YI 14
¿Kʼãrẽta oibara dayirãbara Daizezeba kãgabʉde oita?
Yi 13de kʼawuada kĩrãkʼa, Daizezebara religionʼra jõma bia akʉ ẽ. Mamina dayirãba oseabʉ iya zokʼada kĩrãkʼa iyi sobiabita. Nekʼĩrã biobʉmina Daizezeʼa yiwidʼita, ¿iya saʉ̃ta biʼia akʉbʉ? (Santiago 1:27). Akʉdaya kʼãrẽta jaradiabʉta Daizeze Bedʼeaba.
1. ¿Sama jara ũrĩbibʉ Daizeze sãwũã kãgaibarara?
Daizeze Bedʼeade jarabʉ sãwũã Daizezeba kãgabʉde oita. Jesubara jarasi Daizezeʼa: «Bʉ bedʼeabara wãrĩnuta jaradiabʉ» (Juan 17:17). Ʉ̃kʉrʉ religionʼrabara Daizeze Bedʼeaba jaradiabʉta jaradiai kaʉde, jaradiapanʉ komunidaba obʉta akʉza ãyi zõrãrãenabemaba ozebʉrʉta. Mamina Jeowabara kãga ẽ ãya obʉra iya zokʼabʉta oda ẽ baera (akʉra Marcos 7:9). Mamina dayirãba sobiabiseabʉ ũrĩbʉde Daizeze Bedʼeaba jarabʉta akʉza iyi ũrãgʼata.
2. ¿Sãwũã kãga ũdubiseabʉ Jeowaʼa?
Jeowatrʉ dayirã parãna baera iyi abapaiʼabʉrʉ yiwidʼidaibara (Apocalipsis 4:11). Naʉ̃ba jarakĩrãbʉ iyita kãgadaibarata akʉza iyabʉrʉ yiwidʼidaibarata mawũã yiwidʼida ẽ baibara nekʼãrẽ omaneba adewara potodeba (akʉra Isaías 42:8).
Jeowaba zokʼabʉrʉ obʉrʉdera neneẽã baibara akʉza iya kãgabʉde oibara (Romanos 12:1). Naʉ̃bara jarakĩrãbʉ dayirãra ewari jõmaʉ̃nẽ baibarata Jeowaba zokʼabʉde. Bari jaradaita, Jeowa mejãcha kãgapanʉbara ũrĩpanʉ akʉza wawiapanʉ ũrãgʼa diabʉra adewara do ẽ chirua kayirua bʉratʉmata, tabakota akʉza ituata, kʼawuapanʉ baera naʉ̃ba dayi kakua ãrĩbʉta.a
3. ¿Kʼãrẽa ãba yi jʉredaibara ẽbẽra Jeowaba zokʼabʉ ũrĩkĩrãbʉme?
Dayirã semanaza ãba yi jʉrebʉbara kʼarebabʉ ibia bedʼeadaita «Jeowa ʉ̃rʉ» dayirã kongregasione (Salmo 111:1, 2). Naʉ̃ra dayirãbara ũdubiseabʉ Daizezeʼa trãbʉde (akʉra Salmo 104:33). Jeowaba dayirã zokʼabʉbʉrʉ ãba yi jʉredamarẽã, naʉ̃ba ũdubibʉ iya kãgabʉta akʉza iya kʼawuabʉ ãba yi jʉrebʉbara kʼarebaita dayirã ewari jõmaʉ̃nẽ sobia bʼaita. Dayirã ãba yi jʉrebʉrʉdera zowaĩnĩgʉa diabʉ akʉza wuabemarabida.
AUDRE BIʼIA KʼAWUADADRɄ
Kʼawuadadrʉ kʼãrẽa Jeowabara kãga ẽãta nekʼãrẽ omaneba iyaʼa yiwidʼidamarẽã. Adewara kʼawuayi nekʼãrẽ oibarata Daizeze ʉ̃rʉ ibia bedʼeaita.
4. Yibia ẽ nekʼãrẽ omaneba Daizezeʼa yiwidʼira
¿Sãwũã kʼawuapanʉ Daizezebara kãga ẽãta nekʼãrẽ omaneba yiwidʼidamarẽã? Akʉra BIDEOTA, mõbe naʉ̃ta panʉidua:
¿Kʼãrẽta berabarisi Daizeze pʉwʉrʉ nããbemaba nekʼãrẽ omaneba iyaʼa yiwidʼisidadera?
Ʉ̃kʉrʉ ẽbẽrabara nekʼãrẽ omaneba Daizezeʼa yiwidʼibʉ. Mamina, ¿naʉ̃bara Daizeze kʼawa babi kaʉde jĩgara babibʉ ẽka? Akʉra Éxodo 20:4-6 akʉza Salmo 106:35, 36, mõbe naʉ̃ta panaidua:
¿Ẽbẽrarã Daizezeʼa yiwidʼibʉdera, Bʉa kʼãrẽta zokʼabʉta ũdubari?
¿Kʼãrẽta krĩchabʉ Jeowabara nekʼãrẽ omaneba yiwidʼibʉ ʉ̃rʉra?
¿Bʉitara yibiaka nekʼãrẽ omaneba Daizezeʼa yiwidʼira?
5. Jeowaba kãgabʉde opanʉbʉrʉ ẽbẽrarãba ĩjãbʉa yi sewabi ẽ bayi
Akʉdaya dayirãba Jeowaba kãgabʉta opanʉbʉrʉ, sãwũã ẽdrʉdaita ẽbẽrarãba sewa ĩjãbʉdeba. Akʉra BIDEOTA.
Akʉra Salmo 91:14, mõbe naʉ̃ta panʉidua:
Dayirãba ũdubipanʉbʉrʉ Jeowata kãgabʉta akʉza iya abapaiʼabʉrʉ yiwidʼipanʉta, ¿kʼãrẽta oi Jeowabara dayirã kʼarea?
6. Daizeze kãgabʉta ũdubipanʉ kongregasione ãba yi jʉrepanʉne
Dayirã kongregasionbawara bedʼeapanʉne adewara trãpanʉne ibia bedʼeabʉ Jeowa ʉ̃rʉ akʉza dayirãi zarea diabʉ. Akʉra Salmo 22:22, mõbe naʉ̃ta panʉidua:
¿Ãba yi jʉrebʉde wuabemaba panʉbʉbara bʉra kʼarebabʉka?
¿Bʉabida kʼawuakĩrãbʉka kʼãrẽta jaraita ãba yi jʉrebʉrʉde?
7. Jeowabara kãga wuabemara jaradiamarẽã daya kʼawua wãta
Dayirã ewari jõmaʉ̃nẽ bedʼeaseabʉ Daizeze Bedʼea kʼawua wã ʉ̃rʉ awuru ẽbẽrarã. Akʉra Salmo 9:1 akʉza 34:1, mõbe naʉ̃ta panʉidua:
Daizeze Bedʼeade jõma kʼawua wãnebemanera, ¿bʉara saʉ̃ta jaradiakĩrãbʉ wuabemara?
Ʉ̃KɄRɄBA KRĨCHAPANɄTA: «Ẽbẽrarã nemitia omia baera Daizezeba zokʼabʉta jõma obe ẽ».
¿Bʉara sãwũã krĩchabʉ?
KĨRÃBEITA
Dayirãbara Daizezera sobiabibʉ iyi abapaiʼabʉrʉ yiwidʼibʉde, kongregasione iyi ʉ̃rʉ ibia bedʼeabʉrʉde akʉza dayirãba kʼawuadata wuabemara jaradiabʉrʉde.
Panʉnadrʉ
¿Sama jara ũrĩbibʉ Daizeze sãwũã kãgaibarara?
¿Kʼãrẽa Jeowatrʉ abapai kãgaibara?
¿Kʼãrẽa kãgaibara Daizezera ẽbẽrarã iyi bedʼea ũrĩkĩrãbawaraʉba?
JɄRɄDA AUDRE KʼAWUAITA
Nebʉra «Nekʼãrẽ oma yiwidʼibʉta idubʉsi» akʉra kʼawuaita kʼãrẽa yuwẽrã abaʉba mejãcha sobiabʉta iya idubʉsi baera nekʼãrẽ oma yiwidʼibʉta.
«Daizeze Bedʼeabara mʉ̃ bebʉra awuarababibʉ» (Jarakabʉ, 1ne juliode 2011de)
kongregasion ãba yi jʉrei naweda krĩchara kʼãrẽ ʉ̃rʉ jaraita
«Ãba yi jʉrebarimae Jeowa biga diadaibara» (Jarakabʉ, enerode 2019de)
Akʉdaya sãwũã ãba yi jʉrebʉba kʼarebasita kʉ̃rã aba iyita zarebasimina mama wãita.
Ẽbẽra mejãchaʉba jarapanʉ kruzʼra kristianoneba zebʉta. Mamina, ¿dayirãbara kruz zokʼaibaraka Daizezeʼa yiwidʼira?
«¿Jeowa ʉ̃rʉ Kʼawuabipanʉrãbara kʼãrẽa zokʼada ẽ kruzʼra?» (Artikulo jw.org)
a Tẽãne maʉ̃ ʉ̃rʉ audre kʼawuayi.