MELE REVISITA TAC
LECCIÓN 7
Mach a cʌy a coltañob
Texto baqui chucul: «Maʼañobic i cʼaj o, tsiʼ chʌn chaʼleyob cʌntesa yicʼot tiʼ subuyob jiñi wen tʼan tac» (Hech. 5:42).
Tsaʼ bʌ i mele Pablo
1. Qʼuele jiñi VIDEO o pejcan Hechos 19:8-10. Cheʼ jiñi ñaʼtan ili cʼajtiya tac:
Anquese an maʼañic bʌ tsiʼ mulayob i ñʌchʼtan jiñi i sujmlel, ¿bajcheʼ la cujil chaʼan Pablo maʼañic tsaʼ lujbʼa i tsiʼ chʌn colta jiñi tsaʼ bʌ i mulayob i cʌn i sujmlel?
¿Jajaypʼejl qʼuin tsajñi Pablo i pejcan jiñi tsaʼ bʌ i mulayob i cʌn i sujmlel, i jaypʼejl jab tsiʼ mele?
¿Chuqui mi laj cʌn tiʼ tojlel Pablo?
2. Chaʼan wen mi lac mel lac revisita yicʼot mi lac tech estudio yomʌch mi la cʌqʼuen i yorajlel yicʼot mi lac chaʼlen wersa.
Lajin Pablo
3. Jacʼʌ a julaʼtan jiñi lac piʼʌl cheʼ bajcheʼ hora miʼ subeñet. Cʼajtiben a bʌ: «¿Jala an i yorajlel c chaʼan chaʼan miʼ majlel c julaʼtan? ¿Jala an i yorajlel i chaʼan chaʼan mic julaʼtan? ¿Baqui yom chaʼan mic pejcan lon c bʌ?». Cucu julaʼtan cheʼʌch bajcheʼ hora miʼ subeñet anquese tajol mach cheʼic ñaʼtʌbil a chaʼan bajcheʼ jiñi.
4. Cʼajtiben jala mi laʼ chaʼ mejlel ti tʼan. Mach a waʼ tucʼ a tʼan i cheʼ jach maʼ sujtel, ñaxan cʼajtiben chuqui ti qʼuin i bajcheʼ hora miʼ mejlel a chaʼ julaʼtan. I tsʼʌctesan a tʼan.
5. Mach lujbʼaquet. Mach a ñaʼtan chaʼan maʼañic chuqui yom jiñi lac piʼʌl mi maʼañic maʼ taj tiʼ yotot o cabʌl i yeʼtel (1 Cor. 13:4, 7). Chʌcʌ julaʼtan, pero chaʼlen wersa chaʼan maʼ cʼʌn ti wen jiñi a tiempo (1 Cor. 9:26).