Kʼarebaibara dayi nekʼawuabarira ẽbẽra kayiruabawara ba ẽ baita

Nekʼawubarirata Jeowa neũdukʼawua bakĩrãbʉbʉrʉ biʼia jʉrʉibara kʼaita ãyi neũdukʼawua bʼaita (Sl 15:1, 4). Neũdukʼawuara biaba kʼarebayi nebiata odamarẽã (Pr 13:20; lff yi 48).

Nekʼawuabariba ãyi neũdukʼawuata amaebʉrʉdera dayirãbara so zʉbʉria ũdubidaibara, ãyitara zarea baera ãyi neũdukʼawua amaeita. Maʉ̃ kʼarea jaradiada tẽã junea iyiʉ̃me ãba bedʼeaseabʉ, mensajeta selulardeba zokʼaseabʉ mawũã ẽ bʉrʉ trʉ̃seabʉ. Nekʼawuabariba wiña wiñane Jeowata kãgabʉta ũdubi wãbʉrʉ, trʉ̃seapanʉ mebẽrãbawara ãba bʼaita. Mawũã ãya kʼawuayi wãrĩnu bʼaira, dobapanʉ ẽãta (Mr 10:29, 30). Maʉ̃ daucha bʉsida sobiabayi ũdubʉ baera Jeowa pʉwʉrʉra sãwũã wari wãta.

BIDEO KʼAREBAIBARA DAYI NEKʼAWUABARIRA ẼBẼRA KAYIRUABAWARA BA Ẽ BAITA ŨDUBIDA TẼÃ, PANɄRA NAɄ̃ WIDITA:

• ¿Kʼãrẽta jarakĩrãkʉ neũdukʼawua kayiruara? (1Co 15:33).

• ¿Eriyidaʉbara kʼãrẽta krĩchasi Jeowa ʉ̃rʉ Kʼawuabipanʉrãta ãba sobiapanʉ ʉ̃rʉra?

• ¿Ritabara sãwũã kʼarebasi Eriyidaʉra neũdukʼawua bia ũduita?