Juwa jidaira ewari jõmaʉ̃nẽ ãbapanaibara

Juwa jidapanʉraba Jeowata wawia ũdubipanʉbʉrʉ maʉ̃rãra bia wã (Mr 10:9). Kristianora juwa jidapanʉra dããra bʼaita akʉza sobia bʼaita ũrĩbara Daizeze Bedʼeaba zokʼabʉta ãya kima jʉrʉbʉrʉdera.

Biga bayi bʉ aukʼara warraraena kima jʉrʉ ẽ baita, bʉ warraraenara edaʉde zare baera kʼawuaita saʉ̃ta bigata bʉita (1Co 7:36). Bʉ warraraenara krĩchaibara bʉ sãwũã Jeowa neũdukʼawua bʼaita akʉza bʉ sode kʼãrẽ nebia erbaita, maʉ̃ta obʉbʉrʉ bʉ juwa jidabʉrʉde bia wãñi.

Juwa jidai nãã biʼia ũdukʼawuara bʉ kima bʼaiba sãwũã krĩchabʉta (1Pe 3:4). Bʉa biʼia kʼawua ẽ bʉrʉ iyi sãwũãbʉta, juwa jidai nãã iyiʉ̃me bedʼeara. Juwa jidabʉrʉdera bʉara audre bia krĩchaibara kʼãrẽta diaseabʉta bʉ kimaʼa, bʉaʼa bʉ kimaba nekʼãrẽta diamarẽã krĩchanʉmaira (Flp 2:3, 4). Bʉ doba bʉeda Daizeze Bedʼearadebemaba zokʼabʉta aripe obʉbʉrʉ, juwa jidabʉrʉdera zare ẽ bayi mama zokʼabʉta oita, mawũã bʉ juwa jidabʉrʉde sobiabayi.

BIDEO KʼÃRẼTA OIBARA JUWA JIDAI NÃÃ. YI 3: NÃÃRA BIA KRĨCHAIBARA, ŨDUBIDA TẼÃ, PANɄRA NAɄ̃ WIDITA:

• ¿Mebẽã wẽrãra Shaneʉ̃mera sãwũãpanasi?

• ¿Mebẽã wẽrãba Shane audre ũdukʼawua wãne kʼãrẽta ũdu wãsi?

• ¿Yibarirabara sãwũã kʼarebasida akʉza iya kʼãrẽta osi?