Bajcheʼ tac miʼ mejlel lac sub

Lac Tsictesʌbentel 1 i chaʼan octubre

«Woli lon c pʌsben jiñi lon c piʼʌlob ti chumtʌl ili revista Lac Tsictesʌbentel. [Pʌsben i pat jiñi revista.] Cabʌl miʼ ñaʼtañob chaʼan maʼañic i cʼʌjñibal jiñi oración come maʼañic majch miʼ ñʌchʼtan. An muʼ bʌ i ñopob chaʼan mucʼʌch i ñʌchʼtan Dios. ¿Chuqui maʼ wʌl jatet? [Pijtan chaʼan miʼ jacʼ.] Qʼuele muʼ bʌ i yʌl jiñi Biblia chaʼan jiñi oración. [Pejcan Isaías 30:19.] Ili revista miʼ pʌsbeñonla chaʼan Dios miʼ ñʌchʼtan yicʼot miʼ jacʼ jiñi oración muʼ bʌ i mejlel ti wen yicʼot cheʼ utsʼatʌch chuqui miʼ cʼajtintel.»

Chaʼan tratado tac

Cheʼ bʌ tsaʼix a pejca yicʼot a sube majquiyet: 1) Pʌsben jiñi cʼajtiya am bʌ tiʼ tejchibal, i cʼajtiben chuqui miʼ ñaʼtan. 2) Jamʌ jiñi tratado yaʼ baqui an «Muʼ bʌ i yʌl jiñi Biblia» chaʼan maʼ chaʼlen tʼan. Ti wiʼil miʼ mejlel a pejcan ti Biblia jiñi texto tac, mi mucʼʌch i mejlel yicʼot mi añʌch i yorajlel i chaʼan, tsajinla yaʼ baqui miʼ yʌl «Jini wenlel tac muʼ bʌ mejlel a taj». 3) Suben chaʼan a wom a cʌyben jiñi tratado yicʼot chaʼan miʼ luʼ pejcan cheʼ bʌ an i yorajlel i chaʼan. 4) Cheʼ bʌ mux caj a sujtel, pʌsben yaʼ baqui miʼ yʌl «Cʼajtiben a bʌ», i suben chaʼan mi caj a chaʼ julaʼtan chaʼan mi laʼ tsajin jiñi jacʼbal muʼ bʌ i yʌcʼ jiñi Biblia.