BʼAITA KRISTIANORA KĨRÃKʼA
Sãwũã zokʼaibara bideorãra Daizeze Bedʼea kʼawuabibʉrʉdera
Bʉ bideo kimare Daizeze Bedʼea kʼawuabibʉ ʉ̃rʉ bedʼeabʉta, maʉ̃ra zokʼaseabʉ Daizeze bedʼea jaradiabʉrʉde. Naʉ̃ra bideo kimarera, ¿kʼãrẽa aba abaka osida?
¿Daizeze Bedʼea kʼãrẽa kʼawuaibara? (bideo jõma). Naʉ̃ra osida ẽbẽrarã badu religionebʉba Daizeze Bedʼea ʉ̃rʉ kʼawuakĩrãmarẽã. Kʼarebabʉ ẽbẽrarã yi naʉ̃ bideo ũrĩbʉraba ãya bedʼea widibʉta Daizeze Bedʼeade jʉrʉdamarẽã akʉza jaradiabʉ Daizeze Bedʼeade kʼãrẽ ʉ̃rʉ bedʼeabʉta. Adewara bia jara ũrĩbibʉ kʼãrẽta oibarata bʉaʼa Daizeze bedʼea jaradiadamarẽã.
¿Daizeze Bedʼea kʼãrẽa kʼawuaibara? (wiña ũdubibʉ). Naʉ̃ bideora abarikabʉ ababemaʉ̃me, mamina naʉ̃ra audre kʉtʉabʉ bedʼea jõma abʉ ẽ baera. Naʉ̃ra yibia ũdubita ẽbẽrarã ewari mejãcha neẽã.
¿Sãwũã jaradiapanʉ dayirãbara Daizeze Bedʼea ʉ̃rʉ? Naʉ̃ta osida ẽbẽrarãba bari kʼawuakĩrãnamarẽã Daizeze Bedʼea ʉ̃rʉ akʉza jara ũrĩbibʉ dayirãba Daizeze Bedʼea ʉ̃rʉ sãwũã kʼawuabibʉta. Adewara bia jara ũrĩbibʉ kʼãrẽta oibarata bʉaʼa Daizeze Bedʼea jaradiadamarẽã.
Bia zebʉrʉ Daizeze Bedʼea kʼawuaita. Naʉ̃ bideora osida ũdubita ẽbẽrarãba Daizeze Bedʼea kʼawuada jʉ̃drʉda tẽã. Naʉ̃ bideora osida ũdubita yi pagina 2de libro Bʉra ewari jõmaʉ̃nẽ sobia baseabʉ akʉbʉde, mamina adewara ũdubiseabʉ akʉbʉde karta Bʉra ewari jõmaʉ̃nẽ sobia baseabʉ - Yi nãã bedʼeabʉchuta naʉ̃ libro ʉ̃rʉ. Naʉ̃ bideoba ũdubibʉ kʼãrẽ ʉ̃rʉ bedʼeaita naʉ̃ libro estudiabʉrʉde.
Naʉ̃ra bideo aba abaka osi awuara zokʼaita, mamina bʉa baduta ũdubiseabʉ akʉza zokʼaseabʉ ẽbẽrarãma. Mebẽrã Daizeze bedʼea jaradiapanʉrabara biʼia kʼawuaibara kʼãrẽa osidata naʉ̃ra bideorãra, mawũã biʼia zokʼadamarẽã Daizeze bedʼea jaradiabʉrʉde.