEO KʼAREBAIBARA DAYI NEKʼAWUABARIRA WÃMARẼÃ ÃBA YI JɄREBARIMA ŨDUBIDA TẼÃ, PANɄRA NAɄ̃ WIDITA:
¿Ritabara kʼãrẽta osi Eriyidaʉta ãba yi jʉrebʉma wãmarẽã jaraita?
¿Kʼãrẽa mejãcha sobiapanʉ nekʼawuabarita ãba yi jʉrebʉma wãbʉrʉdera?
«Daizezera wãrĩnu marane eda bʉ».
¿Eriyidaʉra sãwũã sentibasi ãba yi jʉrebarima wãkata jʉ̃ẽsidera?