Dios yom i yʌqʼueñet cabʌl bendición

• ¿A wom ba chumtʌl ti jumpʼejl pañimil baqui maʼañix guerra yicʼot jontolil?

• ¿A wom ba chaʼan maʼañix cʼamʌjel, chaʼan maʼañix maʼ wilan wocol tac yicʼot chaʼan maʼañix chʌmel?

• ¿A wom ba chaʼan maʼañix chuqui maʼ cʌlʌx pensalin?

• ¿Muʼ baʼ ñaʼtan chumtʌl cheʼ bʌ maʼañix maʼ bʌcʼñan chaʼan miʼ mejlel ti ujtel icʼ jaʼal o yan tac bʌ?

Ili mach lolom tʼan jach. Tsaʼ bʌ i mele ili Lum juntiquilʌch Dios muʼ bʌ i cʼuxbiñonla, an i yʌcʼʌ i tʼan chaʼan tijicña mi caj lac chumtʌl yicʼot mi caj la cajñel ti ñʌchʼʌl tiʼ pejtelel ora.

Ti jiñi yan tac bʌ artículo mi caj i jajqʼuel ili cʼajtiya tac:

• ¿Bajcheʼ yubil miʼ yubin Dios chaʼan muʼ bʌ lac ñusan?

• ¿Chuqui miʼ cʌntesañonla i Tʼan Dios?

• ¿Chuqui tsiʼ yʌlʌ jiñi xʼaltʼañob chaʼan muʼ bʌ caj i mel Dios tiʼ tojlel jiñi quixtañujob?

• ¿Bajcheʼ miʼ coltañonla Dios chaʼan tijicñayonla ili ora yicʼot ti talto bʌ qʼuin?

Laʼ lac ñaxan qʼuel muʼ bʌ i pʌsbeñonla chaʼan Dios mucʼʌch i cʼuxbiñonla.