¿Kʼãrẽta oi Daizeze Nokʼobara kayaʉ̃me?

Ẽbẽra mejãchaʉta COVID-19ba barinʉmʉ ẽ mina naʉ̃ba jarakĩrãkʉ ẽ mia abaʉ ẽbẽrata kaya ẽãta maʉ̃ba. Kʼawuapanʉ ũrãzeidebida awuru kaya COVID kĩrãkʼabʉta zeita, maʉ̃ kʼarea kãwũãena kʼawuaibara kʼãrẽta oita. Naʉ̃ra jarasi Dr. Tedros Adhanom Ghebreyesus. Organización Mundial de la Salud zokʼabʉba, 22 mayo 2023de.

Idi ewade ẽbẽrarã mejãchaʉta kayapanʉ akʉza ãyi burudebida kayabʉ, COVID-19 berabarida kʼarea. ¿Nokʼoraba akʉza medikoraba awuru kaya zroma zebʉrʉdera kʼarebaseabʉka dayirãra? Adewara, ¿idi ewade dayirãba kaya ũdubʉrʉdera kʼarebaseabʉka?

Daizeze Bedʼeaba jara ũrĩbibʉ nokʼo abaʉba jõbita kayata. Jarabʉ Daizeze ʉ̃tʉbemabara, bʉyi nokʼota (Daniel 2:44). Maʉ̃ nokʼoba zokʼabʉrʉde «Mia abaʉ ẽbẽraba jara ẽ bayi, kayakʉ mʉ̃ra» (Isaías 33:24). Jomaʉ̃ta kayakabayi akʉza zareabayi (Job 33:25).