¿Bʉka nokʼo aba jõma bia zokʼaseabʉra? | ¿Kʼãrẽta jarabʉ Daizeze Bedʼeabara maʉ̃ ʉ̃rʉ?

Nokʼorabara kʼawuada ẽ yi kʼãrẽsida oira. Nokʼora mejãchaʉba merakĩrãpanʉ bedʼea zroma berabarinʉmʉra akʉza bedʼea zromaba bia babi ẽ nokʼorãra. Politikora bedʼea abarika ze ẽãba bedʼea zroma ũdubibʉ, maʉ̃ba opanʉ marchata.

Daizeze Bedʼeabara jarabʉ bʉta nokʼo kʼẽrẽpabʉta. Maʉ̃ nokʼo ʉ̃rʉra ũrĩsibaibara ewari aba, bari jaraita Jesúsba jarabarisi padrenuestrode.

• «Marara kʼãwũã yiwidʼidua: ‹Zeze ʉ̃tʉbema, bʉ trʉ̃ra neneẽã baide bʉa. Zebira bʉ Nokʼota. Bʉa kãgata odaide bʉa ʉ̃tre akʉza nama egorodebida›» (Mateo 6:9, 10).

¿Kʼãrẽta jarabʉ Daizeze Bedʼeabara maʉ̃ Nokʼo ʉ̃rʉra?

Nokʼo kʼẽrẽpabʉta

Ʉ̃tʉba zokʼayi maʉ̃ Nokʼobara.

• Jesúsba jarasi maʉ̃ Nokʼora «ʉ̃trebemata» (Mateo 4:17; 5:3, 10, 19, 20). Maʉ̃ kʼarea iya jarasi: «Mʉ̃ Nokʼora naʉ̃ drʉadebema ẽ» (Juan 18:36).

Naʉ̃ Nokʼoba zokʼayi ẽbẽrarãba zokʼai kaude.

• Daizeze Bedʼeaba jarasi: «Naʉ̃ nokʼoba birachiyi akʉza jõma jõbiyi maʉ̃ra nokʼorãra, adewara iyitrʉ ewari jõmaʉ̃nẽ bayi» (Daniel 2:44).

Jesúsba zokʼabʉrʉdera, maʉ̃ra jõ ẽ baita beyi.

• Daizeze Bedʼeaba jarabʉ: «Iya zokʼaira atia jõ ẽ baera ewari jõmaʉ̃nẽ bayi iyi Nokʼora» (Daniel 7:13, 14).

Naʉ̃ Nokʼobara aduʼa babiyi jõmaʉ̃ta akʉza neẽbayi peraira.

• Daizeze bedʼeaba jarabʉ: «Ãya ne u uba udamae jewedadayi akʉza bakuru iguera edre, adewara miõba daʉperada ẽ bayi» (Miqueas 4:4).

Audre kʼawuara maʉ̃ Nokʼo ʉ̃rʉ

Jesús naʉ̃ drʉaeda zesidera jaradiabasi audre «Daizeze Nokʼo ʉ̃rʉ» (Mateo 9:35). Akʉza jarasi naʉ̃ta berabarita:

• «Akʉza bedʼea bia Daizeze Nokʼo ʉ̃rʉra jaradiadayi naʉ̃ drʉa jõmaʉ̃nẽ ẽbẽrarãba kʼawuadamarẽã pʉwʉrʉra jõmaʉ̃nẽ, maʉ̃ tẽã zeyi jõĩta» (Mateo 24:14).

Idi ewade bedʼea bia naʉ̃ Nokʼo bia ʉ̃rʉ jaradiabarabʉ 240 pʉwʉrʉ audre. ¿Kʼãrẽ nebia wei maʉ̃ Nokʼobara? akʉza ¿kʼãrẽta oibara naʉ̃ nebia ũduita? Bʉabida naʉ̃ Nokʼo ʉ̃rʉ kʼawuaseabʉ.

Akʉra bideota ¿Kʼãrẽ Daizeze Nokʼora?