YI 01
¿Sãwũã kʼarebaseabʉ bʉra Daizeze Bedʼeabara?
Ẽbẽra mejãchaʉba widipanʉ kʼãrẽa beipanʉta akʉza kʼãrẽa zʉbʉriapanʉta naʉ̃ drʉadera. Mejãchaʉba biode krĩchapanʉ sãwũã plata ũduita mawũã iyi bia bʼaita akʉza yi mebẽrãsida sãwũã sobia erbaita. Mamina ẽbẽra bioʉba kʼawuabʉda Daizeze Bedʼeaba panʉbʉta naʉ̃ kʼãwũã widibʉra akʉza ũrãgʼa bia diabʉta Daizeze Bedʼeabara. ¿Daizeze Bedʼeabara kʼarebaseabʉka ẽbẽra bʉa ũdukʼawuabʉra?
1. ¿Daizeze Bedʼeabara kʼãrẽ bedʼeata panʉbʉ?
Daizeze Bedʼeabara panʉbʉ naʉ̃ bedʼeata: ¿Samaʉ̃ba zesi dayirãra?, ¿kʼãrẽa panʉ naʉ̃ drʉadera?, ¿kʼãrẽa zʉbʉriapanʉ ẽbẽra biara?, ¿samadogo dayirã beida tẽãra?, ¿kʼãrẽa naʉ̃ drʉadera yõta mejãchabʉ ẽbẽrata aduʼa bakĩrãpanʉbʉrʉ? Akʉza, ¿kʼãrẽta sãwũã berabari dayirã drʉara? Bʉa ũduseabʉ nama widibʉ panʉira Daizeze Bedʼeade. Ẽbẽra mejãchaʉba jʉrʉsida Daizeze Bedʼeaba panʉbʉra, mawũã ãyira mejãchade sobiapanʉ ãya kʼawuadadeba.
2. ¿Sãwũã kʼarebabʉ Daizeze Bedʼeabara dayirã ewari jõma sobia bʼaita?
Daizeze Bedʼeabara ũrãgʼa biata diabʉ dayirãʼa, jaradiabʉ sãwũã wãrĩnu sobia bʼaita dayirã mebẽrãbawara akʉza kʼãrẽta oibarata krĩcha zroma oẽ baita akʉza sobia bʼaita daya trajo erbʉdeba. Daya naʉ̃ librodeba kʼawua wãne kʼawuayi Daizeze Bedʼeaba kʼãrẽta jaradiabʉta naʉ̃ ʉ̃rʉ akʉza wuabema bedʼea ʉ̃rʉ. Bʉa ewariza audre kʼawua wãne bʉa jarayi «Daizezeba jõma bʉbisi iyi Bedʼeara, jõma maʉ̃ra biga jaradiaita» (2 Timoteo 3:16).
Naʉ̃ librora Daizeze Bedʼea ẽ, awuarabʉrʉ naʉ̃ libroba kʼarebayi Daizeze Bedʼea audre bia kʼawuaita. Maʉ̃ kʼarea kãgapanʉ naʉ̃ librode testobʉra jõma akʉmarẽã akʉza kʼawuamarẽã mama kʼãrẽta jaradiabʉta.
AUDRE BIʼIA KʼAWUADADRɄ
Kʼawuadayi sãwũã Daizeze Bedʼeaba ẽbẽrarã kʼareba zebʉrʉta akʉza kʼãrẽta odaibarata Daizeze Bedʼea lekĩrã ledaita, adewara kʼãrẽa yibiata awuruba dayirã jaradiaita.
3. Daizeze Bedʼeaba jaradiabʉ
Daizeze Bedʼeara jedeko eguewariba o ʉ̃nabʉ kĩrãkʼabʉ. Daizeze Bedʼea kʼawuabʉdeba jidaseabʉ krĩcha biata akʉza kʼawuaseabʉ ʉ̃ra kʼãrẽ berabarita.
Akʉra Salmo 119:105, mõbe naʉ̃ta panʉidua:
¿Salmo bʉdabara kʼãrẽta krĩchabasi Daizeze Bedʼea ʉ̃rʉ?
Mamina bʉara, ¿kʼãrẽta krĩchabʉ Daizeze Bedʼea ʉ̃rʉ?
4. Daizeze Bedʼeabara panʉbʉ dayirãba widibʉta
Yuwẽrã abaʉba bedʼea widibʉta poaga mejãcha berabarisi, maʉ̃ta Daizeze Bedʼeaba panʉsi iya widibʉra. Akʉra BIDEOTA, mõbe naʉ̃ta panʉidua:
¿Kʼãrẽta widibasi yuwẽrã bideodebemabara?
¿Daizeze Bedʼeabara sãwũã panʉsi iya widibʉra?
Daizeze Bedʼeabara jarabʉ dayirãbara widipanaibarata. Akʉra Mateo 7:7, mõbe naʉ̃ta panʉidua:
¿Bʉmara Daizeze Bedʼeabara panʉika bʉa widibʉra? ¿Saʉ̃ta panʉseabʉ?
5. Daizeze Bedʼea leira yibia
Ẽbẽra mejãchaʉba lekĩrã Daizeze Bedʼeara akʉza mama ũrãgʼa diabʉta ũrĩpanʉ. Akʉra BIDEOTA, mõbe naʉ̃ta panʉidua:
¿Kʼãrẽta krĩchabʉ warrara bideodebemabara karta lei ʉ̃rʉra?
Mamina ãyara, ¿kʼãrẽa lekĩrãpanʉ Daizeze Bedʼeara?
Daizeze Bedʼeade jaradiabʉbara zowaĩnĩgʉata diabʉ akʉza nebia zeita jʉ̃ãbibʉ. Akʉra Romanos 15:4de, mõbe naʉ̃ta panʉidua:
¿Kʼawuakĩrãbʉka sãwũã Daizeze Bedʼeaba zowaĩnĩgʉa diabʉta akʉza sãwũã nebia zeita jʉ̃ãbibʉta?
6. Awuru kʼarebadeba Daizeze Bedʼea audre kʼawuadayi
Daizeze Bedʼea ãyi dobaʉba lebʉ awuara, audre kʼarebabʉ awuru ẽbẽraba ãyaʼa jaradiabʉde. Akʉra Hechos 8:26-31, mõbe naʉ̃ta panʉidua:
¿Kʼãrẽba kʼarebai Daizeze Bedʼea audre biʼia ẽza ũrĩta? (Akʉidua nejʉacha zake 30 akʉza 31).
Etiopebara nesidabasi awuruba Daizeze Bedʼea iyaʼa jaradiamarẽã. Idi ewadebida ẽbẽrarã mejãcha kʼarebabʉ awuruba Daizeze Bedʼea ãyaʼa jaradiabʉrʉde.
Ʉ̃KɄRɄBA KRĨCHAPANɄTA: «Daizeze Bedʼea kʼawuaira jipa zeri ẽ».
¿Bʉara sãwũã krĩchabʉ? ¿Kʼãrẽa mawũã krĩchabʉ?
KĨRÃBEITA
Daizeze Bedʼeabara ũrãgʼa biata diabʉ, panʉbʉ daya widibʉta akʉza zowaĩnĩgʉata diabʉ adewara jʉ̃ãbibʉ nebia zeita.
Panʉnadrʉ
¿Kʼãrẽ ũrãgʼa biata diabʉ Daizeze Bedʼeabara?
¿Daizeze Bedʼeabara kʼãrẽ bedʼeata panʉbʉ?
¿Kʼãrẽta kʼawuakĩrãi bʉara Daizeze Bedʼeadeba?
JɄRɄDA AUDRE KʼAWUAITA
Kʼawuara kʼãrẽa idi ewade Daizeze Bedʼeaba ũrãgʼa bia diabʉra yibiata.
«Daizeze Bedʼeaba jarabʉra ewari jõmaʉ̃nẽ aripebʉ» (Jarakabʉ, num. 1, 2018de)
Akʉra sãwũã Daizeze Bedʼeaba kʼarebasita yumakẽrã abaʉta iyi warraraenaʉba krĩcha zroma ozebʉrʉta.
Kʼawuara Daizeze Bedʼeaba ũrãgʼa bia diabʉta mebẽrãbawara sãwũã sobia bʼaita.
«Bedʼea 12bʉta mebẽrãbawara sobia bʼaita» (¡Despertad!, num. 2, 2018de)
Akʉra sãwũã Daizeze Bedʼeaba kĩrãkita jara ũrĩbibʉta ẽbẽrarãba aña krĩchapanʉta kʼaiba zokʼabʉta naʉ̃ drʉa ʉ̃rʉ.