Dibujota ora jẽda bia kĩrãbeita

Dayirãba estudiabʉrʉde jẽda kĩrãbeira biode zareabʉ. Mamina Jesúsba yizadeba jaradiadara dayirãbara idi basidu kĩrãbepanʉ, ¿kʼãrẽa? Dayi krĩchade krĩchanʉmʉ baera iya sãwũã jaradiadata maʉ̃ba zare ẽ jẽda kĩrãbeita. Abarika dayirã estudiabʉrʉde kartade dibujo ora naʉ̃ba kʼarebayi audre bia kĩrãbeita dayirãba estudiabʉta.

Ẽbẽrarã ãya kʼawua wãta dibujabʉbara audre jẽda bia kĩrãbebʉ ãya kʼãrẽ yiwidi kʼawuadara. Maʉ̃nera ãyara bari kĩrãbebʉ ẽ bedʼea abapai awuarabʉrʉ kĩrabebʉ kʼãrẽ ʉ̃rʉ bedʼea badata. Naʉ̃ra ẽbẽrarãba ãya dibujo obʉra bia kĩrãwãreã oẽ mina biode kʼarebabʉ jẽda kĩrãbeita adewara mawũã dibujo obʉbara zõrãrãta audre kʼarebabʉ.

Mara estudiabʉrʉde biga bayi maraba kʼawua wãta dibujo oita naʉ̃ba kʼarebayi maraba nekʼarẽ yiwidi kʼawuadata jẽda kĩrãbeita.