¿Chuqui miʼ yʌl jiñi Biblia?
¿Chuqui jiñi i Yumʌntel Dios?
AN MUʼ BɅ I ÑOPOB chaʼan jiñi i Yumʌntel Dios an ti lac pusicʼal, yañoʼ bʌ miʼ yʌlob chaʼan jiñʌch muʼ bʌ i tajtʌl cheʼ bʌ jiñi quixtañujob miʼ chaʼleñob wersa chaʼan temel miʼ yajñelob yicʼot miʼ tajob i ñʌchʼtʌlel. Ixcu jatet, ¿bajcheʼ a wʌlʌ?
MUʼ BɅ I YɅL JIÑI BIBLIA
«Jini Dios am bʌ ti panchan mi caj i waʼchocon yambʌ Yumʌl, mach bʌ yujilic jilel. [...] Mi caj i laj jisan pejtel jini yumʌlob» (Daniel 2:44). Jiñi i Yumʌntel Dios isujmʌch.
¿CHUQUI MIʼ BEJ AL JIÑI BIBLIA?
Jiñi i Yumʌntel Dios waʼchocobil ti panchan (Mateo 10:7; Lucas 10:9).
Dios mi caj i cʼʌn i Yumʌntel chaʼan miʼ mel chuqui yom yaʼ ti panchan yicʼot wʌʼ ti Pañimil (Mateo 6:10).
¿Jala mi caj i tilel i Yumʌntel Dios?
¿BAJCHEʼ MI CAJ A JACʼ?
Maʼañic majqui yujil
Lʌcʼʌlix
Maʼañic baʼ ora
MUʼ BɅ I YɅL JIÑI BIBLIA
«Jini wen tʼan chaʼan i yumʌntel Dios mi caj i sujbel tiʼ pejtelel pañimil chaʼan miʼ yubintel tiʼ pejtelel pañimil. Ti jim bʌ ora mi caj i tilel i jilibal» (Mateo 24:14). Cheʼ bʌ tsaʼix sujbi jiñi wen tʼan tiʼ pejtelel pañimil, mi caj i tilel jiñi i Yumʌntel Dios i mi caj i jisan jontolil.
¿CHUQUI MIʼ BEJ AL JIÑI BIBLIA?
Maʼañic majqui yujil jala mi caj i yoque tilel i Yumʌntel Dios (Mateo 24:36).
Jiñi profecía tac miʼ pʌs chaʼan lʌcʼʌlix mi caj i tilel jiñi Yumʌntel (Mateo 24:3, 7, 12).