Plata mejcha neẽ, ¿kʼãrẽta oi Daizeze Nokʼobara maʉ̃ kʼarea?

Ẽbẽrarã naʉ̃ drʉade bʉitara ewariza audre zareabʉ bia bʼaita, platata jõ wã baera.

• Notisiade jarapanʉ,a drʉa jõmaʉ̃nẽ ẽbẽraba plata ganabʉbara nekʼãrẽ wiña edaseabʉ. Adewara notisiabara jarabʉ naʉ̃ta awuara ẽ bʉrʉ ũdudaita yi plata mejãcha erbʉbara audre erbaita, kõbe yi nekʼãrẽ neẽãbʉra audre zʉbʉriaita akʉza yi mebẽrãsida zʉbʉriaita.

¿Nokʼorabara naʉ̃ bedʼea zromara ãrã oseapanʉka?

Daizeze Bedʼeabara jarabʉ, bʉta nokʼo aba maʉ̃ba jõbita plata kʼarea zʉbʉriabʉra akʉza jõmaʉ̃ta bia panaita. Akʉza jarabʉ «Daizeze ʉ̃tʉbemabara, bʉyi nokʼo jõkata» naʉ̃ nokʼobara drʉa jõma zokʼayi (Daniel 2:44). Adewara jõmaʉ̃ta bia akʉy,i mia kʼaita zʉbʉria ẽ bayi (Salmo 9:18). Daizeze Nokʼobara ẽbẽraba jõma nesidabʉta diayi maʉ̃ba ẽbẽrarã jõma sobiapanañi (Isaías 65:21, 22).