¿Chuqui miʼ yʌl jiñi Biblia?

¿Mejl ba i coltañonla jiñi Biblia chaʼan miʼ mejlel lac ñusan laj cʼojol tac?

¿Bajcheʼ a wʌlʌ?

• Mucʼʌch

• Maʼañic

• Tajol

Muʼ bʌ i yʌl jiñi Biblia

«Acʼʌ tiʼ wenta Dios pejtelel laʼ cʼojol, come woliʼ cʌntañetla» (1 Pedro 5:7). Jiñi Biblia miʼ subeñonla chaʼan Dios miʼ mejlel i coltañonla ti laj cʼojol tac.

¿Chuqui miʼ bej al jiñi Biblia?

• Wocolix i yʌlʌ jiñi oración, mi lac taj ‹i ñʌchʼtʌlel lac pusicʼal chʼoyol bʌ ti Dios›, miʼ coltañonla lac ñusan jiñi laj cʼojol (Filipenses 4:6, 7).

• Cheʼ jaʼel, cheʼ mi lac pejcan i Tʼan Dios miʼ coltañonla chaʼan mi lac ñusan jiñi cʌlʌx pensar (Mateo 11:28-30).

¿Muʼ ba caj i cʼotel jiñi qʼuin cheʼ bʌ maʼañix chuqui mi caj laj cʼojoʼtan?

An muʼ bʌ i ñaʼtañob... chaʼan i tilelʌch cheʼ mi laj cʌlʌx chaʼlen pensar. Yañoʼ bʌ miʼ ñaʼtañob chaʼan mi caj laj cʌy lac chaʼlen cʌlʌx pensar cheʼ bʌ añoñixla ti yambʌ laj cuxtʌlel. ¿Bajcheʼ a wʌlʌ jatet?

Muʼ bʌ i yʌl jiñi Biblia

Dios mi caj i luʼ jisan jiñi muʼ bʌ i yʌcʼonla ti cʼojol. «Maʼanix majch miʼ caj ti chʌmel. Maʼanix ucʼtaya mi uqʼuel mi wocol» (Apocalipsis [Revelación] 21:4).

¿Chuqui miʼ bej al jiñi Biblia?

• Cheʼ bʌ i Yumʌntel Dios mi caj i yuman ili Pañimil, ñʌchʼʌl yicʼot tijicña mi caj lac chumtʌl (Isaías 32:18).

• Jiñi laj cʼojol tac maʼañix mi caj i chʌn ñaʼtʌntel (Isaías 65:17).